poopies

好明顯佢唔係香港，港版日系車cut 左好多野，尤其是果啲電子安全提示（轉線，盲點，前撞，雷達果啲）係少 ...
ckkong97 發表於 2020-11-20 10:33

無錯, 我唔係香港。

部Civic係HUM造, 我屋企重有部日本製的Jazz GK。Civic定位高最少一級, 但手工明顯低幾級 (中控台裝上去唔完全fit位, 原裝側裙又唔太fit有空隙, 後座車門膠邊已經趐起之類)。而據我所知油泵, condenser同副引擎係全球多國回收, 因為設計/品質問題。

咁個部日本製的Jazz壞的野就簡單d咪著下跌錢燈, idle車頭會震同試過停燈死火, keyless條匙無啦啦同部車唔配對要返廠, Honda sensing成日誤嗚同車尾生鏽之類。香港車主亦有同樣問題, 可以自己去車主會睇睇下佢地的分享。跟住我係香港部日本製Freed咁兩度電門一共壞左四次, condenser又係成日漏換左兩次, 交車的時候司機位車門有鏽。就算講到以前部地獄腳車王Corolla AE110(97年落地, 全皇冠保養, 我0首揸到劏), 又咪係會突然壞下冷氣, 要拎幾千蚊出黎整。

Touchwood我d車都係壞下冷氣、要洗下天風, 唔洗抬偈抬波箱乜乜乜, 但呢個唔係重點。

我想講的係：唔好迷信_ _車好少壞, 唔洗整。買親車都係獨家試愛, 都係難講對方會唔會背叛。要知道一樣野無車係完美, 基本上買乜車都預左筆錢黎條補同維繫

鄉下仔未出過城一問, 聽講英國興手波車係咪真?
backspace-hk 發表於 2020-11-19 11:15

係, 早兩年我係呢邊汽車生產業做的時候做的research見到比例大約係3:7。但宜家多左一堆hybrid同電車, 所以市面上自動波明顯多左。

唔識電腦人

回覆 31# poopies


  其實冇人話_ _車好少壞, 唔洗整
任何用緊既野都會壞, 都要維修保養,

但係都有分價錢, 頻密程度
我執一次3幾千, 之後行成年都冇第2樣野壞
你整一次可能7 8千, 醫完頭, 之後又腳痛, 又去再整, 又5 6千
呢D咪分別囉

唔信可以買隻十年老馬同十年雙田對比下既

poopies

回覆  poopies


  其實冇人話_ _車好少壞, 唔洗整
任何用緊既野都會壞, 都要維修保養,

但係都有分價錢, ...
唔識電腦人 發表於 2020-11-20 14:59

Not a fan of Beemer, 但外家鐘情VW(英國人嘛),所以佢地個女都鐘意VAG，所以壞乜我都有啲經驗。

只計VAG, 我屋企有過:
VW caddy MK2 1.6
兩架 VW Up! 1.0
VW Golf 7 1.4
Skoda Fabia MK3 estate 1.2

除左部Caddy, 其他已經賣走。

最粗咪係部Fabia, 換Civic時賣走, 三年車行左十一萬公里, 神奇地唯一一部完全無claim過保養。

兩部VW Up! 壞過剎車泵，車尾發熱線，尾鼓生鏽到手制完全卡死， stop/stsrt唔著同原裝車機壞Bluetooth

Golf 7我自己揸得最少，只係成日燒一邊頭燈。賣左比外父，我知道上年部車ABS著過燈，宜家重揸緊。

部Caddy外家過檔過黎，隻乾七DSG未死。但車身生鏽非常嚴重(特別係尾門同沙板)，冷氣壞左同定速巡航亦都唔work。左邊倒後鏡被人hit and run, 目前搵膠紙痴住先。都十幾年車, 有乜事應該會直接劏。

壞的野話多唔多，話少唔少，同我自己擁有過的日本車差別唔太大。

戴返個頭盔，唔敢講我個人經驗有幾多代表性，但歡迎用黎做個參考。
via HKEPC IR Pro 3.6.1 - Android(3.3.1)

ckkong97

無錯, 我唔係香港。

部Civic係HUM造, 我屋企重有部日本製的Jazz GK。Civic定位高最少一級, 但手工明顯低 ...
poopies 發表於 2020-11-20 14:15

哈，你咁講，我當年部98 corolla ve e110 1.8 北美版都係保養期過整過冷氣，著冷氣有水聲，日系車唔係唔洗整，只係少電子野壞少左，以前部04 gd3 fit 一樣波箱起步震，尾bearing 出聲，去到06 camry 第九到第十年就換避震打南磨爆水箱，而家部14 camry 就touchwood 無野整過，可能係年份比較新...06/14 camry 香港都有recall

via HKEPC Reader for Android

ckkong97

回覆  poopies


  其實冇人話_ _車好少壞, 唔洗整
任何用緊既野都會壞, 都要維修保養,

但係都有分價錢, ...
唔識電腦人 發表於 2020-11-20 14:59

雙田十年都有野整架，我06架camry 第九到第十年，避震，打南磨，水箱輪住黎壞，只係壞左架車仲行倒去車房整

via HKEPC Reader for Android

poopies

哈，你咁講，我當年部98 corolla ve e110 1.8 北美版都係保養期過整過冷氣，著冷氣有水聲，日系車唔係唔 ...
ckkong97 發表於 2020-11-20 16:03

以前部Corolla就真係無乜野壞, 因為太齋。
保養期內壞過中央鎖, 用搖控解鎖的話一開門個防盜會響。返皇冠整左兩次, 最終佢叫我用鎖匙鎖車。去到後期車入面d膠老化, 手枕/儲物箱開口d較位斷, 部車避震又到期要換, 所以我先換車。

部GK主要係我老婆揸, 副EarthDreams因為積炭會著燈, 車頭震同試過停燈空波死火, 之後重要著唔返車要拖走。唔少車主話清完天風reset電腦就得, 但我屋企個部就返廠洗完都繼續震同定期著燈要清code。

ckkong97

以前部Corolla就真係無乜野壞, 因為太齋。
保養期內壞過中央鎖, 用搖控解鎖的話一開門個防盜會響。返皇冠 ...
poopies 發表於 2020-11-20 16:21

當年部corolla ve 無中央鎖無電窗，齋到無野好壞...都係果句，同年代既日本車少options 少設備壞既野當然少左...  

via HKEPC Reader for Android

gn01119056

之前同車行傾計, 佢都老實講, 日本車一樣會壞,
但歐洲車零件多咁多, 壞既機會自然更多
如果要換TURBO, 日本車買料都平一半, 養車自然更平
兩者做車理念本身已經唔同
歐洲著重功能性能, 日本著重實用耐用

jazz2014

其實係日本車 到今時今 太多野冇檢測

你睇d車頭打開回換點拆都得

你搵歐洲房車 換個燈泡又會error , 夾條電線夾12v 偷電加燈 又死。

gn01119056

其實係日本車 到今時今 太多野冇檢測

你睇d車頭打開回換點拆都得

你搵歐洲房車 換個燈泡又會error , 夾 ...
jazz2014 發表於 2020-11-20 17:19

我之前架BMW, 換sensor都$800, 使唔使整多粒sensor去睇住粒sensor, 無限loop
sensor都有佢用處, 有錢既話係好事, 但壞處就係又多左野壞