eric196511

我都有研究平板調較方面見解
好多網上測試都好笑只係用回原廠App試質素係唔準確
我用TAB S3時發現用原裝 三星App 不輪圖像影片或音質音效都差而且好細聲
我就去搵啲第三方軟件每樣都來測試
結果用跟機APP播影片，睇相，聽歌完全唔店
用第三方軟件播影片先發揮到平板Oled 2K威力
另外TAB S3 音效音量用第三方軟件先能夠發揮到平板本身Akg 調音威力質素
回樓上一位師兄講到TAb S3 只得0.65wx4細聲你咁念係錯
喇叭表現同質素唔係以數字W輸出做標準
如果有玩開影音嘅朋友就會知如何發揮喇叭表現
喇叭輸出細唔代表無威力或差
輸出大唔一定係好喇叭
只睇數字去比較質素係錯觀念
同一輸出W數喇叭大細聲表現都會受到音箱同布局設計有好大影響
我都係做過影音工程嘅工作
喇叭好與壞唔可以用W數來表達質素
其實Tab S3四個喇叭表現肯定係用上高質喇叭
我用第三方軟件去試音效時開好大聲都唔相信係0.65wx4喇叭能夠有咁大聲壓同唔拆
最後我不段搵答案點解平板喇叭咁細可以做到咁咁大聲
原來Tab S3 個喇叭位置係做過布局設計另細喇叭可以好大聲輸出
我記得當年啲日本設計高質喇叭賣成幾萬港元但輸出得50W
呢個喇叭賣成幾萬得50W表現唔係輸出方面係音箱布局設計另喇叭聲音變好大聲壓(聲壓＝響亮聲音）
而平板聲音表現都會受到機殼設計同輸出口位置都會有影響
我又發現平板加玻璃對喇叭發聲表現有提升
我係平板用家都有質素要求對TAB S3 影音表現無投訴但對三星原裝APP設計扣分

taxman123

多谢师兄詳细分析。
按个讚

Rockchan

我都有研究平板調較方面見解
好多網上測試都好笑只係用回原廠App試質素係唔準確
我用TAB S3時發現用原裝 三 ...
eric196511 發表於 2018-6-18 09:22

“第三方軟件” 即是哪些軟件？你打了這麼多字最後根本沒有解決問題，都唔知你係度吹水定真係試過。

同埋我唔覺得有人在乎你既工作，只要有人能提供一套能改善情況既實質方法，即使佢係十歲細路仔大家都會敬重，反之你打一大段冇實際幫助既野，只係浪費我地閱帖時間。

via HKEPC Reader for Android

ianschan

如果都係用尼睇片 好似我感 一定16比10好過4比3
我會買m5 10.5 吋 雖然同三星比可能係及吾上

takeoto

我都搵緊部10吋,煲劇,上網,lite版,budget$2000左右....

eric196511

唔介意比多小小錢等Tab S4 16：10
相信Tab S4一出華為M5 PRO會更小人買
華為M5平板8.4 ，10.5粒麒麟960好多外國新聞已經證實被降速變中階Cpu
將M5 PRO粒麒麟960無降速變相加價當PRO 賣貴啲
華為將同一粒CPU變成通用降速中階，無降速旗艦
唔似高通咁低，中，高型號分開唔同架構獨立出
大家差唔多價錢M5 PRO 好多功能確實弱過TAB S3

ccken99

Tab S4 新出就價錢一定5千幾啦 (同S3剛出時差唔多).

Spec一定好正, 只係接唔接受到個價錢。

v908

0.65W SPEAKER 連手機開始都唔用, S3全部 真係為清死貨而生, 但最悲用啲貨尾砌出黎都無人好過佢. 最搞笑出完32G, 要買都買晒, 根住出部128G出黎, 叫買左32G的買家情何以堪.

前有小米同華為, S4個價應該唔敢亂黎, 有機會平過S3.

哩度其實有幾多人用S3, 用佢個MON一定要裝"twlight", 調高個黑位. 唔係個播片畫質一定差過小米. 但作為三星大廠既然要用家裝第三方軟件去改善自己個 MON. 問題. 我都懷疑S4仲會有幾大誠意.

eric196511

未來手機或大部分平板已經開始用OLED屏幕
當然用得OLED屏幕嘅平板自然會貴啲
唔計燒印問題OLED確實色彩上還原度同廣色域係靚過背光LED
因為自發光OLED圖像顏色會實好多而且漏光情況係0
其實我有對比TAB S3同TAB S2各方優與缺
而Tab S2輸比Tab S3在屏幕同粒CPU
Tab S3 係用新一代Spuer Amoled而Tab S2 用舊Super Amoled兩者比較過
確實Tab S3 Spuer Amoled 出嘅圖像靚啲
所以三星由TAB S3 開始真正有誠意做好平板
唔計只得32Gb容量問題係其他硬體方面佢係Android平板中確實係最強
另外所有平板或手機係要用第三方軟件作出調教先會發揮到硬體最高性能同質素
所有跟機軟體唔係最能夠發揮到本身部機表現
當然要本身部機硬體上要強才能有更好體驗
廣告或一啲草草了事測試千奇唔好盡信
自己親身試係最好
Tab S4個價格台灣方面已經預測會貴過Tab S3

lam5178

想搭單一問, tab S3我支筆無咗, 可以配舊的s pen嗎? 越平越好...
不知道兼容性如何...