poopies

每個地區既路面經驗都有唔同... 如果係之後留英國, 去英國先學仲好...
當年我個加拿大牌返到黎香港隔左幾 ...
ckkong97 發表於 2022-3-4 10:41

樓主洗濕左個頭，我都係會建議照學照考。

如果一早預計到自己會去其他地方，其實真係去到當地先學會比較適合。

舊同學由香港搬黎五個月，咁短時間已經食左兩張快相。因為佢唔識分single/dual carriageway黎睇national speed limit。佢大致上跟牌行，但以為兩線以上就一定係dual,可以放心踩，結果中伏。

呢啲路況細節位，如果係呢邊學就容易pick up好多。我舊同學宜家咪要交學費。兩次都band A, £200學費同拎六分，無awareness course offer。

via HKEPC IR Pro 3.6.1 - Android(3.3.1)

blkbd5

樓主洗濕左個頭，我都係會建議照學照考。

如果一早預計到自己會去其他地方，其實真係去到當地先學會比較 ...
poopies 發表於 2022-3-4 16:17

請問，英國學車點計，幾錢個鐘？
容易揾到華人教車師傅？

我系英國揸車，比較容易，法列同香港好一致，但我一定會開google map，因為會有限速標示，唔熟地頭就要善用科技！
在北美，就另一個世界，雖然操控架車冇問題，法例同習慣同英國完全不同，懂得操控架車已經顧少好多野！

poopies

請問，英國學車點計，幾錢個鐘？
容易揾到華人教車師傅？

我系英國揸車，比較容易，法列同香港好一致， ...
blkbd5 發表於 2022-3-4 21:05

師傅收費睇地區, 我住緊呢頭就大約£19-30一個鐘。從來無考慮過華人師傅, 所以唔清楚。
肺炎前我考電單車就£50一堂(75分鐘)。唔包我自己操車買個架125, 學車+筆試+路試+CBT+考試租車, 一共用左£400左右。

Google Map同Waze都係流流地, 我公司外面條路限速20, Google同Waze標60, 好多時我部車digital cockpit個限速偵測重準少少。 同埋Google map個快相都唔多準, 例如M62/M60好幾隻白鴿籠/均速相機都無標。

基本上都係靠自己在地駕駛經驗。

blkbd5

師傅收費睇地區, 我住緊呢頭就大約£19-30一個鐘。從來無考慮過華人師傅, 所以唔清楚。
肺炎前我考電單車 ...
poopies 發表於 2022-3-4 21:51

英國學車算平喎，估唔到，因為英國基本上乜都貴，特別系人工！
Google Map 同 Waze 當然唔能夠盡信，但都系一個參考，好多時都啱，無計，唔熟地頭就只可以搵佢地幫手，所以我開車一定同時開 Google Map 睇住，塞車走位都好吖！

kof2002

咁英國London 外， 係咪一定要有車先生活到， call uber 方便嗎？ 可能都係趕唔到考路試，就算 考到都係p 牌， 過去英國都係用不著， 有d 擔心

blkbd5

咁英國London 外， 係咪一定要有車先生活到， call uber 方便嗎？ 可能都係趕唔到考路試，就算 考到都係p  ...
kof2002 發表於 2022-3-10 16:22

我系英國時，除非住大城市，無車系好好好唔方便，叫烏爸唔系唔得，錢啫，你去超市就知，坐公車都唔平！

poopies

咁英國London 外， 係咪一定要有車先生活到， call uber 方便嗎？ 可能都係趕唔到考路試，就算 考到都係p  ...
kof2002 發表於 2022-3-10 16:22

Ching 好睇你住邊頭喎。

呢邊有車生活豐富好多。但如果講基本日常生活, 只要你住的地方步行路程去到high street, 咁無車都應該生存到。但通常開得夜d的鋪頭都唔會係市中心要揸車先去到, 夜左(例如6點打後)好多時得corner shops/pub/take away之類開。

Uber唔係所有地區都有coverage, 如果無就可以搵下有無本地的士台。
坐多幾坐巴士同火車就會發現皮費唔會比養車平。

如果你香港已經交晒學費, 咁咪繼續上堂, 考得切咪考。
香港考完過到黎, 一係等一年甩P再換牌, 一係就係英國考多次。

btw 你學自動波同棍仔？ 如果係揸棍仔, 過黎搵二手車會開心好多。

blkbd5

是的，系英國，我都要揸棍仔，樓主去到就明，無野唔得，錢啫！

kof2002

Ching 好睇你住邊頭喎。

呢邊有車生活豐富好多。但如果講基本日常生活, 只要你住的地方步行路程去到high  ...
poopies 發表於 2022-3-10 18:28

去到先考， 要預幾多錢和幾耐時間？ 要唔要英文底子好強先會明？