大地震牌 p10v2 subwoofer 入手

話說上個月正式加入 AV 玩家行列之後, 一直都睇唔0岩隻 subwoofer... 一般 sales 都係話睇 budget 有大買大祗會買貴唔會買錯...

行黎行去都一頭霧水之際... 發現雅_有半價 trade-in 既優惠! 原本係過年時候做, 但係又見仲有好多人問... 所以我又問埋一份... 又真係仲可以 trade-in 喎!
聽電話小姐非常好禮貌... 有問必答... 跟住我上網睇睇個 trade-in 仲平過水貨... 又見 d 人都幾好評... 所以就落訂...

有 d 師兄等左個幾月, 我就好好彩0岩0岩有貨期, 半個月就收到電話話到貨!

送貨方面真係有驚喜, 唔係掉低比你就走! 佢地會搵專人上門, 拆箱幫你駁埋之餘仲會幫你做埋 setup! 唔係擰兩擰果隻... 係叫你比埋你隻 amp 個 remote 佢幫你 set!

我呢 d 新手真係識鬼 set 之前用套 logitech z906... 有 THX 認證, d bass 我一直都覺得唔差... 但係換左大地震後... 真係大地震...
拳拳到肉既深潛感覺都可以0係呢隻 10 吋 subwoofer 度表現出黎... 真係不得了... 差千零蚊我真係後悔唔買隻 p12...

不過震到咁... 呢隻野係會走位既... 攪攪佢之後我相信 d bass 會更實淨!

附件: 您需要登錄才可以下載或查看附件。沒有帳號？註冊