mo9394

回覆  kennyleunghk


    我堅係假日車，我部三年多唔夠一萬公里。
ChingTszHong 發表於 2021-8-20 17:03

係呀, 正常.   有車都未必行咁長途. 長途, 一個月兩三次都好累, 快極都一個鐘一程, 雖然快過搭車, 但去近d 玩其實仲方便.

mo9394

係, 我都唔係好理解
車行車聲稱9年車得3萬5公里, 私人0手5年聲稱7萬 ...
kennyleunghk 發表於 2021-8-20 17:01

五年七萬合理, 一星期用到四五日係呢個里數.


9 年三萬都唔奇, 假日車或者有多過一架車的家庭都好大機會.  其實好多人一年行三幾千, 睇車款. 家庭車比較多.  一年出四十次車, 一次近一百公里市區入新界之類, 其實都唔少.

上一次我接7 年車, 五萬公里. 女護士番工放工用下, 假日就跟老公車. 合理咪數, 唔高唔低咁. 但勁新淨架車, 後座無人坐過咁.
最近一部我接左部 4 年七人車, 萬五六公里. 車主有兩架車, 平日用部細韓國車仔多, 假日先用七人車. 佢村屋有位泊兩架.

風聆草

老實咁講，唔係玩野，新手 Echo 係幾好渣。
雖然 Echo 年份高，但真係除左 Airflow O2 Sensor 真係無咩野整，牛一隻，我買左返黎咁耐都只係做下保養，無野壞。

架車睇位又好，係入面好 _ 齋，但萬鬆d既車，真係湯左都唔會赤。

kennyleunghk

唔該晒咁多位師兄教路， 真係好實用好幫到我哩d新手
剛睇左部i20了， 算幾新淨， 只係有d位磨少少
坐左短程幾好， 車主後生仔黎， 因為有小朋友先換架大車
同女友坐左佢車短程， 明顯舒服過morning 好多
而家行得都好順唔見有問題， 同車主傾左會約上架check佢都無問題
不過明天睇埋架車場march 先, 俾我女友試下個分別再等佢揀， 星期日先覆實i20車主

so far女友都好鐘意架現代， 唯一concern係日後保養問題

京

個人建議 咩都唔駛諗
有泊車cam先決

via HKEPC Reader for Android

mo9394

唔該晒咁多位師兄教路， 真係好實用好幫到我哩d新手
剛睇左部i20了， 算幾新淨， 只係有d位磨少少
坐左短程 ...
kennyleunghk 發表於 2021-8-20 22:09

我經驗分享一下, 我上部MAZDA 都唔係非常大路(同雙田比), 買零件都有少少稍貴 (當然好過hyundai, 起碼D 零件係日本仔野, 仲有D 野同其他牌子通用)

2004 年車, 2011 左右接番黎, 我渣到今年年頭. 近幾年有少少想換但都HOLD 住, 等換電車一換一, 個心都諗住整到邊一年頂唔順先決定, 等到充電就換電車 (今年先見充電有少少進展, 搞多兩三年都未必搞好), 所以都叫平養, 無諗見D 野夠期就走去換之類.

平時去車房, 換TIRE, 換偈油, 電池之類呢D 有做, 但我渣得少, 偈油一年左右換一次. 都無乜大問題.  
年年要去驗車, 有一排驗車前都會去車房叫人幫我跟眼望望有無野搞.  大約知道雞髀位可能有D 老化但又未到肥佬的程度, 如果過唔到驗車就要換, 但佢都叫我驗左先, 唔得先搞.  咁又捱左幾年, 到我湯車都未換.   

我部都係4AT, 舊設計, 無大多電子野, 可以話同你睇緊部相似結構.
比較有維修過:

1. 防盜個喇叭, 車尾燈之類, 換過下, 呢D 幾百蚊搞掂.

2. 早排冷氣唔凍, 去CHECK, 散熱風扇摩打老化, 轉得太慢. 所以要換. 副廠摩打, 比較難拆, 呢度整左三千幾 .   咁呢個八九年車左右, 都有機會換, 遲換早換, 睇彩數喇, 我都十幾年車先換一次. 合理維修.

3. 之前提過, 入氣可能有裂左, 過左sensor 後仲會入氣, 所以會計錯. 行車電腦短期調整去補足. 長期太多調整就出engine 燈.  
如果新車應該可以去全車跟足入氣, 噴煙去睇下邊度入氣, 用膠紙補番, 或者換D 裂左的橡膠駁位.  太多功夫, 車房話舊車都唔想搞, 唔影響行車安全無大問題, 收得我貴又唔意思, 收得平又白做, 做完又未必真係完成追到個問題.
但係呢個問題, 撞正驗車時出engine 燈就未必過到驗車.  我好彩唔駛整都過到, 但未必部部車都得.

4. panel reboot. 呢個車房話好少見, 可能真係壞panel, 電子野佢地無能力整, 頂多幫我成個換. 咁十幾年, 我換二手件都唔見得唔會出事, 所以湯左佢算喇.

你預計.
1.  大路小零件, 應該唔駛番原廠搞.  不過車燈如果 XEON/LED 之類就可能會要原廠件, 會貴(但壞的機會唔高)

2.  冷氣問題. 車主小唔小心保養, 都會出事. 突然間一個夏天發現唔夠冷先去跟.   無論乜牌子, 都係睇彩數, 有D 三四年車都出事. 有D 七八年車,  年年去搞, 搞完呢樣搞嗰樣, 亦有朋友新車三四年左右都試過整到八千一萬蚊之類 (壞冷氣摩打, 跟住扭到皮帶斷左, 再打壞左隔離一舊野, 一次換幾樣野).   你牌子唔係雙田之類, 如果要成隻散熱扇換(睇下零件可唔可以拆開, 有D 一體化難搞, 但平車應該唔會設計到咁慳位), 成排散熱要換, 用原廠件就會幾貴.
但係, 你揀邊架車都一樣. 年份越舊, 壞的機會當然越大. 十年車, 多數都係冷氣最麻煩.
其實呢個你搵驗車公司/車房, 頂多俾個comment 話冷氣好夠喎, 或者冷氣好似差少少喎, 俾少少意見你, 但未必講到有乜要整. 要整都未必係普通車房整, 要去專整冷氣的車房搞好d.

3. 結構老化, 舊車問題, 唔夠力, 漏氣漏水或多或少會有. 所以建議你唔好買太舊. 老化左影唔影響行車安全, 好難講. 部車我自己養左咁多年, 舊得黎知佢脾氣, 去開間車房好多年, 佢地跟開我部車, 無呃我先繼續養.   有D 小病就睇下捱到幾時湯咁.
我最後自己插機自己CHECK, 自己消CODE. 我唔知你地對呢D 有無興趣, 敢唔敢去做喇. 但耐不耐著ENGINE 燈下下去車房, 人地唔收錢你都麻煩喇.
不過2016 車都叫好新, 應該未有耐先見呢d 問題. 咁多部車你揀最新嗰D 就好d.

4. 電子野, 最麻煩. 車房跟唔到幾多. 越新的車就越多電子野, 歐洲車都話比日本車麻煩, 都係太多電子野搞. 你話有件電器用十幾年唔壞, 幾十年前好簡單嗰D 可能得, 依家呢個年代你都唔信喇.    到左一個年期, 你換電子野過萬, 你部車先兩三萬蚊, 就考慮湯定賣了, 未必想整了.



總括黎講, 日韓車簡單結構的年代, 舊車打理得好, 其實十幾年車都無乜野, 可以好正常使用. 地獄腳車, corolla/323 之類仲行得走得. 韓國車我諗在韓國都應該可以養好多年, 香港市場就少人有經驗, 少零件, 你預玩幾年後, 一壞就湯就OKAY.

hyundai 你除左賣俾朋友外, 你預左好長時間都賣唔出好過 (你泊車唔駛錢可能都接受到, 但如果諗住換車但放半年都未賣到, 普遍人會有麻煩).  
十年車, mazda 3/mazda 6 之類都唔易放, 車價唔會貴過你部好多, 四萬買雙田, 三萬買MAZDA, 兩萬買你嗰部, 我估正路都買雙田多, 或者慳少少買 MAZDA 多.