[一般問題] 請問畀人試車有咩要注意？

ironbluevision

換左車，舊車 (2012 VW Scirocco) 諗住擺上28car，但未試過放車所以唔知有d咩要留意

例如
試車果陣應該約喺邊 (停車場高層比較少車既地方？定係就咁喺路邊？)
應該畀人試幾耐
等等

upatchow

通常都係叫準買家坐隔離, 我自己揸比佢睇, 都係試下加速, 上斜有無力, 冷氣凍唔凍ETC........

暖左車再開頭盍比佢望下有無漏水咁上下, 佢有心買自然會搵車房驗, 到時車房會有T牌, 佢地攪啦

準買家要求自己揸? 佢有無自備保險? 無既撞左邊個賠?

upatchow

試車地點....我個人就就返自己地區, 畢竟TIME COST都係錢, 求其街邊光線充足比準買家睇下車身D花痕, 睇下人地O唔OK咁上下

唔通你住馬鞍山, 準買家約你係東涌你又去咩, 油錢隧道時間都係錢

嫌煩可以問下你平時幫襯開換油間車房, 話新車已到想放車, 問車房收幾錢(當然佢都係搵人收同你預左個價唔會靚, 不過好在快手), 又或者上VW 車GROUP放售睇下有無CHING接手

之前試過新車到左舊車未放, 要比多一個月停車場錢, 最後平放左比個P牌朋友

alan4k

首先約睇車未必一定比試車，事關對方無保險出事就一定入車主數。對方無車牌、唔似買、唔夠秤都唔好比對方上你車司機位。試設備可以你試比佢睇， 如果真係比佢路試在附近行個圈就算數啦, 如果落咗訂比佢試多轉都可以。

akio

放車的話除非你住得特別隔涉, 一般係個準買家過你果度睇, 因為除非你急放個價特別平, 唔果唔係分分睇幾轉先放得出.

關於試車的問題, 坦白講又真係好少聽到話唔俾準買家試車, 當然俾佢試之前你都要確認一下對方係咪P牌/雪藏牌, 如果係的話可能搵一段安全的路仔俾佢試一下就算. 另外保險係跟車的, 唔係話你俾左一個本身無車的朋友揸出事就無保險 (當然佢本身要有車牌), 準買家如果試車出事當然首先郁你果架車的保險, 但相信你都唔會由得個準買家啪啪蘿友就走左去, 你之後緊係CLAIM返個準買家D損失. 坦白講一般準買家試車佢仲驚過你, 萬一有咩撞花你開佢天價維修佢都幾頭痕(當然有事要第一時間報警落左簿先).

另外準買家睇車對方想睇D咩等佢自己開口先俾佢睇, 一般識車的自然會知要睇D咩, 如果唔熟的佢好可能最尾都要上架/搵驗車公司, 費事唔熟車的有時一D正常野都會俾佢覺得有問題而嚇走左佢.....