nightwalker

我係私讓, 部車已經算係同款同年平仲要係少咪

勁多車行佬份私人買家, 出個價勁低, 我話你搵另外同款同年個跳樓盤啦, 都係掛你出果個價. 佢就話唔想同 d 懷疑係車行既人買車. 我話你唔試點知姐, 之后點都問我平價放唔放. 我已經無乜心機同佢煩, 覺得佢都係車行佬

之后講講下我串佢, 價我就企硬, 你買唔起我部車個 brand 不如買番日本車, 唔好充大頭鬼. 佢無再應我, 唔夠兩鐘有訪客留言話我部車有撞過, 叫其他人小心 D

車行佬好多個都係有以下特徵:
1. 明明你 post 晒相上去, 都要問你囉相睇
2. 明明明你講晒 首數, 咪數, 行水貨, 有無撞過, 幾耐 service 過, 佢地都要問你一輪
3. 十個有九個都話買車黎接個仔番放學, 或者車老婆買餸, 叫你平 d
4. 車都無睇就話好有興趣, 超級有興趣等等, 一還個價就即刻 offline 唔覆

nightwalker

對上架車放上28car... 幾個試都係玩玩吓。

最後車行收。
ywwong 發表於 2014-11-6 12:30

好多車行扮私人, 玩野, 壓價, 約左甩底, 一個接一個黎 offer 你底價令你覺得你部車真係值依個價, 乜招出晒都唔得就留言話你部車撞過, 令你覺得私人好煩好難賣, 最后平價放比車行. 依個係依兩年我同朋友係 28 放車的經驗

兩年前無咁多事, 而家私人放要好比耐性

red1210

回覆 22# nightwalker

無錯，所以約得要有技巧，首先出張太空卡用黎聯絡用，車都未睇就講價果D可以不理，約睇車地點盡量就自己，但就唔好比佢知你泊邊，佢唔肯就算數，之後有人會借試車為名操下手車，所以你最好規定路線同收左試車錢先，一般$100-$500，影低車牌身份証，之後佢要上架就叫佢比左錢先比佢上，唔好上左架先，隨時收唔返。
其實肯出黎睇車果D先係真係有心買，一打黎講價果D叫佢諗諗先啦，最慘係遇到為左玩車果班o靚仔，所以真係要約到出黎見下佢個樣先決定比唔比佢試。

smallcar88

回覆  nightwalker

無錯，所以約得要有技巧，首先出張太空卡用黎聯絡用，車都未睇就講價果D可以不理，約 ...
red1210 發表於 2014-11-7 09:59

    學到野~ 多謝師兄!

mcdull

我自用, 都一定係未睇車先講價.
舉例, 賣家開12萬, 我得10萬budget.. 我一定同佢講左十皮得唔得先.
唔係, 我出來睇車, 啱, 開10皮, 賣家又諗住係12既, 浪費大家時間.
另外同佢講價叫我睇左車先. 我問你十個有冇得諗, 你叫我睇, 我就預你有得諗. 如果你話唔得, 快快趣就搵第二個盤. 到時出到來, 啱, 十個, 唔肯, 又係發瘟.

>4. 車都無睇就話好有興趣, 超級有興趣等等, 一還個價就即刻 offline 唔覆
同樣道理, 如果架車係啱心水, 最緊要係啱色, 或者option啱, 超級有興趣.. 但如果傾唔啱價冇反應都好正常. 當然, 禮貌上都同你講聲同心水價有出入. 反而二手佬面皮會超厚同你係咁講價.

e1123979260

CAR1 網上
自己賣 價會好D

nightwalker

我自用, 都一定係未睇車先講價.
舉例, 賣家開12萬, 我得10萬budget.. 我一定同佢講左十皮得唔得先.
唔係,  ...
mcdull 發表於 2014-11-7 15:51

依個都岩, 出黎前大家知大家個 range, 唔使晒大家時間
價唔岩, 講聲唔岩價, 禮貎比句唔該/Thank you 就可以.

samsam33

Pls pm the info to me, thanks.