[學車] 轉彎點樣判斷扭幾多軚?

mingming123

一時去最出面線,一時貼住自己條線扭, 分唔清
倒後鏡去到行人路一半扭,有時又唔係
死記考試路線每個彎扭幾多係唔係work?

manchars

其實都好講感覺，而感覺準唔準就係要靠經驗，所以兜多幾次，考試前補多啲鐘

我記得第一次學車，係街車師傅，嗰時學跑馬地，個師傅每個轉灣都有提示要扭角度幾多，例如前面轉灣扭左90度咁，跟足係 work的，但佢無 notes，每次只係講，所以只後我肥左

via HKEPC IR Pro 3.6.1 - Android(3.3.1)

mingming123

個師傅話我扭得太碎, 我都唔知跟唔跟番佢個扭法
一路渣緊車,佢都有講點扭,我跟本記唔到扭幾多度
我最多事前睇youtube記住人地點扭

mo9394

每條路唔同, 邊有得講, 背角度更加死, 你架車唔同速度, 有少少上斜落斜, 都影響到角度. 另外, 車型, 車軚的新舊, 軚的紋理等等, 都會對轉彎的反應有影響. 有D 車反應會慢無咁直覺, 似一隻船, 有D 車反應會快咬地下咬得好靚即時有反應.  你扭幾多, 係睇架車俾番幾多反應你, 你調整番個扭軚角度, 而唔係你單方面話, 你扭幾多架車就即時去到幾多.  即係你用球拍打羽毛球, 唔係話數個球過左網 0.3秒之後擊球就得, 而係KEEP 住對位, 睇下個波速度同位置調整.

你當你自己架車係汽水罐, 有四個碌咁, 唔係得你一個人一個SEAT 咁細的範圍.

汽水罐整體有D 笨重, 你要留意番特別係左後轆同彎角的距離唔好出界.  你心目中為左後轆夠位過, 會有條路線,SET 好左路線, 就知你前轆同路的左右兩邊各有幾遠距離, 是否同你心中的路線一樣.
你車頭只會在一開始時擺好角度要留意多少少, 開始了轉後, 你只要KEEP 住同心中路線的中線咁去 (叻就用車的中間, 例如波棍位或者車頭中心去對位, 無咁叻就用司機位對), 夠就停, 唔夠就扭多少少 (真係好少少就夠). 目光望遠少少, 正如你行路係望前面, 唔會望住腳尖咁行, 望住出左彎的遠處咁去, 夠就自然反應會回軚, 應該自然地會跟到你的路線.  唔識回軚就係你反應未夠, 練多d, 回軚要用腦慢慢諗的話, 考試唔會PASS.

咁你心中條路線正唔正確, 你用birdview 想像一下先, 再問下師傅. 照計問幾個路口就要學識.
(路線無一定, 快車慢車, 有少少阻礙, 出彎後有無死車等等都會影響, 只係有D 原則會行先, 例如考慮會唔會太貼其他車輛/隔離線, 行人. 現實環境, 有時踏過線的機會都有, 有死車有垃圾你都要過界. 乜都無特別就拎中間. 有特別就要避完之後先拎中間)

例如出入停車場路窄, 你要預位, 度位, 泊左部車大大細細都唔同, 有時要拎到幾CM 位淨低,  無得背.


以前有一個 CF (我跟荃駕, 堂堂唔同CF)話, 有D 人天生感覺好D, 或者打開機, 有軚感, 唔駛教, 半個鐘就識, 出彎稍為提一提就得. 有D 唔打機嗰D, 學左三四個鐘都完全無感覺. 佢叫D 學生去機鋪打下機, 有左個軚感先, 番黎上堂會好左.

唔識電腦人

一時去最出面線,一時貼住自己條線扭, 分唔清
倒後鏡去到行人路一半扭,有時又唔係
死記考試路線每個彎扭幾多 ...
mingming123 發表於 2020-10-21 00:09

  我當年都有呢個問題,
到我依家揸左幾件車分享番少少,
同一個彎, 用30 50 70 KM/H 去過, 扭軚幅度都唔一樣,
仲有入彎既路線都有影響
所以重點就係扭到夠為止, 唔夠就扭多D
咩叫夠呢, 就係均速既情況下, 你轉彎既線道平唔平均, 即係轉到一半 部車有冇慢慢由行車線中間變左偏左/偏右(望遠D 感覺下周圍景物有冇偏埋一邊)
轉彎最緊要均速, 定住油門

你有呢個問題係因為你對部車既控制仲未攞到個"感覺"
其實學車最重要就係揸熟師父部車,
學望鏡擰頭打燈, 試場有咩地方要小心都係次要

唔知你識唔識踩單車, 溜冰之類 呢D同學車一樣都係口頭講左個要訣
然後靠你自己感覺
揸車就係講感覺既一樣野黎

tunster

一個簡單口訣 - 去邊望邊

astrial

我自己經驗係

望遠啲，望住你想去嘅位置

雙手就會自然配合

khokk2005

應該頭一二堂先有呢啲煩惱，我記得初初學車都有問過類似問題

揸多啲自然就識

mo9394

近年街上見好多人有左牌之後, 行直線都飄, 轉線又好突然咁唔順.  基本功打唔好.

你跟CF 學的時間係一個好機會打好基本功. 問多D, 練多D. 未夠熟就補多幾堂. 一世受用, 呢D 錢值得駛.

有人打波, 游水, 玩風帆, 兩三個鐘搞掂. 有人學十幾堂都未得. 無話一刀切幾多堂學識, 你係運動型, 對身體操作, 時間節拍感掌握得好就快.
呢d 身體質素如果你本身唔夠, 就練多D. 去打波, 去打機, 都有幫助.


你去迫紅隧無乜劃線咁夾線, 如果你係背角度唔識睇位扭, 早少少練好佢, 好過第日過唔到海

好多新手買左車後, 停車場一出車就上駁, 刮車尾.  有D 有D 經驗的, 用開細車, 換大車都會刮後輪之類. 呢D 全部都係錢. 你早少少俾錢學好基本功, 可能日後仲慳得多.

如果你軚感唔夠, 直接同CF 講想練多D. 你搵個無乜人的停車場/空地, 放幾個雪糕筒, 去學下打八字, 學下好貼D 桶咁轉但又唔好撞到佢地之類.
駕院本身有地方, 頭幾堂通常學呢D. 出街學我唔知有無機會, 可能有D CF 一開始就練直線多, 連轉彎的感覺都未練好.

駕院頭十堂都未出街, 淨係練操控同泊車. 唔係好理解已經出左街行緊, 但唔識回軚的感覺.
可能有人覺得越快出街行越抵, 停車場兜圈係CF 呃鐘之類, 變左D CF 唔敢叫你地練好多.  但如果回軚唔得, 我覺得有D 野唔係鬥快, 練好左先.

kckong99

我當年都有呢個問題,
到我依家揸左幾件車分享番少少,
同一個彎, 用30 50 70 KM/H 去過, 扭軚幅度都 ...
唔識電腦人 發表於 21/10/2020 09:52

    去邊望邊 X2