gn01119056

根本就係，雖然我同情嗰位師兄朋友嘅遭遇，但佢講到dsg 五年必壞咁？其實喺街度行緊嘅golf 6/7 1.4 真係超 ...
funny1 發表於 2020-11-25 09:07

    有邊度寫5年後必壞? 誇大耐用性, 斷章取義係無用
我寫 "佢本身設計係比你用5年就買新車", 5年就如同最佳使用期
DCT係用離合片夾實傳動力, 所有波箱傳動都一定會磨損
點解VW DCT更易出事? 因為熱量和受力,
亞洲城市經常塞車吊波, 天氣又熱磨損更快
電腦更新了, 優化轉波, 會減慢磨損速度, 但一樣磨損
同你買塊舊既剎車皮返黎一樣, 減少剎車次數, 一樣要剎車
5年後等同買計時炸彈, 磨損到咁上下就夾唔實, 就會震, 之後壞
頻換油, 轉手波, 唔地板油, 係會有效減低磨損
但你買架2手TURBO GOLF返黎, 上手唔多唔少都會踩行架車, 少數會當佢家庭7人車黎慢慢揸
你一手買返黎好錫車, 會延後佢既死亡期
CVT鋼帶一樣會磨損, 多數日本腳車無呢個問題, 你睇下佢性能規格先, 踩盡都慢過的士
如果將CVT放入超跑, 仲快死過DCT,
但剛好日本車設計就適合亞洲塞車, 歐洲DCT適合外國高速
所以2手VW DCT風險大就係咁, 唔係你好彩代表全世界好彩,
我唔好彩代表全世界唔好彩, 要睇返原因, 有根據
所有野都係相對, 一架車用到5年無事已經算長時間, 你相對手機都係2~3年
但歐洲DCT相對日本CVT腳車, 以數據計日本會更耐用
你地鍾意以自己單一個案計, 當然你嬴哂

funny1

有邊度寫5年後必壞? 誇大耐用性, 斷章取義係無用
我寫 "佢本身設計係比你用5年就買新車", 5年就如同 ...
gn01119056 發表於 2020-11-25 10:27

C兄，文字裡覺得你有小小激動，你朋友嘅嘈遇我記得我有睇過，但真係留意下，喺街到真係golf 1.4唔比jazz/corolla少，正如我自己都分享過我到今時今日都有少少就住楂，但係咪你講得咁玻璃？咁容易壞？小弟就真係唔認同嘅，係咁多而已。。
但當然，有d人腳車嘅定義係咩都唔使理，著下提示叫你換油叫麻煩，要熄咗佢，咁嗰d人真係揸日本車好。。

funny1

再講波箱問題，就算cvt都係一樣，一起步第一腳地板油，dsg同cvt一樣都會好快壞，
又正如你講，d cvt仲慢過4at的士，喺屯公上斜暗斜會輸比d Volvo b8/e6t,喺中線頂住哂，好煩囉

jazz2014

用過cvt 1.5 車五個人 一世都唔會再買cvt

gn01119056

再講波箱問題，就算cvt都係一樣，一起步第一腳地板油，dsg同cvt一樣都會好快壞，
又正如你講，d cvt仲慢過4 ...
funny1 發表於 2020-11-25 11:39

    多人用唔代表任何野, 之前講過多人用係結果, 唔係原因
因為耐用所以多人用, 而唔係因為多人用所以耐用
而GOLF多人用唔係因為耐用, 係因為性能價格為主, 耐用絕對唔係GOLF既優點
5年內既GOLF, 你可以安心揸
5年後既GOLF, 就要提心吊膽, 唔係玻璃必壞, 係相對日本車易壞
我無講過必壞, 但機率相對日本腳車高
要清楚背後既原因, 都分析哂出黎
而唔係簡單睇幾多人用當作理據

funny1

多人用唔代表任何野, 之前講過多人用係結果, 唔係原因
因為耐用所以多人用, 而唔係因為多人用所以耐 ...
gn01119056 發表於 2020-11-25 12:00

都係嗰句，如果真係咁差，點解又咁多人買佢二手？日日提心吊擔？我係傻嘅個別例子，咁街嗰度呢？
Dsg易壞，好易壞，日日提心吊擔驚佢壞。。我又可唔可以話：
我買日本車，例如jazz，日日提心吊膽驚比人撞？因為可以頭尾都唔見咗，入面嗰個死埋？我唔會咁樣講囉。。因為楂車嚟撞車架？小心d楂咪得。。

gn01119056

都係嗰句，如果真係咁差，點解又咁多人買佢二手？日日提心吊擔？我係傻嘅個別例子，咁街嗰度呢？
Dsg易壞 ...
funny1 發表於 2020-11-25 12:23

    我覺得你可以咁講, 講真相對之下GOLF係安全, 係佢既優點之一
JAZZ相對下係無GOLF咁安全, 提心吊膽亦都合理, 我唔係講反話, 我同意這觀點
周街都係, 多人用, 係一個結果, 唔係一個原因
我都明白你話佢唔係玻璃, 講真同大陸牌子車比較, GOLF又變成耐用, 睇你同咩比較
就算佢用到5年先壞, 都係已經有返咁上下
但所有野都相對, 佢相對日本車, 自然變成無咁耐用
如果5年以上既車, 真係唔建議買GOLF, 出事機率較大, 除非你好熟車
點解出事機率較大, 原因已講

arrychiu

都係嗰句，如果真係咁差，點解又咁多人買佢二手？日日提心吊擔？我係傻嘅個別例子，咁街嗰度呢？
Dsg易壞 ...
funny1 發表於 2020-11-25 12:23

佢又唔係完全無道理，因為有新科技就一定會比較易壞，
俗語有話多隻香爐多隻鬼，等於初初有氣袋時成日亂爆咁，
如果十幾年自然吸氣車、4AT/5AT真係無咩嘢壞只有損耗，
電子嘢壞嘅機會始於比機械壞嘅機會大D，同埋機械嘢壞可以見到，
電子嘢壞只可以用電腦去check，呢個亦都係歐州車街邊車房整唔到嘅原因之一，
有人鍾意性能，有人鍾意耐用，百貨應百客，最緊要適合自己，
Tesla咁多問題一樣會咁多人買，我老友架三個月返咗四次廠，
如果再整唔掂Tesla話補錢換架新嘅比佢，俾我就要求退錢，
所以咩車好D呢個永遠唔會有答案，有D人真係架車行得就唔整，
舊年我細佬移民，本來叫佢留個大覇王俾我，點知我一攞車，
計一計起碼要整10萬，成份底擔都要換，所有膠都要換，
內籠同車身無忽好肉，最終我唔要，佢咪又係低市價一萬就賣咗。

關於DSG嘅問題，的確會比普通AT易壞，但就無傳聞咁誇張，
唔係我都唔會揸開5代換7代，再買多架6代旅行車，
等於當年我用Racing極力子一年要換兩套一樣，
或者你買條咬地嘅呔一定蝕的快，針無兩頭利。

gn01119056

佢又唔係完全無道理，因為有新科技就一定會比較易壞，
俗語有話多隻香爐多隻鬼，等於初初有氣袋時成日亂 ...
arrychiu 發表於 2020-11-25 14:51

    同意, DCT最大問題都係1-2檔塞車, 加上天氣熱, 係主要磨損原因
如果CVT加TURBO, 高速係跑道操車, 相信死得快過DCT好多
大家既代價接近相同, 各有優缺點

funny1

佢又唔係完全無道理，因為有新科技就一定會比較易壞，
俗語有話多隻香爐多隻鬼，等於初初有氣袋時成日亂 ...
arrychiu 發表於 2020-11-25 14:51

我都仲會用加減波，就住楂，同at比講耐用度真係冇得比。。嗰d萬年4at,識壞嘅咩？嘥油d之嘛。。但dsg好玻璃嘛？至少我自己覺得唔係，但佢比at易壞我就十分認同。。我楂行高速都可以5.9L/100km㗎八成高速？嗰d什麼無敵腳車應該唔得囉衰d講，現今d巴士都快過佢。。