win168

想買部 kindle paperwhite 32G 去好讀網看武俠小說, 請問set up 會不會很繁複?

mkmonkey

自製漫畫推薦用 kindle comic converter，圖像 optimize 做得唔錯，不過 run 得幾慢。

Bugdog

文石冇煩惱，咩都開到

鐵火魚腩卷

想買部 kindle paperwhite 32G 去好讀網看武俠小說, 請問set up 會不會很繁複?
win168 發表於 2018-8-31 12:28

32G好似係用黎睇漫畫的，如果你係主力睇小說，8GB已經可以睇到你盲，慳返幾百蚊啦~~~

只係佢唔支援epub格式，你要下載好讀網果啲mobi格式檔案先睇到。

kindle去到2016版，只要firmware升級到 5.9.6 版，可以俾你加繁簡體中文字型，咁就可以睇到中文字了。
教學見此

好讀網果啲檔案你真係求其買部二手kindle或者kobo都開得到的、甚至再cheap啲，一二百淘返黎的國產機，都係唔會有任何問題的。

我用緊呢部老野睇好讀網啲書，好處係︰輕(110g)、唔怕撞爆芒、實體揭頁制、夠平爛咗唔心痛。

win168

32G好似係用黎睇漫畫的，如果你係主力睇小說，8GB已經可以睇到你盲，慳返幾百蚊啦~~~

只係佢唔支援epub ...
鐵火魚腩卷 發表於 2018-8-31 15:39

謝謝師兄詳細指正。

我上去Price.com, 發現很多不同型號，有美版，有日版，有廣告版，冇廣告版。其中分別在那，應該怎選擇。

師兄説paperwhite 32 G 是看卡通。我不會看卡通，但可能會看一些有插圖的 pdf 文件。除了32G 外，paperwhite 的只有4G. 它的dpi 是300 有背光同wifi. 300 應該比2xx 清楚，有背光在暗地方看也易些。至於wifi, 有點都比冇好吧。

今天經過一間店有kindle 賣，店員説全香港的kindke 都是水貨。但Price 有很多店列明有行貨同水貨。豐澤同HKTv 也有kindle 賣，大店會否老實些。

我的預算是$1000， 主要睇好讀的武俠小說。我有手機（iphone, 小米8，Nexus 7 寸平板）。聽人説用kindle 看小說眼睛會較舒服所以便考慮買。

鐵火魚腩卷

我上去Price.com, 發現很多不同型號，有美版，有日版，有廣告版，冇廣告版。其中分別在那，應該怎選擇。

師兄説paperwhite 32 G 是看卡通。我不會看卡通，但可能會看一些有插圖的 pdf 文件。除了32G 外，paperwhite 的只有4G. 它的dpi 是300 有背光同wifi. 300 應該比2xx 清楚，有背光在暗地方看也易些。至於wifi, 有點都比冇好吧。

今天經過一間店有kindle 賣，店員説全香港的kindke 都是水貨。但Price 有很多店列明有行貨同水貨。豐澤同HKTv 也有kindle 賣，大店會否老實些。
win168 發表於 2018-8-31 16:54

因為kindle正式銷售渠道只係各amazon.com網購，但網購又有分內地、日本、美國（仲有其他國家），不同國家的預設語言選項同埋用戶登記的網站都有不同(然後經amazon買到的書又有不同），所以會有美版、日版之分。不過既然你唔會幫趁amazon買書，咩國家版本其實分別不大。

至於廣告版同無廣告版之分，只係部機stand-by果陣的screen saver有沒有amazon的廣告之分別，你俾個screen佢推廣告，佢會平啲賣部機俾你咁解，一般閱讀是沒有影響的。

另外有啲版本有3G，其實係方便啲用戶晌kindle上面直接買amazon的電子書。如果你的書來源只係好讀網，又無需要噃。

畫面ppi 300無錯是比167清楚，不過如果大部份時間睇文字，其實係唔覺的。因為epub/mobi啲字係可以調整大小的，無人會因為畫面只有167ppi而睇唔清楚啲字的，唯一好處只係晌睇pdf果陣會清楚少少，因為pdf無得用kindle黎調整字體大小。

但既然你自稱主要睇好讀網的小說，應該不需要考慮太多pdf閱讀的問題（因為呢個又係另一個範疇的閱讀需要了。）至於值唔值得為咗咁俾多少少錢買300ppi版本，真係好個人的決定。

但有背光呢樣就好多人會覺得相當方便，值得投資。如果你預算係1000蚊，應該paperwhite廣告版比較啱

至於晌邊度買，我自已會揀直接上amazon網站果度買，用信用咭俾錢。amazon會用香港郵政或DHL寄過黎，一般一星期之內會去到你手上。
不過HKTV同深水埗果啲都得，好處係即買即用。

但無論咩渠道買，壞咗都係要自已諗掂點整，呢樣網購同舖頭買分別不大。

win168

因為kindle正式銷售渠道只係各amazon.com網購，但網購又有分內地、日本、美國（仲有其他國家），不同國家 ...
鐵火魚腩卷 發表於 2018-8-31 18:34

解釋得非常詳細，謝謝。

Paperwhite 廣告版是否一個型號（怕買錯version, 2014,2016 etc).如果有美版日版揀，美版告白應該易明（英文vs 日文）。

上amazon 買不好處是收貨時有問題可能要寄回。在香港店買或許會有短時間（七日包換）保證。我會去逛逛問問。

nelsons

上amazon 安全過去深水埗, 如果唔急用，等BF 個陣會比較平。
因老虎叫我買部俾他，我又唔熟，見到里個post, 都學到野
上amazon, 可用到3個型號：Kindle, kindle Paperwhite,  kindle Oasis,  上面有比較

鐵火魚腩卷

解釋得非常詳細，謝謝。

Paperwhite 廣告版是否一個型號（怕買錯version, 2014,2016 etc).如果有美版日 ...
win168 發表於 2018-8-31 20:52

晌現時的amazon網站上面賣緊的paperwhite應該是2016版，最大分別係畫面ppi升到上300。但亦有唔同配置，分別係:只有wifi的版本，有wifi+3G的版本，然後呢兩個配置又有分有廣告版同無廣告版。好似仲有得揀黑色同白色機身~~~

如果你晌香港舖頭買，選擇應該更多，你可能會更混亂，因為有啲舖頭仲賣緊上一代的paperwhite，即是畫面ppi只有2百幾果個版本（可能係你指的2014版），然後又再分wifi版，wifi+3G版，有廣告同無廣告，咁。  

而由於好多人覺得300ppi正啲，所以有可能舖頭會用平啲的價錢賣2014版俾客，當係清舊貨咁。我自已覺得睇小說的話，2014版、淨wifi+廣告版都制得過。

你買果陣真係要問清楚。

via HKEPC Reader for Android

鐵火魚腩卷

上amazon 安全過去深水埗, 如果唔急用，等BF 個陣會比較平。
因老虎叫我買部俾他，我又唔熟，見到 ...
nelsons 發表於 2018-8-31 22:01

咁有啲人係想見到實機先決定，舖頭都有佢優勢。

同埋有問題拎去舖頭俾佢地搞，又煩少一重。

因為自已上amazon買，有事你要自已寫email去amazon解釋部機有咩問題、又要等佢個CS叫你自已check一次部機，全程英文，對好多人黎講係煩的，有舖頭幫手搞，咪煩少啲囉~~~