ustkl

呢件野係用 Carbon filled PETG 印出嚟.

xo_ox

呢件野係用 Carbon filled PETG 印出嚟.
ustkl 發表於 2022-1-3 10:23

咁重料！

via HKEPC IR Pro 3.6.1 - iOS(3.0.0)

ustkl

回覆 12# xo_ox

呢卷野一啲都唔貴, 不過印得呢啲要一定要用鋼咀.

boldhk

PLA整體受壓力大多時候沒問題，硬度其實并不低。光照和溫度影響比較大。
受扭力、折力當然好有限。

super_fatman

貼番一個簡單嘅習作, 係枱面嘅置物架, 一塊松木板加兩隻打印出黎嘅腳.

下載 (72.54 KB)

2022-1-5 02:08

係板上面加兩鈎做放 iPad.

下載 (56.48 KB)

2022-1-5 02:10

兩部電話嘅 Charging station.

下載 (54.81 KB)

2022-1-5 02:11

ww9876

我都有咁想法，可惜居企冇地方擺部3d打印機。好多家具電品等都係小零件爛左要掉。如果可以3d打印又可以用。再爛咪再印過。

via HKEPC Reader for Android

alancck

我都有咁想法，可惜居企冇地方擺部3d打印機。好多家具電品等都係小零件爛左要掉。如果可以3d打印又可以用。 ...
ww9876 發表於 2022/1/5 10:08

其實大有大買，細有細買，
有啲機細到4盒口罩咁嘅size，

只不過要由畫圖到調校正確輸出，
要用唔少時間同精神，
而且除咗幾個到十幾個鐘嘅躁音，
同埋唔用pla嘅話通風一定要注意，

攪完一大輪分分鐘買過件配件重冇咁辛苦
(過來人經驗)

ustkl

回覆 17# alancck

一樣野值唔值得整真係要自己取捨一下, 3D printer 要用起上嚟仲有好多用途維修只係其中一種.

後續返個浴屏維修，拆咗道門出嚟研究， 罪魁禍首不出所料都係啲滑輪。 基本上已經生曬繡裏面嗰啲啤呤珠有一部分已經碎咗。

下載 (142.39 KB)

2022-1-5 19:01

雖然呢啲滑輪要買有現成，淘寶都係幾蚊粒。 不過度門都拆咗落嚟梗係整返好先上返上去， 所以都係買唔切㗎啦。

膠轆係用m4螺絲固定， 手上有嘅啤呤都叫做啱用印番個膠殼就可以。換咗啲轆仔之後個浴屏順番曬好似新嘅一樣啦。

ustkl

今次呢個唔算係維修其實係補鑊.

趁假期有啲時間幫屋企搞搞小工程換咗啲用咗十幾年嘅天花燈。 而家已經係LED世代, 啲燈又慳電又可以調色溫光暗真係幾吸引。 於是襯雙12淘寶大特價嗰陣時一口氣買咗幾盞換曬全屋嘅燈， 埋單都係400人仔仲要全部都係全功能遙控版本。

下載 (135.91 KB)

2022-1-9 14:39

不過淘嘢真係要睇清楚， 見到啲描述或者客戶評價好正但係你攞咗返嚟可能會同你想像有點落差。其實盞燈冇問題嘅， 同描述所講簡約靚仔係一致嘅。 不過反轉一睇發現個底凸晒啲螺絲出嚟，仲有係冇預走電線嘅位。 如果就咁裝盞燈上天花板頂部就會責住條電線貼唔實天花板。

下載 (130.7 KB)

2022-1-9 14:39

噉又唔怪得盞燈，其實佢有三個係外圍嘅安裝窿可以鑽窿上天花板, 估計係靠外殼嘅彈性去收藏響頂嗰條電線. 不過我唔想鑽天花板, 打算用返原來裝舊燈中間嗰一條安裝螺絲去安裝。不過噉裝嘅話盞燈就會響天花板度fing下fing下.

下載 (134.35 KB)

2022-1-9 14:40

不過唔買都買咗返嚟梗係要裝好佢。 好彩我呢度冇野多就係3d printer多。 於是乎畫咗啲圍邊圍住用來fill左個gap. 由於盞燈60 cm直徑冇可能一次過印個圈出嚟於是乎切開一段段印再砌返埋。好彩啱啱手上有部可以印300mm嘅大機, 可以唔使分咁多段印出嚟。

下載 (122.48 KB)

2022-1-9 14:39

用幾滴AA膠黐個圍邊響盞燈個頂度

下載 (125.31 KB)

2022-1-9 14:40

都叫做整好咗順利裝咗盞燈, 其實都唔錯, 多左一級灰色幾fashion下, 不過呢啲燈冇得換燈膽希望佢生生性性長命百歲啦。

ustkl

又係3D Printer 家居維修真實個案

今次好大工程係一個電子鋼琴(即係琴鍵重量觸感仿效真實鋼琴嗰隻)
呢個琴其實已經差唔多20年. 近幾年放埋一邊畀啲雜物堆住. 最近執嘢終於重見天日啦. 不過啲琴鍵怪怪哋有啲高有啲低棚牙好唔整齊, 聲係出到但係應該彈唔到喇.

下載 (135.04 KB)

2022-12-4 22:27

咁大個琴掉咗佢又好嘥又唔係唔識響, 於是死馬當活馬醫拆開睇睇. (抱歉唔記得影拆之前嗰個樣)

下載 (118.33 KB)

2022-12-4 22:27

幾經辛苦拆咗幾十口螺絲終於拆到啲關鍵位置. 一如所料原來每個琴鍵嘅槓桿位置原本應該有粒橡膠, 經歷咗咁多年終於老化碎裂. 八十幾個琴鍵基本上有一半已經脫離淨低啲殘骸.
(紅圈係僅存嘅未脫落嘅rubber, 綠圈係脫落咗嘅殘骸)

其餘嗰啲只要略為觸碰就會即刻粉碎. 幾經辛苦先至拆咗兩個稍為完整嘅出嚟, 跟住量度一下尺寸重新model. 因為黑白鍵嘅形狀有啲唔同所以有兩個款.

下載 (124.07 KB)

2022-12-4 22:28

由於原本嘅物料係橡膠, 所以今次用硬度85A TPE印. 印出嚟嘅效果同原本嘅都好類似(其實好難compare因為已經碎曬) 85A TPE 因為比較軟所以要用直接送料嘅CX-200印. 如果要用P仔呢啲遠程送料嘅機, 可能要改用硬一點嘅 95A TPU會比較合適.

因為每一粒響熱床嘅接觸面都好細好容易印印下甩咗, 於是乎加咗brim 咁樣一大餅就比較安全. 用嘅時候cut返出嚟就可以. 成個琴有八十幾粒掣圖中嘅要印兩份先夠. 總共大約print 6個鐘.

下載 (135.38 KB)

2022-12-4 22:29

下載 (121.67 KB)

2022-12-4 22:30

插返好曬D rubber, 卡返好啲掣. 裝返好啲外殼個琴終於用得返喇.
跟住裝返拆出嚟嗰幾十粒螺絲, 不過發現最後有幾粒淨低咗響度, 應該係有啲位上漏咗. 不過用得就算啦. 玩多幾年都好.


整番好曬棚牙齊整, 可以一拉到尾(按此處看影片)