killer_queen

CHOP 純粹係你太大腳油啫

bighead

俾d油同時搵摩擦點 -> hold摩擦點俾時間佢, 等開頭果下加速力平穩左->慢慢鬆左腳

1波唔好大油, 要好早轉2, 咁2波就可以好低轉搵到咬合點, 平路油門hi少少就夠轉
個摩擦點可以再輕d

當年學車最拿手轉波

利申: 十9幾年牌, 私人1 take pass, 大球場, 但除打機外冇再揸棍

ronan

回覆  ronan
一波轉二波唔洗搵摩擦點 搵摩擦點係起步先要  直接放得...  你磨住佢加車唔行又去極力子  唔 ...
love19901109 發表於 2019-12-27 01:26

明白了，好多謝nameless.ken 和love19901109 的意見

原來轉波係唔駛hold 摩擦點，轉完波就可以甩離合器，只係起步先要hold 摩擦點

咁轉波的動作易好多，因為每次轉波都要hold 摩擦點，起香港的路面跟本無足夠時間去做

同埋因為每次都要用陰力去hold 摩擦點，同埋用陰力慢慢放，所以每次學完車，隻腳都好"比"

雖然導師每次見我彈離合器都叫我搵準個摩擦點，但用意係點我就唔知了

唔怪得睇youtube ，d 人成日都話左腳甩離合器的同時，右腳比油，但無講到要hold 起個摩擦點度

至於彈離合器呢個問題，我諗都係轉數問題，下次由1 波上2 波時，起1 波比多d 油先好上2 波

ronan

俾d油同時搵摩擦點 -> hold摩擦點俾時間佢, 等開頭果下加速力平穩左->慢慢鬆左腳

1波唔好大油, 要好早轉2, ...
bighead 發表於 2019-12-27 15:22

>> hold摩擦點俾時間佢, 等開頭果下加速力平穩左->慢慢鬆左腳

或者可能導師的意思係咁，1 波上2 波之後，hold 起個摩擦點，等平穩左，慢慢鬆左腳，右腳先比油，因為起駕院入面個場，第二堂學轉波，個導師都係咁教我，而我又好少比導師話起步時比油唔夠，但就試過起步時比多d 油，個導師就話"係啦, 係啦"

>>1波唔好大油, 要好早轉2, 咁2波就可以好低轉搵到咬合點, 平路油門hi少少就夠轉
個摩擦點可以再輕d

可能旅遊巴和小巴因為坐滿人，架車好重，所以司機都要起動時比多d 油，令到架車行順d 先上2 波

我朋友介紹我搵出面的師傅補鐘，都係行駕院路線，最正係堂堂都係唔同的阿sir 教，咁可以有多d 時間慢慢練

nameless.ken

個人覺得 駕院其實跟死 同一個導師上會好D...
起馬會知你進度,堂堂唔同...每個導師既教學方式都有出入
同埋堂堂唔同 好睇彩數...有D會HEA教...

之前我係學院補鐘 補左4節....(冇得指定導師)
一次(2節) 撞正一個HEA教,出街佢係到禁手機,又唔比FEEDBACK  由得你渣,唔撞就得咁既款...

一次( 2節) 撞到個女既 ,好鬼惡,又CHUR..成日係到鬧鬧鬧,但真係學到野

4節都好貴下 成1400蚊...覺我跟第一個個導師,蝕曬

ekchk

正常比油到千1轉或以下唔洗多(除非佢極力指就黎死)
大部份車個摩擦點係全程既一半以上

正常做法
踩到最底>入波>腳直接鬆一半+同時踩1千轉+鬆手制

斜路就
鬆剩2/5,千一轉,車已經少少郁,再鬆手制

nameless.ken

正常比油到千1轉或以下唔洗多(除非佢極力指就黎死)
大部份車個摩擦點係全程既一半以上

正常做法
踩到最底> ...
ekchk 發表於 2019-12-28 20:54

轉數既野我已經唔記得左了...我主要睇時速...

   不過仲記得 ..學院教 斜路開停果時,斜路開車,個極力子要比平常 再吊高小小,
會FEEL到架車會好細微既一CHOK.. 再鬆手掣之後再開車就上到斜波...
如果冇吊到禁高,我記得架車鬆手掣  會上唔到斜..成架車唔嘟..試過吊都冇吊,成架溜後
如果平路吊到禁高 就會好快架車標前

hehaya

>> hold摩擦點俾時間佢, 等開頭果下加速力平穩左->慢慢鬆左腳

或者可能導師的意思係咁，1 波上2 波之後 ...
ronan 發表於 2019-12-27 22:26

    我記得你之前都有問過

你可以睇下 Clutch, How does it work ? /  离合器是如何工作的
youtube

你明左個clutch大約係點運作會知道點解學車師傅咁教你多D

另外,考牌D車(VAN仔)多數都較大左個扭力.......所以D師傅好少叫轉波時你比多D油去................

係咁而搵左2條
祖哥學堂 - 香港學車視頻 『新手教室』 : 極力子的運用
棍波車基本操作 How to drive a manual (basics)

Advanced Ivan

棍VAN 1 波上2 波成日都chop ，但2 波上3 波又無事

由1波上2波時，隻左腳搵左個摩擦點定住，之後慢慢放左 ...
ronan 發表於 2019-12-25 22:37

唔係好記得貨Van點渣, 不過之前自己架棍仔私家車, 1波2波個比牙其實都好接近, 你1波比油踩得太高轉, 上2波時個人會"鐘"向前
關鍵係1波唔好踩得太耐, 架車起咗步就可以上2波...
除咗起步之外, 其實真係唔洗點搵摩擦點, 反而最緊要係engine轉數同個波段個轉速要match
你下下都慢慢搵摩擦點, 唔比油個轉速跌曬, 其實係一定會chok...
   
再簡單咁講, 1波鬆clutch係搵摩擦點, 2波打後其實都係搵matching rev
係適當轉數轉波, 鬆clutch利落D, 大可以一腳鬆曬, 完全唔洗吊

ronan

今日上左出面師傅補鐘的堂，所以係用第二架車，我今日試過轉波時比油和唔比油，發覺都唔會出現之前彈極力子的問題。

當由1 波上2 波，油門要比多一d 油，令到架車行得快d ，咁入左2 波之後，隻左腳完全甩極力子，右腳再比油，咁架車就唔會chop ，但如果起動時，比油唔夠，架車行得唔夠快，咁就要起甩極力子的同時(起大約摩擦點的位置)，右腳開始要比返d 油，否則架車會因為起動時動力唔夠，轉波後突然有返動力而chop 。同埋今日架車起1 波時，如果踏盡油門，之後好快咁鬆油門，架車唔會chop ﹐相返駕院架車起如果起動時，如果踏盡油門，一定要慢慢咁放，鬆油門快少少架車會chop 得好緊要，直頭好似落左brake 咁chop ，所以如果油門踏得太盡，一定要慢慢咁放，同埋我發覺駕院架起動時係快過今日架車

個師傅同我講如果個考官見我起2 波時踏盡油門，即見我想架車行快d 但又唔上波就會fail ，所以我諗轉波fail 未必關轉波chop 事，而係用左唔適合的波段，所以如果用2 波行車，都係唔好比咁多油，最多都係話我渣得慢，好過話我用錯波