xo_ox

見有人改用servo motor, 再快啲

ustkl

一下, 冇砌過, 亦都唔會打算砌. 淨係刨過份說明書同埋一啲相關文件

1) 呢個應該係原作者嘅一廂情願, 如果你印件高瘦嘅嘢就算你個平台唔會搖唔會震, 個嘴都會推喐件嘢少少, 呢個係FDM嘅死症.
2) 而家流行嘅螺絲桿都係導程8, Step/mm 都係 400 (motor 1.8 1/16), Voron 行咗一組皮帶輪減速, 其Step/mm 都係差唔多. 所以 Z-hop冇快到. 其實導程8行 20-30mm/s 都OK. 都算夠用. Z-hop對於打印時間其實影響唔算大, 仲有其實好多時係唔需要開.
3) Z wobble 最主要原因係 Z guide 得唔夠好有搖動空間, 俾螺絲桿帶住走.換咗用belt, 因為佢軟身唔會帶住走所以感覺上 Z wobble會比較輕微, 當然guide 好 Z 才是治本之法. 至於鬼影 Z用belt 應該唔會有影響.
4) 如果整過XY組件上下移動, 4隻角有支撐可以話係必須, 不過用4 belt也不一定要用4 motor, 當然用了4 motor 就可用來做獨立4角 Level. 作者極力反對用家用金屬件代替打印件, 就係唔想 XY 組件上得太硬冇咗個扭動空間. 如果你索性放棄用4個獨立摩打做Level. 用金屬件裝死曬啲嘢其實都冇壞.

至於獨立4角 Level, 如果做完之後所有野都貼貼服服當然係好. 所以Voron 建議平台板用 MIC6, 這種板據說平整度非常高當然都幾貴下.

不過世事點會有咁完美呢. 業餘嘅朋友砌機, 一般都唔會察覺公差與你常在. 買返嚟嘅鋁型材又好, 直線導軌又好. 細心搵嘢量下佢都會發覺點都有少少唔夠直, 可能只係0.1-0.2mm. 就算係MIC6 自稱係好平嘅平台都只係擔保你0.1以內誤差. 其實呢啲微小嘅誤差對於打印出嚟嘅嘢影響又唔算大, 除咗印第一層.  當所有嘢都係Perfect 嘅時候, 理論上做好4隻角就搞掂曬. 但係現實每一件都有少少誤差, 累積起上嚟就可能好大影響. 最後都係要出動到多點 mesh Leveling 去進行修補. 如果要用到呢一招, 其實可以省略4隻角 Leveling. (呢樣嘢要自己打臉一下, 以前一路玩開Delta, Autolevel 是必然嘅事, 做完之後個平台自然會貼貼服服. 但係一直認為其他平台型機器只要軸夠直平台夠平, Autolevel 其實係冇需要. 不過自己砌咗一堆之後, 發現軸直平台平真係唔係必然嘅事, 尤其是越砌越大部, 如果想得到係要俾好幾倍嘅錢, 目前嘅做法就係砌嘅時候盡量低誤差, 最後用 Autolevel 去修正)

Power off 平台會唔會自動下降, 要睇下啲摩打off嘅時候嘅阻力有多少, 不過皮帶輪減速而且用到4個, 或者改用2個長嘅摩打都唔使太擔心嘅. 導程8螺絲桿或者滾珠絲桿, 潤滑得好, 個平台夠重都會自動下降.

個人認為Voron 設計無打算自己砌嚟賣(有冇同零件供應商有聯繫就冇考究過啦)所以係唔會慳住使, 乜嘢新嘢好嘢執曬落去, 呢樣係最吸引玩家嘅地方. 亦都針對已經有打印機嘅經驗玩家, 所以部機用大量嘅打印件組成, 非標零件要訂做嘅其實唔算多. 對於一啲玩龍門機玩到悶悶地想尋求挑戰嘅朋友確實係一個好嘅選擇. 至於部機係唔係好用, 就真係睇砌嗰個人. 至於耐唔耐用, 玩得呢啲機都係成日裝裝拆拆架啦.

之前遊走過幾個FB Group, 間唔中都有啲新手post 問買乜嘢機好. 只要佢哋嘅Budget有返咁上下, 點都有幾個朋友叫佢買Voron. 唔知佢哋有得賣定係乜嘢, 其實新手絕對唔適合Voron. 除非有供應提供組裝好曬嘅機同埋保養, 或者有一個好完善嘅砌機課程. 不過呢兩樣嘢都係超高成本, 面對一堆千零文都叫做用得下嘅大陸機一啲優勢都冇.

ustkl

個人選擇, 用得一塊裝到8個摩打嘅底板嘅經驗玩家, 不如砌toolschange啦.

ustkl

回覆  ustkl
我覺得佢比普通Corexy 嘅優勢就係頭段嘅 printing quality會好D， 因為將個Built plate 放喺 ...
t9097 發表於 2021-5-22 16:22

識玩嘅師兄手上有一台調教得好嘅Ender, 印一隻船仔出嚟都可以好靚. 今時今日船仔已經唔可以突顯一部機嘅能力. 表面來說浮動升降XY可能係有啲優勢,不過事實上唔會太明顯而且仲有好多個factor 影響到. 好似Voron 主要結構只係用2020鋁型材, 目測內裏支撐也唔算多, 而且結構上都唔少需要受力嘅膠件. 如果個頭響高位高速移動可能真係會搖晃震盪影響打印品質, 不過如果用粗壯一點嘅型材, 響適當嘅位置加多的支撐穩固一下其實影響又唔會太大.

至於Voron CP值較高, 唔知師兄嘅重點放喺乜嘢位置? 當然去淘寶店放低二三千買Voron套件, 就可以買到好多條直線導軌同埋五金零件等材料, 好似抵過俾千幾蚊買一台ender, 得一堆鋁型材同埋膠轆. 不過唔好忘記後者係一台用得嘅機. 賣家理論上有責任確保可以用.  而前者只係一堆零件, 賣家只係需要對你嗰一堆零件有冇壞負責任, 你砌唔砌得好佢哋真係冇責任理你.

我都玩咗一輪普通Z平台升降CoreXY, 完全唔覺頭段印得唔好, 部機砌得穩陣就唔需要擔憂呢啲問題.

xo_ox

回覆  ustkl

哈哈，我話龍門機CP值高咋
t9097 發表於 2021-5-22 17:44

    Voron did not for CP...

ustkl

回覆  ustkl

哈哈，我話龍門機CP值高咋
t9097 發表於 2021-5-22 17:44

唔好意思, 理解錯咗.

啲大陸廠商已經搵啱條路, 龍門機對於佢哋嚟講係比較容易handle, 方便大量生產.  CoreXY 比較複雜, 如果要保持品質要落多唔少人力物力. 之前ender6 出嗰陣, 都要等好耐先至出到貨.