mo9394

呢啲應該算係常識，唔做係明顯駕駛態度問題。
反而，六點入十二點出，六點入三點出，應該行邊條行車線？
...
wct 發表於 2021-10-26 09:34

唔係個個出口係三六九十二咁, 有 D 密D, 有 D 疏D. 基本上兩個出口內唔出就唔好用外線咁LOR

mo9394

白車唔需要cut線去外圈都可以離 開迴旋處, 佢應冇優先權cut 線

如果白車已經在外圈, 唔需要cut線, 那CAM主 ...
raym123 發表於 2021-10-26 12:06

咁又唔講得好合理. 好似一般路牌無寫明出口有幾多線, 好難預計駛唔駛轉線先出到. 要自己渣開好熟先會知. 加上有巴士阻住, 睇唔到

mo9394

可惜，未有咁快個Cam主出到個正式交通部結果！
到底，白車要唔要扣分呢？ 好多人有唔同講法，
個人覺得，白 ...
blkbd5 發表於 2021-10-26 15:42

內線認為要CUT 去外線先走到, 就係諗住自己個出口出, 基本上係過左上一個出口, 等到外圈無車就CUT 線, 好合理
好難又望左後鏡睇外圈有無位CUT, 再就入口的車有無出黎咁, 應該假設等線的車, 睇到有車黎緊 (如果有打足燈), 照計唔應該駛出.


入迴旋處唔係為左兜圈, 唔出圈.  迴旋處內的車, 任何位置都會有向左轉出, 或者向左轉線的可能性.  第一出口, 第二出口, 第三出口, 總有一次左轉, 假設內圈車唔會出外圈, 就假設錯誤了.

mo9394

http://masterlohk.blogspot.com/2015/12/blog-post_25.html

呢個好有心機寫, 啱唔啱唔知, 但可以留意下

根據《道路規距》大小道路相等或「較剪口」應該是《左讓右》。原因係左邊車輛之司機睇右邊交通情況，比右邊司機睇左邊交通容易得多。意思係〔睇得清楚要讓睇得不清楚行先〕 。 基於上述理由所以是《左讓右》。 『迴旋處之使用規矩』是根據上述道理而演變出來的。

使用迴旋處看似簡單，其實危機四伏。很多人誤以為在迴旋處內，右線車輛出路口時與左線車輛發生碰撞，左線車輛通常是對的一方，其實根據運輸署指引，在此情況下，右線車輛才擁有行駛優先權，左線車輛則可能負上法律責任。最後判决誰是誰非當然只有法庭為準。




所以, 等線的車應該比內圈清楚交通環境, 應該由佢黎避免意外.
當然理論上, 準備下一個路口出的白車, 轉唔轉線咁出, 都要盡早打左燈. 通知前前後後隔離線的車, 我打算去出口

唔打算出住的, 最好打右燈

片中影唔到白車有無預早打左燈(但入CAM 時見到有打), 但CAM 主就明顯緊貼巴士出去, 無收慢/停低睇清路口有無車黎緊.  白車視線受巴士阻礙, 睇唔到駛唔駛轉線先出得, 轉線係合理做法.

下載 (54.15 KB)

2021-10-26 16:32

  
呢個位已經見到白車, CAM 主仲相差一個巴士位先到, 唔應該出. 呢個位白車俾巴士阻住出口, 睇唔到出口有幾多條線, 而現實中好多迴旋處係單線, 轉線係合理.

CAM 主必然會輸沒有讓車. 白車有足夠理由講轉線的理由.

mo9394

我又咁睇, 如果係一個小路出大路既十字路口, 小路讓線, 大路有兩條行車線, 白色車行右線cut 左線, 而片主 ...
ckkong97 發表於 2021-10-25 15:46

除非好有信心大路的車唔會轉線, 或者遠到自己俾油就唔會阻到人, 否則必須等. 我在屯門元朗中間D 村口出大路一向都咁諗, 現實係大路好多車會轉線, 太多小路出大路的路口, 行緊大路時無可能留意到咁多小路 (仲要沒有路牌顯示, 小路九十度咁插出黎, 主線視野唔會清晰), 唔去轉線.  

反而高速公路有路牌講明併線, 有小路車, 咁可以有少少假設, D 外線車應該唔會在呢D 位轉線.


例如洪水橋開始到藍地, 差唔多三四十米就一個油站/村口/路口等等, 下下睇晒小路先轉線, 一世都唔駛轉
https://www.google.com.hk/maps/@ ... D100!7i16384!8i8192

alan4k

cam主無在讓綫前停車，冇抗辯理由輸硬；
白車可以用巴士阻擋視線為理由所以要內cut外 ，如果內cut外都有打燈，則未必入罪。

WHITERICE

地下無實綫, 行內圏可以選行右同左出, 睇唔到白車有無打左燈, 車主又無停車, 自投攞網機會大.

red666devil

點解呢？ 外圈冇車都唔出？  要等內同外圈都冇車先出得？
blkbd5 發表於 2021-10-25 18:49

    ching 咪聽留言區啲人9up
我哋明就自然明，佢哋唔識就算

我成日都行白車條內線，出同一個出口，而我將出迴旋處時一樣會打左燈，我打左燈係想話俾人知我要離開迴旋處，並唔係要cut返左邊條線

ckmakit

ching 咪聽留言區啲人9up
我哋明就自然明，佢哋唔識就算

我成日都行白車條內線，出同一個出口，而 ...
red666devil 發表於 2021-10-27 14:36

打左燈係想出迴旋處
咁cut返去外圈要打咩燈？

mo9394

ching 咪聽留言區啲人9up
我哋明就自然明，佢哋唔識就算

我成日都行白車條內線，出同一個出口，而 ...
red666devil 發表於 2021-10-27 14:36

讓線的車不能判定迴旋處內行走中的車打左燈的意思, 可以代表係呢個路駛出, 亦可以代表內線轉外線, 未必係呢個路口出, 舊式迴旋處, 佢轉定線再之後一個路口出都得, 或者下一個路口出口可能得一線, 下一個路口唔可以直接內線轉出呢.  
有兩個可能性但其中一個可能性會有意外, 就唔應該駛出讓線.   

唔止迴旋處, 大部份路口都係咁. 你在停線讓線, 見到車影, 佢未打任何燈, 或者打左燈,  小路出大路在咁近距離都唔應該亂出.

你打住右燈就話俾人聽你會KEEP 住內線, 咁讓線的車話睇對方係右燈, 認為可以出就合理.