mansiu

努力呀來醫
靠你喇

扣肉

呢度有幾多member會去架??

Gundamdriver

想去,
但係放學都唔夠時間去~

howie_n

hello,
我想知閒聚會有d咩做架?!
如果我只係一個新手,乜都唔識咁可唔可以來架?

voidoo

原帖由 howie_n 於 2007-5-6 00:14 發表
hello,
我想知閒聚會有d咩做架?!
如果我只係一個新手,乜都唔識咁可唔可以來架?

其實主要係大家傾下計, share 下關於GNU/Linux or FLOSS的經驗, 有問題亦可以來討論下
睇下有無辦法解決。

新手老手都可以來... 但最好唔好咁怕醜,主動出聲問野。

--
Roy
http://www.linux.org.hk/

voidoo

原帖由 dbp 於 2007-5-4 13:10 發表
香港的 distro .. 商業性的都算有, 社群性的話, 我想整個香港 linux 社群一起做也會頗感吃力吧?

港制distros 以前都有三個，其中一間仲賣過電視廣告添, 不過現在都停晒或轉上大陸，香港電腦市場本身就細, 何況GNU/Linux。而大中華區咁多個distro, 講真真係無乜邊個似樣，你諗下中國人搞自由軟件既心態就唔會有乜期望。個人覺得根本無必要一個香港 distro, 只要大家多d 同現住主流distro 報告 bugs,
甚至參予開發工作，搞好 主流 distro 對香港用戶需要既支援，更實際。

謹記 自由軟件的原則是 積極參予，而不是待有人推出你需要的產品。

最間單，提出你對 自由軟件的意見而是一種參予 :)

--
Roy Chan
http://www.linux.org.hk/

voidoo

原帖由 centos 於 2007-5-4 08:59 發表


首先我也要說一句對不起吧.
其實我也很欣賞你們那些人的.有心去搞那樣的活動.
十分佩服............

>好多自由軟件介面繁體中文翻實亦主要由香港人做。  
那點你說不真不知道呢..thx


>P.S.  ...

其實無所謂，我都係發口痕, 解釋下。其實所謂香港GNU/Linux 網上 community, 睇你點睇。 我地早幾年都有個 news server, 不過無人 maintain 所以消失左。WWW Forum 有 plan 過，不過當時有些exco是 news server 支持者，對 WWW Forum 持頗強烈反對意見，最後不了了之。現時我地個 server loading 應該唔足夠應再增架其他 service.

早幾年都有人同我講搞 GNU/Linux forum 無意思，因為無乜人上，搞左幾年都水靜河飛。講真，唔係香港人唔玩 forum, 係好多老手根本唔鍾意上 forum, 大家都覺得答來答都係個幾個問題，無興趣上。老手唔上，新手問題無人答，或者問左俾人鬧，咪走晒。唔靜之奇。有 d 人咪走去 HKEPC, discuss.com.hk 同 UWants 呢度討論區, 更多咪走左睇台灣同大陸 forum。

Cafe 形式其他在外國lug 都很普篇，大家每月搵一日約埋係一間酒吧或 cafeshop 傾下GNU/Linux，話題自由，反而鼓勵大家互相交流。我以前地搞 講座 時都有試過完左講座留低傾計，不過唔知因為場地問題定中國人怕醜，九成人一完左就走晒。好多時都係你係講座講乜，佢聽乜，大部份做晒CD-ROM, 無乜 interaction, 相反係 cafe , 有d 人真係會問佢地決佢唔到既問題，面對面有時亦比較容易解釋。

我因為貪 cafeshop 有 wirelessLan, 架上在餐廳拎部電腦出唻唔方便，所以先選用cafeshop。事實上我地都可以問一 d 大學或機構借場地，不過需要更早就籌備，亦要平衡唔同人既喜好。有 d 人可能鍾意一路食野一路傾 (外國人八成去 bar 度搞 ) 。

本地雜誌方面，HKLUG在亦曾在某某電腦雜誌有過專欄。不過要維持絕不容易。大部份老手 (包括我在內) 寫野都講心情，加上工作，要每周都一篇桹本不容易。有段時間很多電腦雜誌對我地寫既內容有唔少限制， 唔可以太深，又要大路。BTW, 唔怪得雜誌社，你寫得太 tech, 人地睇唔明就唔睇。不過以興趣為先既老手自然寫寫下就無癮，唔再寫。

> 哈哈....我只是愛好linux.菜烏一名呵....那有本事

新手有新手可以幫的忙，你來參予下，就已是一種支持。幫手試下我地個 wiki寫既有無錯，會唔會 outdate 左, 有無 斷 link, 容唔容理解，有無錯別字等等.. 學到 GNU/Linux 野就多 d 同其他人分享，有問題 submit 下 bug report, 這是都是新手可以做的事。 :)

期望大家明白, GNU/Linux / 自由軟件講的是參予!參予!參予!參予! 不是等人家幫你做。 :)

----
Roy Chan
http://www.linux.org.hk/