深圳出粵B 牌買 Tesla 流程

javacomhk

大慨可以是這樣

1. 網上 tesla.cn 預約深圳網點試車，留姓名及大陸電話號碼，可預約星期六日。
2. 試車當天帶埋大陸駕照登記試車，電子駕照都可以，現場可試車輛都可試埋自動駕駛 FSD，大陸 Tesla FSD 比美國版本(v14)低一個大版本號，但已經好正可以AI自己行駛唔使掂住軚盤都行都，唔瞓覺就得，司機隻手揸住個手機錄影都得，Tesla 自動駕駛技術肯定係全中國Number One，你要去親身試過先知幾咁興奮，正個玩機，人工接管駕駛係可以踏 brake 或扭軚或打方向燈(2025新款 Tesla 係有新方向掍係左手面)叫佢轉線例如過收費站時想佢行最左線 etc 通道。FSD可選擇付全款 ¥63000 訂購，或日後選擇月付 ¥800 月費，但唔知月費以後會唔會加價。
3. 試完車有意購買便可以討論及確認你要的車款、車身顏色、內籠顏色及其他配置要求及選擇貸款方案，如果首付 ¥99,000 約25% 車價可享 0% 免息優惠最長36個月免息貸款。如果首付13%車價可享低息年利率1% 及最長60個月還款。不過車主或貸款人要有內地資產或薪金/收入流水或公司納稅證明才可貸款，如果是在內地有房產就可以即時審批申請，香港人車貸 Tesla 會要求指定由平安銀行做車貸銀行，即是用平安銀行專屬車貸戶口還款，如果有平安銀行戶口或內地房貸，銀行會即時查到徵信系統沒有遲還款紀錄便可即時批核，乜嘢其他證明都唔使比，比張平安銀行卡同回鄉證比佢影低就得。當然你可以交車時安排匯款或加大銀行轉賬額度去全款付款，但相信首付9.9萬加36個月免息貸款係最吸引的方案。另外如果你諗住第日申請粵車南下，就最好搵個有車牌嘅深圳女朋友，車上佢名，好快就可以開通深圳車主申請粵車南下啦！記住如果有車貸係轉唔到名嘅！
4. Tesla 可代申請電動車指標上粵B綠牌，不需搖號，電動車牌號碼到時可以50選1。香港人憑回鄉證在深圳買車不再需要居住證、不需要社保、不再要求近2年内累計居住9個月以上。沒有居住證就要在深圳辦理「境外人员临时住宿登记表」。
5. 訂車只要支付¥1000 訂金，留聯絡信息及簽合同，可用支付寶或微信付款，跟著預計一個月時間做好架車就可以預約在深圳提車日期(即要等上海一個月時間造好架車後大約1星期運到深圳)，到通知交車時間時就要交首付金額時付款可用銀聯信用卡。及要買交強險及商業險約¥8000，亦可以自行搵保險代理。
6. 如果在今年2025年底前購置(即提車日，不是訂車日)電動車就可在提車後年底前申請購置稅(10%)最多可退稅¥3萬。下年1月1日開始購置稅優惠便會減半，即是要比多¥1.5萬。當然如果你買其他牌子及較平價車款(車價¥15萬以下)嘅話下年都唔一定要比購置稅。
7. 出保險及交車後便會有紙質臨時牌照比你揸架車番屋企，跟住便可以自己揸架車去深圳車管所(要預約，只係一至五非大陸假期才開門，換過駕照都會知個預約流程)，例如西麗或羅湖文錦渡驗車及申請出鐵牌。車管所首3小時泊車是免費及可充電。你可授權代辦但通常都係自己揸去開心的，而且之前在提車之後及車管所申請鐵牌之後你是需要泊番架車去自己嘅停車場或車庫。因為車管所驗車是需要用12123 app 預約及申請後約2日後先會寄鐵牌郵寄去你指定內地地址，自己將個鐵牌上螺絲都好容易。中港牌都係自己帶個鐵牌番香港裝。或者你可以帶埋個鐵牌去的Tesla 美容店貼車衣時叫佢洗車後幫你裝埋。
8. 在未出鐵牌之前架新車係沒車牌所以行駛期間入停車場就要掃QRCode；過收費站就要走人工通道及入收費站時取收費牌，出收費站時計算費用及微信支付。我就諗住第一日貼自己個港牌才入去自己屋苑停車場，但過收費站就行人工通道。你可以以優惠價買 Tesla 充電器包安裝，如果有自己車位，但停車場要申請電錶同拖線去個停車位就可以自己安排，因為Tesla 包安裝只包50米電線拉去電錶，再長的電線要加錢，除非你間屋是別墅屋就可以用插蘇去整個極慢充電器，屋苑停車場一般都是裝 7或11 kwh 中速充電器，包安裝的50米係唔夠長拉去個電錶。
9. 粵B 深圳牌在深圳本地平日是沒有限行，外牌就在平日繁忙上下班時間(上午7-9，下午5:30-7:30)限行，但粵B 牌往廣州市中心就有開4日後要停4日限制。廣州市限行被罰頭2次會被警告，跟住再犯就會被罰¥200及扣3分。港車北上計劃及中港牌在深圳及廣州都沒有限行，但粵B 深圳牌可駛出廣東省，港車北上及中港牌都不能駛出廣東省。
10. 大陸 Tesla 嘅保養唔一定要番去佢的 4s 店，自己換消耗品或去的外面 Tesla 專門店換軚或維修都得。另外，淘寶及拼多多有好多配件賣，平靚正。

wueddie

我就諗住第一日貼自己個港牌才入去自己屋苑停車場，但過收費站就行人工通道。
ching 你個屋苑在深圳?

javacomhk

我就諗住第一日貼自己個港牌才入去自己屋苑停車場，但過收費站就行人工通道。
ching 你個屋苑在深圳? ...
wueddie 發表於 2025-11-4 01:33

    唔係，深圳好多都認唔到港牌架！

normalyan

減咗三萬之後即係畀咗幾多錢車落地？
燕梳牌費嗰啲點搞點收費？

javacomhk

減咗三萬之後即係畀咗幾多錢車落地？
燕梳牌費嗰啲點搞點收費？
normalyan 發表於 2025-11-4 13:53

    Tesla 網上報嘅車價係唔包購置稅嘅，落地幾錢係係睇你買邊款車，乜嘢顏色佢網頁有試算表，自己可以計出來。
今年買基本唔使比購置稅，如果下年要加購置稅就要另計。你訂車時佢會埋比你睇。另外保險亦有試算，你可以自己搵第二度買保險。同佢買都肯定平過香港的Tesla電動車保險。

javacomhk

深圳 Model Y 最新免息貸款方案
轉色免費，節省¥8000
貸款方案需要有資產/房貸徵信記錄、收入流水證明或商業納稅證明。港人貸款會經深圳平安銀行審批。
攝於深圳 大劇院地鐵站 B出口 KK Mall 地面層 Tesla 店舖
隔離仲有 小米 SU7 可以預約試車。

下載 (138.88 KB)

2025-11-12 15:18

popo1234

其實上得大陸點解唔買返大陸廾, 十萬都有

仲有T車之前有話, 有部高速同政府機構唔可以接近, 而家得唔得?

成日想大陸買架車, 跑上西藏.....等等, 電車充電方便嗎?
因為新彊無身分證入唔到油站, 所以唔考慮油車

javacomhk

其實上得大陸點解唔買返大陸廾, 十萬都有

仲有T車之前有話, 有部高速同政府機構唔可以接近, 而家得唔得?

...
popo1234 發表於 2025-11-12 09:24

新疆有乜好去啊？我就沒興趣啦！去新疆就買油電越野4驅啦！

香港揸 Tesla 最快都係得110機場路仲鬼死咁多相機，梗係揸大陸的國道先發揮到啦！

大陸同香港一樣就最多 Tesla 專用快充架啦， Tesla 專用快充收費貴的架嘛，的大陸佬唔會同你爭貴充電，只要唔係大陸長假期實搵到快充位啦，平時響大陸的屋苑充電架啦！都唔使出去充電。

香港人揸 Tesla 仲乜要去的政府機構啫我又唔係官又唔係乜乜議員，我大陸揸車旅遊玩之嘛！又唔係大陸做野番工。香港搵錢大陸玩先係享受。

popo1234

新疆有乜好去啊？我就沒興趣啦！去新疆就買油電4驅啦！

香港揸 Tesla 最快都係得110機場路仲鬼死咁多相 ...
javacomhk 發表於 2025-11-12 17:31

    新彊無大陸身分證入唔到油站入油, 除非包一件飯盒

揸得車, 梗係去新彊西藏偏遠地方啦, 唔通去上海同人迫咩香港仲未迫夠

javacomhk

新彊無大陸身分證入唔到油站入油, 除非包一件飯盒

揸得車, 梗係去新彊西藏偏遠地方啦, 唔通去上海 ...
popo1234 發表於 2025-11-12 09:45

去新疆西藏就直接搭火車啦，揸乜鬼車啊！大陸你淨係識新彊西藏上海咋！
你知唔知淨係廣東省由西至東沿海城市打橫咁行都超過1000公里架，有幾多個城市啊！跟住在東面沿海地區北上仲有幾多路幾多個城市啊！