大家覺得叉電叉過夜安全嗎？

alexn

叉電叉過夜安全嗎？
由其是叉18650鋰電池之類，
我上網睇過好多人意見，
有人話吾安全，因為部機萬一著火／爆炸，瞓左會吾知。
又有人話安全，只要吾好亂用山寨野，科技進步，部叉機保護已經好足夠。。。
大家又覺得點呢?

lunxg

以安全第一為原則, 什麼電池都不應在沒人看管下充電(包括手機)

但其實我都唔會24小睇住粒電咁傻的嗎

不過鋰電類18650或LIPO果D, 因為爆起上黎後果真係好嚴重, 我唔會俾佢差過夜/ 充電時出街

sikoto

我非必要都唔會差過夜，睇過有youtube 有over charge 既片，如恐怖....

diputs

任何機電器材都唔會係零故障，即沒絕對安全。
不如討論下點樣叉鋰電池過夜會安全d，或萬一叉機出問題，鋰電在屋內著火怎處理更好。
拙見以為要加強保障，減少因鋰電起火引至損失：
一般家庭在屋內叉鋰電過夜要將數量盡量減少，每pack鋰電最好能盡量分隔遠d獨立叉（如在不同廳房，防止萬一當中有一塊著火會波及旁邊果塊/堆）；
將叉機周圍易燃物品清走（包括機底），可以的話將叉機放入一個耐火磚或泥、瓦等容器內（可能用dow耐火玻璃容器都得）蓋上頂蓋單伸出電線，如係個容器內/蓋面加超溫alarm更好；
叉機附近有適量滅火用沙（千萬不能用水），可能有其他滅鋰電火材料或器材（如CO2滅火筒但唔知有無效），希望師兄們能多加介紹；
要求大廈管業處於每樓層指定地方放置一桶較多滅火沙或其他可滅或控制鋰火器材，防止波及至其他單位。曾聽說今年有一屋苑因午夜鋰電著火，波及了附近好幾個單位，因消防員黎到，大多用消防水喉救火，對鋰電火無效。或者可向消防署查証是否訛傳。
小弟對此認識不多，回應目的係拋磚引玉，希望大師兄們能多加指正及建議！

ckshum

呢個世界無絕對安全，只是程度不同，以及風險有幾大。個人意見都係唔用山寨，不要放近易燃物品，即使充過夜也沒有太大問題。擔心的話可以把電池鎖入防火夾萬裡才充電，燒起上來都唔使驚

digiman

溫控開關+timer，部差機固障就由呢兩樣嘢做保險，電池升溫異常溫控開關cut電，溫控都失效就由timer把關，都壞埋嘅認命把啦

ps:雖然兩樣我都有，但我冇咁做過

samuelsansan

但差電差成日係好平常,咁一出街就要停,回到家中又繼續差,咁咪變了斷斷續續?
我唸未爆舊電已經打柴

via 朕的手機

qkuser

回覆 8# 1號閒人

期待師兄大作 如果真的制造了出來,小弟願意當爛頭卒,來測試一翻