liedmund

車唔同IT 野，好多時都唔係reset 可以搞掂～
蝴蝶掩污穢，係會另引擎底轉時效率底。
洗蝴蝶掩係第一步，絕對可以DIY。簡單分享下。

簡單講，就係風箱連住引擎位置。風箱=> 蝴蝶掩=>引擎
鬆開左個喉碼，你會見到個蝴蝶掩 (其實即係活瓣，控制入風量）通常上面都有條wire 係度。
去汽車零件鋪，買支洗吸水(即係化油濟)，噴落蝴蝶掩，再用乾布 +  長鏍絲批抺下佢。
可以既話，篤開個蝴蝶掩，連入面都噴，當然你唔會抺到架啦。就咁噴落去啦。

＊＊＊記住，記住，記住＊＊＊（因為好重要，所以要講三次）
洗吸水，係好似WD40咁，有條紅色加長棍仔的，要非常小心，萬一噴洗吸水時跌左落去，就大大鑊。我試過，個次好彩用膠紙貼到上黎，唔係就實要拖車。所以一係唔用，用就要捉到實。如何有friend 一齊搞，熄左車，可以叫佢係司機位踏實油門，等蝴蝶掩全開，當然你推開條wire 都得啦，但又少隻手做野

噴完就開車，但九成九都撻唔著，唔洗驚，係咁的，撻多幾次，就會著，怕舊電打柴，撻唔到好多次既，最好有另一架車（friend) 或者救車尿袋準備。一見撻著左，就大踏油門（當然p波啦），等d 污染物排哂出去，如果副偈有返咁上下日子，車尾會有一舊黑煙攻出黎。

洗完會好d，當然，你有心DIY，可以咁搞，車房洗蝴蝶掩，係會成個拆出黎洗，唔想自己動手，乖乖比錢人做囉。同埋揸車，長期私私文文唔得架，有時係要狠狠地谷下佢，搵條無乜人既路，最好大斜路上山，拖底一兩個波，谷到佢5、6千轉(睇車啦，NA車通常都ok架啦，turbo，柴油另計)5秒6秒，車速唔快就唔危險，要高轉，排氣增加，都可以將污垢排出。

另停車震，都有機會係偈躉膠，呢下無得自己搞，去車房搞。

PS 當年 96 Astina 又係咁洗，626又係咁洗，06 honda stepwgn CVT又係咁洗

pk007sky

想無事，一係keep住3000左右就換油，一係打散黎整，一係台過副波箱，
tamama120 發表於 2016-4-20 17:48

    換油只係小小幫助

因為個隔塞曬

昋討有神人逆洗波箱,可以回復9成9

洗曬個波箱同個波隔D油泥出黎

tamama120

換油只係小小幫助

因為個隔塞曬

昋討有神人逆洗波箱,可以回復9成9

洗曬個波箱同個波隔D油泥出黎 ...
pk007sky 發表於 2016-4-26 21:00

我都有睇過佢，佢有低壓既泵，同齊架生先可以咁搞