Super169

頂....唔係咁黑呀?  XST^&DE$*@#&Y(@*$Y
我知呢度唔可以講粗口, 但作為一個有責任既評論, 只可以用呢D符號代表我既心情.

打完上面篇野, 去一下廁所, 番黎就用唔到.  PC 睇係有藍牙 keyboard, 但打字無野出.
轉去用 手機 同 iPad 都連到, 就係 PC 連唔番.

嘗試斷左佢想再連過, 每次見到叫你入 code, 都未有時間入, 佢就話唔用得.
https://youtu.be/XKIwgq2hVEA

家陣只好用番  USB 線連接.  
唔通藍牙 keyboard 真係咁唔掂, 我隻cheap cheap 又係藍牙既. 又係先死藍牙.
唔知係咪要裝 driver, 但又唔見佢話有 driver 比你 set 野.
會唔會係我部 PC 既藍牙出問題?  連續兩個 keyboard 都出事.
但我一直用之前 HKEPC 買既藍牙耳機都無事, 不過, 藍牙 keyboard 就最近先用, 唔知會唔會個藍牙唔  support keyboard.

另一樣頭先唔記得講, 之前睇網上既開箱, 係話有中文鍵套既, 我家陣呢套無包.  
漢科個網都無提, 可能家陣無了.
另外仲有少少無聊既, 佢網上張圖係送 SONY 電, 家陣變左 GP.....唔會係比人開過換左掛.

Super169

又再補充, 熄哂 D 野全部再黎過, 又再用得番了.
不過, 印象中同我第一次連線有唔同.
最初我用  藍牙  scan 果陣, 佢係叫  keyboard,  家陣係叫  ikbc 1 (我用第 1 個 device).
唔知係咪因為 device 名轉左 (唔知點解用用下自己轉左), 所以突然失聯.
因為睇番說明, 佢有一段講:
連接配對名稱異常時, 可將裝置設備端(如電腦,手機...等)藍牙開關關閉後重啟即可.

唔通頭先就係佢講既 "連接配對名稱異常" ? 所以重啟一次又用得番.
不過, 真係心掛掛, 唔知佢時佢又會再出現 "連接配對名稱異常" ?  希望只會出現一次, 以後個名就 fix 左唔再變.

Super169

經過一兩小時的測試, 可以說, 這個 "連接配對名稱異常時", 絕不是只會出現一次.
個多小時內, 已經發生了最少三次.  而解決方法, 可以跟它說的, 只要把電腦的藍牙關掉再打開, 不用刪除裝置或重啟, 都可以再連上.
問題是...我現在主要是打字, 這不會有太大影響, 但煩.
如果我在打機.....中途鍵盤失效, 要打開藍牙畫面, 關閉再重開, 再連上時, 應該已經死了.
假期後要打去問問, 這個   "連接配對名稱異常" 係咪正常現象.
唉, 可以將咁既情況寫落說明書, 教人點樣救.  
睇黎佢地測試果陣, 都應該發生過唔少次, 只係未 fix 到就攞出市場?

silvester

2010 年買Filco Majestouch NKRO, 當年好似900有找，依家仲好好用，真係一分錢一分貨

Super169

2010 年買Filco Majestouch NKRO, 當年好似900有找，依家仲好好用，真係一分錢一分貨 ...
silvester 發表於 2018-12-25 22:24

會唔會係藍牙 keyboard 既問題呢?
我家陣兩個出事既, 都係藍牙 keyboard.
而呢度應該絕大部份 ching, 好似都係用緊 USB 連線既 keyboard.

我家陣都將個 keyboard 轉番  USB mode, 睇下仲會唔會有事.
同時已經出左 email 去問 ikbc, 想確認一下, 既然佢地可以將個問題解決方法寫落說明書度, 係咪即係佢地都知有呢個問題.

kyip

用左藍牙鍵盤成三四年都無出過大問題
會唔會係電腦既藍牙問題?

你講過  手機 同 iPad 都連到, 就係 PC 連唔番.
即係藍牙應該無問題
有一期Win 10好似話藍牙出問題
但我未遇過

Super169

用左藍牙鍵盤成三四年都無出過大問題
會唔會係電腦既藍牙問題?

你講過  手機 同 iPad 都連到, 就係 PC 連 ...
kyip 發表於 2018-12-26 00:31

PC 唔係完全連唔到, 係用到, 用用下突然斷開.  之後轉去 手機 / iPad 都得 (用另一個藍牙名的), 但我未試過長用 手機/iPad
而 PC 就要跟佢講, 關左藍牙再開, 等佢再連一次.
所以, 好難話 手機/iPad 無事, 因為佢既動作, 都係重新連接既.

我部 PC 都有用藍牙耳機, 從來未試過無端端斷開既, 但我唔肯定 keyboard 既 driver 有無分別.
最奇怪係, 佢既說明書上, 都有提及藍牙出問題點處理, 跟住做係得既, 好似預左有咁既情形.

轉用  USB 連線入左幾粒鐘, 無出過問題.   應該只係藍牙連線有事.  
因為家陣用緊底版既藍牙, 唔知 onboard 既 chip 會唔會雞D.   
或者遲D攞粒 藍牙 dongle 試下, 睇下會唔會好D.

akitohk

我隻ANNE PRO 藍牙駁win10 都係咁.
成日都要reset 之後重新pairing 一次
但駁macbook 無事 唔洗咁樣不停重新pair

Super169

我隻ANNE PRO 藍牙駁win10 都係咁.
成日都要reset 之後重新pairing 一次
但駁macbook 無事 唔洗咁樣 ...
akitohk 發表於 2018-12-26 18:26

oh, 唔通係 win10 既死症?
不過, 好神奇, 今日玩左一日, 六粒鐘以上, 只係斷左一次.....尋日係唔夠半粒鐘就一次.  
希望聽日更加進步, 一次都無.
雖然家陣知點做, 好易就可以連番, 但其實佢一斷都幾煩, 會以為自己按錯野, 按多幾次無反應至知.

akitohk

oh, 唔通係 win10 既死症?
不過, 好神奇, 今日玩左一日, 六粒鐘以上, 只係斷左一次.....尋日係唔夠半粒鐘 ...
Super169 發表於 2018-12-26 19:17

不過之前我多數都係pc開機/wake-up返部pc時連唔到
無咩試過部pc著緊既時候中途斷左連唔到