maygi

厲害

KGB2016

Suiyan師兄，洗衣機因長時間擺同一位置，耐咗腳位好似粘實咗一樣，所以最好掹咗挿頭後，利用自己身體重量推一推洗衣機上部，再在洗衣機左右兩邊各用力逐D逐D拉出，學樓主建議，將地下整濕亦可方便移出。

同埋樓上有D師兄話洗衣機無法去水，好大機會係排水泵有問題，如有辦法在無法排水時，人手放咗D水，洗衣機又可繼續下一程序，機會就好大。

近日我部用咗十年嘅LG WD-A12185D洗衣機就因為用95度熱水程序洗過一次，令一條橡筋因排水時纏實去水泵，無法排水，LCD顯示屏出現咗‘OE’錯誤碼。

後拆開排水泵，順清理排水泵入面似溝渠味，黑芝麻糊樣污跡，洗衣機又正常返，又靜咗。排水泵又係艾默生牌子，當出現‘OE’錯誤碼10分鐘後，洗衣程序停止咗，LCD屏幕凈顯示‘OE’兩字母，5分鐘後洗衣機自動關機。似乎解釋咗10分鐘on，5分鐘off嘅疑問。不過，我部洗衣機只係拆咗下面塊膠板，機底下有一大橫孔，伸手入去就順利拆除排水泵。

假如有日有需要，相信我亦會好似Kentnlee師兄咁拆解部洗衣機。

zxcxz

厲害！我試過拆唔到洗衣機個內膽出黎
其實用到唔會換，新果d都好係專登設計到易壞d

Faye

請問師兄第一次拆開裝返用住先, 用左幾耐時間

其實我都想試整, 不過家人永遠超心急買新機
我要快過佢先得

另外我想用除油浸漬粉開95度洗機, 唔知要落幾多呢？