[操作疑難] 請問 窗口式冷氣機 恆溫掣 可以diy自己換嗎?

本帖最後由 Leeahye2 於 2019-9-19 22:22 編輯

廳部兩匹Panasonic窗口式冷氣機已過保養一年, 近日發現恆溫壞咗, 完全唔識停壓縮機, 不停製冷, 超級凍!

試咗一輪, 應該係恆溫掣壞咗, 下圖紅圈圈住嗰個, 扭去"1"度 壓縮機都唔識停!


初初將佢左右來回咁擰, 有時會停到個壓縮機, 跟住恆溫就會正常操作返一、兩日,
但係呢個方法嘅效用越嚟越短, 而家一晚要搞三四次, 而且越嚟越難搞得到!

請問有冇師兄自己換過呢個掣?
容易diy嗎?
可以唔托部機落嚟換嗎?

請各位師兄指教一下, 謝謝!


後記: (2019年9月19日)
====================================================
見有師兄提起呢個帖, 就入嚟睇下, 原來啲圖死晒, 咁就貼返晒啲圖, 順手報告返個結局。

舊年9月天氣未涼, 唔敢拆個恆溫器去四圍搵替換, 就咁享受咗一個超級凍嘅夏天!
好嘞, 到天氣涼嘅時候就懶, 話知佢!

一直拖到今年3月尾, 先至打電話去信興問有冇得賣, 得到嘅當然係官方答案:
「要搵註冊電業承辦商去信興登記咗先至可以賣出街。」

咁我唯有叫佢哋嚟整, 因為我部機已經過咗保養, 約佢哋師傅上嚟就盛惠460元, 整到就即場整, 換零件逐件計錢!
我話知道壞咗恆溫器, 叫佢寫落order度帶定嚟換, 我驚佢要行多次上嚟又要460元!

信興解釋話唔會再收多次460元, 只會收零件錢。
我極之唔想佢哋要嚟兩次, 因為冷氣機下面有好多嘢要搬!
我堅持叫佢寫低帶定嚟換, 最後佢話幫我寫低咗, 後來證實係敷衍我!

師傅嚟到一開機全部正常, 搵個AMP鉗仔鉗下鉗下話冇事喎, 跟住想散水, 嚇得我吖, 460元爭啲就咁飛走!
我即刻捉住佢同佢講下詳細嘅故事, 跟住佢講咗一堆廢話唔認同, 但我堅持即刻要換恆溫器,
師傅話要打電話去倉問有冇貨, 問完話要訂貨, 盛惠145元,
呢145元更換完先至畀, 仲好好心提醒我, 4星期後都冇電話, 就自己打電話上去問!

果然4星期都冇聲冇氣, 打電話去問就話已經到貨! 呢次又唔同師傅嚟, 好快手就換完,
如果有零件, 真係自己換都應該冇問題。

最後搞掂晒都五月中, 用咗5個星期時間同605元。

壞嗰隻恆溫器:

先把個膠手掣取出,睇下內孔有冇爆才決定下一步吧

TOP

本帖最後由 Leeahye2 於 2019-9-19 22:30 編輯
先把個膠手掣取出,睇下內孔有冇爆才決定下一步吧
Simple 發表於 2018-9-6 10:34

謝謝回覆!

可能我描述得唔好, 個問題同個膠手掣無關的(1樓已更正字眼),
因為感覺到入面條軸係跟住個膠手掣轉嘅, 而且個手感係"刮刮地"唔暢順嘅。

剛剛搵到個6年前嘅網頁都係講呢個問題, 咁啱又係樂聲牌冷氣機(不過冇講型號同匹數)!
借佢啲圖嚟用下:


先拆左個面蓋, 拉出右下角個控制面板出來


拆個老鼠尾出來




差唔多款嘅2手老鼠尾


原來個恆溫掣係連埋條老鼠尾, 拆個掣出嚟應該唔難,
但樓主打過電話去信興零件部問過冇貨, 而且基於安全理由, 信興話就算有貨都唔會賣!
樓主之後落街搵間水電維修鋪問, 搵到個差唔多款2手老鼠尾($80), 自己就咁搞掂咗。


我冇嗰位樓主咁叻, 唔同款都敢裝,
既然信興唔肯賣原裝零件, 我都係頂埋今個夏季, 出年叫信興嚟整好過...

TOP

本帖最後由 Cagiva 於 2018-9-7 09:24 編輯
廳部兩匹Panasonic窗口式冷氣機已過保養一年, 近日發現恆溫壞咗, 完全唔識停壓縮機, 不停製冷, 超級凍!

...
Leeahye2 發表於 2018-9-6 00:58



近10年嘅P記窗口機都有呢個情况, 代理唔會賣件比街客,( 就算你email P記總部都叫你搵代理, 不過係正常做法)可以試吓搵街外師傅用公司單訂貨

樓主真係只差一點點就解決倒個問題

TOP

老鼠尾式的恆溫掣易買到,
出去賣冷氣工程物品工司都有,
祇是尺寸可能有別,
連汽車用的恆溫掣都可以用上!
其實它祇是一隻溫度開關(注意工作電流 A 數便行)。

TOP

近10年嘅P記窗口機都有呢個情况, 代理唔會賣件比街客,( 就算你email P記總部都叫你搵代理, 不過係正常做 ...
Cagiva 發表於 2018-9-7 09:16

謝謝回覆!

如果街外師傅買到原裝新貨, 我直頭會叫佢換埋!

其實我都好黑仔! 廳用開珍寶, 個壞法就同樂聲啱啱相反,
去到8月比較熱嘅時候, 就會overheat cut製冷, 要熄機半個鐘至一個鐘先開得返, 真係熱死人!
換咗樂聲就唔識cut製冷, 凍死人!
不過, 如果俾我揀都會揀凍死好過熱死! 哈哈

好多年前睡房都有部4分3匹冷氣機一樣壞恆溫凍死人, 係樂信牌, 外形同我而家部樂聲2匹差唔多樣嗰隻,
當年沙士冇幾耐, 冷氣機好平, 就咁換過部新冇再深究, 唔通呢兩隻牌子用同一款恆溫掣? 一樣咁易壞!

TOP

本帖最後由 Leeahye2 於 2018-9-8 23:48 編輯
老鼠尾式的恆溫掣易買到,
出去賣冷氣工程物品工司都有,
祇是尺寸可能有別,
連汽車用的恆溫掣都可以用上!
...
wah9134 發表於 2018-9-7 16:56

謝謝回覆!

我唔係DIYer, 屋企冇乜架生可用, 如果唔啱位就會好麻煩, 我梗係想買番個一模一樣嘅新恆溫掣啦。

請問賣冷氣工程物品公司邊度可以搵到?
即係街邊啲維修冷氣嘅舖頭?
Thanks!

TOP

本帖最後由 diputs 於 2018-9-7 20:38 編輯

你都拆到冷氣機個面板同個調温掣影相,即係表示你有螺丝批及動手能力。
只要有多把尖咀鉗或一字批,將接調温掣兩個線耳小心拔除,帶埋個掣去冷氣工程鋪問吓有冇(例: 兩匹窗口機温度掣,尺寸同厘個相同或接近,幾錢)。
旺角同觀塘都有冷氣工程鋪。

TOP

你都拆到冷氣機個面板同個調温掣影相,即係表示你有螺丝批及動手能力。
只要有多把尖咀鉗或一字批,將接調 ...
diputs 發表於 2018-9-7 20:34

謝謝回覆!

可能ching冇留意3樓入面啲文字, 嗰啲圖係我借人哋個案啲圖嚟用,
而家天氣熱, 唔敢喐部冷氣住, 係拆都要等天氣涼咗先!

TOP

拆個制出英光配!

TOP