jazz2014

乘客門有異響, 在紅燈位開門再關門
期間電單車兩架車中間攝位撞到門
想問係邊個錯?

無發生過, 但想知 ...
gn01119056 發表於 2021-4-9 08:58

    冇經驗  我揸車中有咩事都好 泊好先睇 ,,,亂下車 亂開門 咁傻仔.. 咪攪

shingzhk

法例上邊個錯唔敢講

但如果停車中, 開門方向係向行人路都罷
係燈位, 仲要係兩車中間方向會有車開門中招,
個26司機絕對係死得最冤枉

P.S. 疫情關係而家多左好多送外賣26唔要命, 咩情況都要小心有人攝位

suiyan

因為所有車已停定唔郁。所以電單車合法車罅過。
私家車非法打開車門。
所以。 私家車先錯導致交通意外。
當警方告完私家車危險駕駛後入罪初犯罰$2000。因為私家車犯錯。
電單車可以從民事追討私家車賠償。

除非法庭判私家車無罪。咁就調轉私家車民事追討電單車賠償。

via HKEPC IR Pro 3.6.1 - Android(3.3.1)

alan4k

司機一般唔會亂推車門，豬乘客就....

nganshiu

撞到人，司機一定衰
被撞果個有無責任就另計
Moderator 發表於 2021-4-9 17:17

    被撞果個無睇清楚安全才落車 = 無睇清楚安全衝出馬路.

nganshiu

在不適當的地點(紅燈位)開門, 致使交通意外.
私家車責任一定最大

Dcup

人地2個轆有無問題可以打，你個客開門就甩唔到身架啦

開門要睇有無車同人是常識吧

vagrantno13

回覆 7# tunster

犯交通條例入罪上庭只會告一方(涉及2架交通工具), 無可能雙方告老不, 除非串燒連環相撞. 控方根據證據控告一方, 另一方多數無罪.

tunster

回覆  tunster

犯交通條例入罪上庭只會告一方(涉及2架交通工具), 無可能雙方告老不, 除非串燒連環相撞.  ...
vagrantno13 發表於 2021-5-28 10:12

你一定係未中過定, 佢唔係一件事, 係兩單
一單係攝車造成意外
一單係非上落客位落客造成意外

唔係一個 case

vagrantno13

你一定係未中過定, 佢唔係一件事, 係兩單
一單係攝車造成意外
一單係非上落客位落客造成意外

唔係一個 c ...
tunster 發表於 2021-5-28 10:17

你有無車牌? 你邏輯上出現矛盾, 樓主的個案報警處理, 現場警察了解有無人受傷, 無受傷建議你私下和解, 無法和解開一張卡有個案編號, 交通部警察首先建議私下和解, 無法和解只會開一個案處理交通事故, 又何來2單交通事故或案例? 入罪元素講證據及疑點, 以樓主案例, 不論死車或交通燈號暫停行駛, 私家車的司機或乘客要留意路面情況打開車門下車, 胡亂打開車門導致交通出現意外, 老不罪定義成立, 電單車頂多不遵守道路交通條例(路面指示), 牽涉老不罪的定義不相關, 我上庭2次入過老不, 大多數老不入罪個人疏忽先引致, 安全情況下開門又如何引致交通事故, 先不正常情況開門(先後次序). 原告及被告只會一方入罪. 有車cam 私家車的舉動肯定中老不, 無車cam 電單車司機口供可以說已停車但不知私家車無故開門的原因? 你認為疑點係私家車或電單車的問題?合理定罪要排除疑點. 特別例子雙方可繼續上訴至終院(上訴權利), 但最後的判決只會某一方, 不會雙方入罪. 我分享(老不)自身串燒交通案例, 當時沒有車cam 的年代, 晚間粉嶺公路去九龍方向5車相撞, 我是最尾車肯定老不, 但最後上庭判決只告第2/第4及我的車入老不, 反而第3 司機沒控告老不, 由於交保險公司處理賠償, 查閱口供副本得知第三架車司機口供, 已停定遭受後方車輛撞擊引致撞上第2架車, 第3司機稱撞擊時2下碰撞聲而脫罪. (證據及疑點考慮因素)