poopies

點解放得耐就危險?我個積同新既一樣冇生锈
不要理 發表於 2017-9-14 20:44

唔關新舊事, scissors jack設計只係預你短時間積起部車(例如換軩),
當你時間耐左, 一來本身隻積會頂唔順, 二來車身亦有機會因受力不均而變形。
用較剪積爬車底根本玩命。

powerwhy222

用原廠積係夠力既,車身裙腳個積位(原廠建議)亦係加厚咗,唔會咁差.反而係diy既人識唔識做工夫先係重要?因為你响車底仲要用力拆嘢,驚用力不當冧積啫.見兄拆到粒鏍絲拆到撻晒牙,就知牙煙!下次上來收集吓意見先再郁手.

poopies

用原廠積係夠力既,車身裙腳個積位(原廠建議)亦係加厚咗,唔會咁差.反而係diy既人識唔識做工夫先係重要?因為 ...
powerwhy222 發表於 2017-9-21 12:31

原廠積理論上係夠力, 當年我年少輕狂就係咁認為, 想將架Fiesta MK3 RS slammed (無記錯當年我係唔識死想鋸短條彈弓)。係自己車房同兩個朋友用兩隻較剪積積起黎拆轆，結果其中一邊隻積變形，最終車底亦都變形。

就算宜家上網睇，都發現唔少人經歷過原廠OEM積頂唔順斷開、灣曲、冧積。
正如你所講可能d人用錯方法, 同一時間隻積本身又唔預用家用黎長時開積起整車。
我宜家就備左四隻stands。

powerwhy222

正常拆轆係夠力，但你要來拆避震就唔夠力，因為拆避震你要撬下腳裨，又會搖動車身，所以先唔夠力。兼且load低車身唔係用原裝彈弓据短就算？拆個彈弓亦要識。

aussie

原廠積理論上係夠力, 當年我年少輕狂就係咁認為, 想將架Fiesta MK3 RS slammed (無記錯當年我係唔識死想鋸 ...
poopies 發表於 2017-9-21 16:00

    就算用stand我都會用舊jack傍住。

命仔緊要，信唔過幾舊水嘅stand

poopies

正常拆轆係夠力，但你要來拆避震就唔夠力，因為拆避震你要撬下腳裨，又會搖動車身，所以先唔夠力。兼且load ...
powerwhy222 發表於 2017-9-23 05:50

正常拆轆換軩的的time frame當然夠力, 我都重申過幾次，
隻較剪積只係設計用黎換軩，唔係用黎積起部車黎訓車底整車。

不過就算係正常換軩，我都唔會咁放心
你求奇上網search無數條thread講緊呢件事，你就會知有幾多人經歷過scissors jack failure
另外我記得六、七年前，我英國呢邊有車主會踢爆車廠跟車的原裝積有缺陷，
但B牌車廠無公開同主動通知車主更換, 直到有人換軩時隻積裂開，上網講呢件事先揭發。
理論還理論，實際還實際

另外我都話當年後生，生少輕狂，十幾歲做學生無錢又想load低部車，
跟住就膽粗粗幾條友仔夾手夾腳, 拆出黎据短彈弓, 宜家就當然知道乜野係危險。
先唔好講隻積，只係据個下隻彈弓已經有機會彈起，個下都夠牙煙。

不過就算宜家係呢邊，好多d靚仔都好鐘意咁做，唔識死。

另外亦都講講呢邊唔同香港，唔少車主都會或多或小自己整車, DIY基本求生技能黎。
一來通常有地方整，二來無語言障礙，我買新車都會叫個經紀跟多本原廠workshop manual比我。

就算用stand我都會用舊jack傍住。

命仔緊要，信唔過幾舊水嘅stand
aussie 發表於 2017-9-23 11:56

我通常Trolley Jack成隻繼續放係到, redundancy點會唔做
基本上去開track day落場玩的唔可能唔知

dmccplny

其實有冇想過積爛咗跌落黎個下. 冇得走

love19901109

回覆 67# dmccplny
所以一定要用放轆係車底  落左黎都唔會個人食晒