[私家車] 請教: 係街比隔離車整凹車門...手續問題

yiu1

新車落地半年, 泊係露天停車場, 睇住隔離車開門整凹車門.  已影相, 亦講明會番廠整, 對方話會賠償. called 警察到場記下對方資料和聯絡方法, 已有檔案號碼. 請問要不要通知保險公司? 因未知廠報價, 如對方要claim 保險, 再通知自己保險公司會否太遲?

警方話如對方不認數, 會交由交通部處理, 請問對不對? 因從未試過比人撞, 不太清楚手續先後, 謝謝

backspace-hk

如果買全保想claim 自己保險就要係7日內通知自己保險了。
不過開門L依啲小事不如去Dent 醫生之類既整門釘公司整，快靚正啦。

ckcgary

你話對方會賠，即係你唔會 claim 自己全保啦？
如對方 claim 保險，你都係要自己比咗錢整，再追對方保險公司，分分鐘追成年。
唔好諗住對方比錢你整先，佢自己再 claim 番。
除非 quote 完原廠價，對方肯現水私了。

yiu1

回覆 3# ckcgary

唔會claim 全保, 好其實好小事, 係佢唔好彩比我睇到仲同佢對埋車門.
同一定係我quote完比佢再講數, 比錢整完先比receipt 同claim 佢, 我係怕手續有冇做miss 左咁.... 謝謝

sport

如claim自己份全保，墊底仲貴過自己整，又冇咗NCB，
如對方肯賠償就最好，如唔肯賠償，就claim對方第三保，要自己出$維修好，
要等對方上堂定咗罪先可以claim對方第三保，大約一年到先收到$，但要比賠償總數25%手續費。

edchan

如claim自己份全保，墊底仲貴過自己整，又冇咗NCB，
如對方肯賠償就最好，如唔肯賠償，就claim對方第三保， ...
sport 發表於 2018-1-8 12:58 PM

好奇，上庭告佢咩罪？

sport

好奇，上庭告佢咩罪？
edchan 發表於 2018-1-8 13:09

大多告不小心駕駛，如對方未入罪前，失咗踪或死亡，你就食自己。

backspace-hk

如claim自己份全保，墊底仲貴過自己整，又冇咗NCB，
如對方肯賠償就最好，如唔肯賠償，就claim對方第三保， ...
sport 發表於 2018-1-8 12:58

如果賠償金額低過對方第三保墊底費，對方保險係唔會賠錢要由車主賠。

Sempron2400+

以我所知發生咩事都好,只要有警察到場,你岩定唔岩都好,你都係要通知自己保險,唔通知的話下次你咁岩又係果part有事,佢可以唔保你
同埋而家係人地hi花你,點會扣你自己ncb , 你報保險唔一定係claim的,係要話佢知有件咁既事

sport

如發生呢類情況，在冇人傷亡下，就最好私下解決，賠償在萬五内，超過20K以上，我就可能唔賠，但後果會以下咁，呢d係我個人見解，好唔好見仁見智。

在有人傷亡下，就一定報警處理，最好第一時間通知保險，最好上去填方，打電話不能作實，而家d保險都好賴皮，因有人傷亡claim條數好大。

首先你哂時間/請假上堂，不小心駕駛，第一次大多罰1K-1.5K，有不小心駕駛底，
如有NCB會冇咗，有60就慘d，墊底5K-10K或以上，睇你份保單要幾多墊底，
如對方claim你20K，保險只係賠5K，如要墊底20K，即係食自己。