TimCook

回覆 28# aleck_choi


   啲人點解咁辛苦咁高消費，都要買同養一部車，我好相信其實大家心裏有數嘅，我真係未聽過有人埋怨，B Class 嘅機票咁貴囉。

nkc1989hkjc

呢個版既師兄真係好好多, 其他討論區呀fb page呀, 個個就係識吊,
我都支持加牌費,幾十年冇加過,加少少就嘈三嘈四, 想用就要付出好應該,
都係嗰句難聽D講,冇錢咪坐巴士囉

ckkong97

呢個版既師兄真係好好多, 其他討論區呀fb page呀, 個個就係識吊,
我都支持加牌費,幾十年冇加過,加少少就嘈 ...
nkc1989hkjc 發表於 2021-2-24 16:15

上一次都唔記得幾時加，我由09自己養車到而家都無加過，今年係第一次加，之前曾經大加牌費話等啲人養少啲車搭多啲公共交通工具...不過唔記得幾時囉

via HKEPC Reader for Android

TimCook

回覆 32# nkc1989hkjc


    邊度都係差唔多嫁喇，因為個徵結都唔係响件事度。嗱，大家又幻想一下，今次私家車同商用車牌費都減，就淨係加電單車牌費。你估又會有乜嘢講法？

0kcal

但係呢位CH 有無留意近來既違泊越黎越好離普, 可以泊係巴士站唔比巴士埋站上落客, 連本人身為車主都睇唔 ...
aleck_choi 發表於 2021-2-24 15:44

    無講D 咩野... 只係估唔到抄多過之前咁多姐~

唔識電腦人

呢個版既師兄真係好好多, 其他討論區呀fb page呀, 個個就係識吊,
我都支持加牌費,幾十年冇加過,加少少就嘈 ...
nkc1989hkjc 發表於 2021-2-24 16:15

    駕駛艙出左PO話對上一次加牌費係1991年
登記稅就2011年

老實講下年加多一次30%就差唔多
30年冇加一次加6 7成都合理
反映番 車 其實係奢侈品

TimCook

坦白講，加價係唔舒服，養車越嚟越貴係事實，交通法例越嚟越嚴厲，但問返自己，養架車係為乜？
如果有困難，大可以賣車，起碼每個月慳七八千，跟本完全係可以自己選擇。

bennylcn

6月23日前到期續牌可付原有費用
如果私家車或電動客車的車輛牌照在2021年6月23日或之前屆滿，市民須在6月23日或之前任何一天遞交續領申請，方可繼續繳付調整前的每年牌照費。

若續領在2021年6月24日後屆滿的車輛牌照，或於今日早上11時或之後遞交首次發出或重新發出的私家車或電動客車車輛牌照申請，則須繳付調整後的每年牌照費。

nkc1989hkjc

駕駛艙出左PO話對上一次加牌費係1991年
登記稅就2011年

老實講下年加多一次30%就差唔多
30年冇加一 ...
唔識電腦人 發表於 2021-2-24 16:48

啱呀, 車係香港根本就係奢侈品, 唔係必需品! 我係第二度咁講比人吊到媽都唔識得
社會幾時都係適者生存, 冇錢養唔起咪賣車囉, 少左一班左計右計既車主希望番工放工少D人塞呀

實頭

你加呢樣野，表面睇得兩個原因架姐
1. 政府增加收入
2. 令到少d人可以渣到車

如果係1的話，庫房仲有8000億，用80億去維穩但呢度要加我牌費。合唔合理先？
如果係2的話，加牌費加首次登記稅你覺得呢個係好方法咩？會唔會應該好似買賣樓咁，用一個人嘅名登記有兩部車以上就要點點點？又或者轉名費唔係1000係再加？再者加隧道錢又得，好多唔同嘅方法

個問題老實講唔係一個月比多＄200蚊嘅事，養得車唔爭在果＄200蚊一個月，抄一張都唔只啦係咪？ 係條氣唔順丫麻，你牌費呢樣野係公共服務黎，唔係有得唔買A公司就買B公司嘅野，仲有我有交稅架，但我唔會比錢A或者B公司囉。 同你book場踢波一樣咋麻，而家一場1舊水加30蚊政府獨市，你可以選擇唔踢波架喎，去跑步囉。合唔合理先？公共服務黎架，我有權知道你做呢樣野背後係為左咩架喎，而兩樣都唔合理囉。

你煤氣加價都會比人小啦，夠好多年都無加啦，唔通又係果句，你窮咪唔好用煤氣囉，用電爐住野食用儲水式沖涼一樣得架喎，又講唔講得通呀？