[開箱] (更新 2020-01-29)[中伏與補鑊]4 入 1 出紅白黃 AV 線遙控選擇器

C_Law

話說以前屋企客廳的高清機頂盒+有線電線，都用紅白黃 AV 線駁去客廳的 VHS 錄影機，再經同軸天線入房，係房用電腦 Analogue TV Card/電視機接收客廳部錄影機的 RF 頻道，就可以係房都睇/錄得到客廳的高清機頂盒和有線電視。

但上個月客廳部錄影機死 Tuner，輸出不到自己個 RF 頻道，於是買了個紅白黃 AV 線→RF 天線轉換器，但這轉換器只有一組 AV-In，於是又買了這個有遙控的紅白黃 AV 線 4 入 1 出選擇器。

4进1出音视频切换器 AV-666D
淘寶貨，￥30 另加 ￥6 大陸段運費。集運重量 0.439kg。




內有：
選擇器主機
遙控器(用 2xAAA，不包電)
一條兩邊 RCA 公頭的紅白黃 AV 線
DC 5V 1A 兩幼圓腳火牛(5.5x2.1 插頭)


主機正面有一粒紅色 Power LED，只要有駁電就長著。另有 4 粒顯示 Channel 的紅色 LED，使用時只有一粒著。如果係 Off 的狀態(無聲畫輸出)，這四粒都不會著，但 Power LED 仍然會著。


主機的耗電量好低，低到我個 USB 錶頭都讀不到 A 數值，我個 18650→USB 5V 電池盒更因為電流太低，開著一陣後就當無 Loading 而自動斷電。


遙控器上的 On/Off 掣，在 On 的狀態下按這掣會進入 Off 狀態(無聲畫輸出)，在 Off 狀態下按這掣，會進入 On 狀態並回復到 Off 之前的 Channel。

除此之外，遙控器上還有 4 粒 Channel 掣，在 Off 狀態下按 Channel 掣會轉到 On 狀態並轉到相關的 Channel。在 On 狀態下按其它 Channel 掣會轉 Channel，不過，如果按正在使用的 Channel 的掣會等如 Off。變相令遙控器上 On/Off 掣變得多餘。

而主機頂亦有 4 粒 Channel 掣，作用同遙控器上的 4 粒 Channel 掣一樣。

講返個遙控器，它是用 NEC Protocol，5 個掣的 32bit Hex 數值分別是：
On/Off:44BB28D7
AV1:44BB48B7
AV2:44BBE817
AV3:44BB9867
AV4:44BB7887

試過用 Android 手機 App irplus 和 irplus LAN，自製這遙控器的設定檔，都能正常由手機遙控得到。

中伏
原本打算客廳的機頂盒、有線電視、DVD 機都用一開二線，分別駁去客廳電視機，以及去這選擇器再入房。但發現當選擇器在 On 的狀態時，未被選擇的 Channel 的左和右 Audio source 會被 Short 落 Ground！

eg. AV-1 是有線電視、AV-2 是高清機頂盒、AV-3 是 DVD 機，如果想在房睇有線電視，揀了 AV-1，客廳電視機想睇高清機頂盒或 DVD 都會有畫但無聲！

Signal source 都可以 Short 得落 Ground，簡直係白痴的設計！

補鑊
既然 On 狀態下未被選擇的 Audio I/P 會被 Short 落 Ground，我心諗如果在輸入前先串連一粒電阻，就算 Short 落 Ground 都是電阻的另一邊，個 Source 應該不至於會被 Short。

手頭上有 20 kΩ 的 VR，於是試下將個 Soruce 先經一分二線，其中一邊直駁電視，另一邊串連個 20kΩ 的 VR 後駁去這個選擇器的 I/P。

結果如我所料，將選擇器設定去其它 I/P 時調校這 VR，當 VR 調校到 0Ω 時(相當於直接駁入選擇器)，電視機近乎無聲出(貼耳仔埋電視機喇叭再開大電視聲先至隱若聽到小小聲)。將 VR 阻值逐漸調高，電視機就開始有聲出，大約校到去幾 kΩ 後，音量就回復到正常水平，再繼續調高直到盡頭 20kΩ，音量都維持係正常水平。

之後測試選擇器的輸出音量，將選擇器設定到輸入訊號的 Channel，O/P 駁去電視機，VR 由 20kΩ 開始逐漸調低到 0Ω，音量都正常，無變化，即係即使係輸入前串連 20kΩ 電阻都不影響到選擇器的輸出音量。

相信在輸入端串連電阻的方法可解決非使用中的 Audio source 被 Short 落 Ground 的問題。

撩開機殼底六個膠墊就見到六粒螺絲，鬆開螺絲就可以輕易打開個殼：




詳細睇下塊底板各輸入端位置，以 AV-1 為例：


L 和 R 輸入的 RCA 座之後，係分別先經過 J43 和 J34 兩粒 0Ω 電阻才進入其餘線路。再睇埋另外三組輸入，同樣係 L 和 R 的 RCA 座先經過 0Ω 電阻才進入其餘線路。於是決定將四組輸入共八粒的 0Ω 電阻換成 20kΩ 的電阻。這八粒電阻係底板上的 Label 分別是：
AV-1:J34, J43
AV-2:J63, J64
AV-3:J89, J92
AV-4:J18, J19

由於淘寶已年尾收市不接新單，唯有出 SSP 買電阻，係華輝搵到 20kΩ 的 1206 SMD 電阻($15 一包有 50 粒)。

第一次焊 SMD 電件，兼夾老花眼睇不清，換八粒電阻都搞了我大半個鐘 ，換完後心急試，未影相就裝返個殼拎出廳駁線測試。
↓↓(更新 2020-01-29)↓↓
新年假無所事事，又拆開補返張修改後的相。

↑↑(更新 2020-01-29)↑↑

我將客廳的有線電視、高清機頂盒、DVD 機的紅白黃 AV 線，分別先經一開二線，一邊駁電視機，一邊駁這選擇器再去 AV 線→RF 同軸天線轉換器入房。

試過客廳和房睇相同或不同的設備，兩邊都可以正常出聲。

最後測試係將選擇器設定到無駁線的 AV-4，其餘三個輸入都有開著播片，然後係房開大電視音量，都不覺有聲，三個無被選擇的輸入的聲音都無漏到輸出。

總算成功補鑊。

↓↓(更新 2020-01-29)↓↓
下一步改裝：
今日再拆開，其實係另有目的。

個選擇器 4 個 Channel 的顯示 LED，1 和 2，以及 3 和 4 都放得好近，實際使用時，離遠看，好難分辨到究竟係 1 或 2 著燈，或者係 3 或 4 著燈。

記憶中 N 年前第一次玩 Arduino 時買了一套 Kit，有印象係跟了一堆不同顏色的 3mm LED，今日再拆開個選擇器，原本係想換不同顏色的 LED 上去，方便分辨已選擇的 Channel。但拆開後再去搵零件盒，但搵不到這堆 LED ，可能已送了給別人。唯有等將來幾時再去淘零件先至買來換。

binary369

師兄好嘢!