本帖最後由 mo9394 於 2021-10-28 08:06 編輯
https://www.hk01.com/%E7%A4%BE%E ... E7%8E%A9black-magic
而最新版的《守則》中，終加入螺旋處使用方法，但在邱益彰看來，運輸署指引上那個雙線、正圓迴旋處，非常完美；而現實的香港，因為規劃及環境限制，有橢圓形、三線，甚至出口單線的（兩線）迴旋處。他亦親身測試，按照指引駛入內圈，到出口時發現地上是一道單白線，自己一方是實線，即不能切線駛出迴旋處，螺旋處行法「唔work」。
有時想 9 點出, 但切綫都係必須. 即使係原先改左螺旋處, 但實際行左一排後, 都一樣有機會加線劃線改線改到有例外 (四個出口, 三個新型, 一個傳統, 你唔去到出口睇都估唔到係乜型).
新好舊好, 迴旋內轉線, 係一件好正常的事. 一定唔係"違規", 但當然講係安全情形下轉, 唔係話大晒.
新同舊分別只係優先權有少少分別, 轉出時有意外, 外圈係主線定內圈係主線.
唔俾轉線的位置一定劃左實線, 但好少會成個圈劃, 主要係個別意外多的交接位, 會劃實線.
咁沒有違規下, 就係優先權喇. 白車沒有比主線車有優先權轉線, 但係CAM 車不是主線車, 係讓線的車, 讓線的車優先次序係最低.
片中 0:10, 可以睇到白車車頭已經貼住同指向外線準備cut 線, 雖然不是好位置, 但外線無車時, 絕對有權咁做, CAM 主係對方的盲點以及"行車線以外". 而CAM 主0:10 時, 仲影到讓線, 即係車頭都未出晒. 呢個點Cam 主就輸晒喇. 成部車入晒外圈就另一回事. 由圈中心打橫拉條線咁比較, 白車比CAM 車突左好多出黎, CAM 車係在白車的左後方, 後車讓前車. 咁未搶到線, 讓線的車想出, 都應該配合隔離車速, 留少少空間跟人車尾半個一個車位咁行, 直到自己成功佔用左成條線後, 先可以加速.
見到讓線有車等緊, 是否完全不去轉線, 自己行右線一定不能CUT 去左線? 因為小路車正常會誤會我行緊右線一定唔會轉線, 所以我不能轉? 我唔會諗咁多, 只會睇地下有無實線, 以及左線成為想入主線, 前後有無車, 車速距離是否安全俾我CUT 線, 我會假設讓路口D 車唔應該出黎, 但會慢少少車留意, 小路亂衝出黎的西人更多.
西唔西, 如果係高速公路併線, 外線仲專登zip 去小路入大路的出口, 係西的. 因為左線係慢線, 我想快先CUT, 咁CUT 去慢線無好處又阻人, 當然西喇.
但如果只係一般路段, 多小路出大路, 外線未必係刻意zip, 只係唔想佔右線咁靠左, 或者有實際需要停低, 或者前面燈位想轉左等, 係唔駛考慮呢D 90 度出黎的車 (例如油站出入口).
例如 https://www.google.com.hk/maps/@ ... !2e0!7i16384!8i8192
例如 shell 出口有車等緊, 我本身在外線, 因為目的地唔係天水圍, 我應該未到燈位前就要轉番中線/左線轉好, 我唔會話因為有小路車等緊出, 而唔靠左行. 因為過SHELL 見有人等出唔可以CUT, 去到加德士又可能有車想出唔可以CUT, 幾時先CUT 得? 我要因為讓路俾小路車出, 所以要入天水圍走一轉?
的確係好似片中的女士咁答"你唔俾我CUT 線架?" |
簡體版
訂閱頻道
訂閱電子報
發表於 2021-10-27 22:19
| 
