公差與你常在, 識玩先至prefect

ustkl

下載 (53.87 KB)

2021-5-22 12:26

公差與你常在, 識玩先至prefect

立體製作空間嘅朋友應該知道圖片之中嘅係乜嘢， 呢個就係馳名嘅openbuild vslot 滑輪仿製品。全靠呢一個滑輪造就了立體打印機銷售龍頭。 並擺脫某個地方專出垃圾機的形象。

不過呢個滑輪真係令人又愛又恨， 如果識得用可以講跟直線導軌效果唔會相差太遠。 首先唔少新手都唔知道呢種滑輪系統是需要調校鬆緊， 通常單邊果一個輪會裝上如圖右嘅偏心螺母，用來調鋁型材的夾緊度。 首先設置最鬆，一邊搖晃滑車， 逐步上緊測試直至沒有搖晃空間為止， 推動大致順暢便完成。

不過世事並唔係咁順利， 有時明明睇落調好左打印效果還是強差人意。 更甚嘅係點樣調都仲係有搖晃空間。 呢個可能係滑輪本身品質問題。 老實講千幾蚊人仔一台3D打印機， 用嘅滑輪當然都唔係貴嘢。 所以有可能會混左公差比較大的在其中。

有拆過來睇下的都知道呢個輪是由膠殼，2粒bearing和銅介子組成。膠殼中間凸出一條膠邊，厚度應該和銅介子一致。噉樣裝好之後bearing和膠殼便緊貼在一起沒有鬆動的空間， 不過由於公差關係， 部分貨嘅膠邊可能比介子薄了一點， 所以會形成鬆動。 唔好睇小呢個可能小於0.1 mm的空間， 因為有鬆動嘅關係，機器運作嘅震盪衝擊可能會令到這個空間逐步增大。

睇咗一大篇當然最重要嘅係解決方法。方法很簡單，膠邊比介子薄， 只要把介子搞到同膠邊一樣厚就可以了。 只要準備一張沙紙大約200至300號左右， 放上介子磨幾下，磨薄一點再裝上測試。下直至再沒有鬆動， 便大功告成。 對於新買嘅滑輪系非常有效， 如果滑輪用左一段時間已經撞鬆左很多， 最好都係換個新啦。

ustkl

市面上流行嘅千幾蚊人仔嘅機器, 有啲朋友話好正好抵玩, 亦都有啲朋友覺得淨係調平都玩死你, 印完一次又走咗位又要再調教過.

當然呢樣野係睇彩數, 呢啲滑輪嘅虛位其實一般QC係好難察覺得到, 如果你咁好彩入手左部機所有滑輪都係prefect 當然恭喜你你可以爽爽玩. 不過世事當然無咁完美. 亦都有好多朋友買咗返去搞嚟搞去都搞唔掂, 噉樣就應該關啲滑輪事.

所有調平問題都係源自於機械上有不確定性. 例如 ender3 呢一類Y平台只係上咗喺一條20mm或者40mm咁窄嘅型材上邊, 就算個轆只有小於0.1mm嘅虛位. 但係去到哪一個闊度超過200mm嘅平台就會將佢放大好幾倍. 引致整個平台嘅水平面都存在不確定性, 所以調嚟調去都左邊ok右邊又好似唔得. 調好左右邊左邊又走咗位. 想根治都要檢查下啲滑輪搞搞去.

jonahl

May "Engineering Tolerance"  be with you

話說，這明明是好文，為何一個推都沒有。

ustkl

回覆 3# jonahl

其實我響各大討論區FB Group 都發表過教人點樣應付大陸平價機嗰啲QC bugs同埋Design Bugs. 不過資訊量實在太多所以好多都石沉大海, 要有緣先至見到.