Super169

唉...人黑起上黎, 真係有條路既....

頭先打印左件野, 好似 OK, 咁又打印多件, 走左去沖涼.
出番黎聽到部機卡卡聲, 出唔到膠, 又 PK, 塞左.

嘗試 unload 膠, 發覺條喉好緊, 睇下卷膠...真係 XYAZ&@^(#&)#

下載 (38.88 KB)

2013-9-28 04:14

卷膠中間卡死左.....  頂, 剛剛清完個頭, 又要再黎過.....
家陣部機好多怪聲, 可能因為一直唔理佢, 好似有惡化既跡象.
一波未平, 一波又起, 我幾時至可以再投入生產.

天呀! 係咪真係咁唔想我打印.

絕對好奇

回復 20# Super169

唔係膠管內徑大咗，係外徑細咗有虛位令到啲膠漏出嚟，
條管一定要換返3mm,否則無補救辦法，

唔識降溫，睇下部機有個叫heat hold設定係咪0 min,
如果唔係0 min 較返佢做0 min就得嘞。

絕對好奇

回復 21# Super169

我以前成日就係咁樣click絲,
所以自已打印咗個座比佢，
放咗係屋頂，之後未試過click絲。

下載 (96.98 KB)

2013-9-28 04:44

Super169

回復 22# 絕對好奇


o...咁我要換過條膠管至用得了.


回復 23# 絕對好奇
ching 係另外做個轆放機上面?  我無乜位, 應該唔可以好似你咁放.  真係要諗諗先得.  
不過, 我另外卷黃色, 幾乎打印哂, 都無卡過膠.  唔知點解呢卷會咁卡法.

Super169

check 過 heat hold 係 0min 的.
另外, 我見你拆開哂個頭, 想問問.
我家陣兩個頭唔平, 我發覺佢後面導熱管果舊四方磚, 本身就一高一低.  左邊頭明顯低左幾張紙既厚度.

下載 (76.91 KB)

2013-9-28 13:27

如果要 fix 番佢地既高度, 係咪要拆埋後面粒磚出黎?
我試過扭開左粒螺絲, 只係甩左旁邊條線, 唔知粒磚仔要點拆既?  需唔需要加熱時拆?

絕對好奇

回復 25# Super169

原來你無拆舊鋁方，千祈唔好拆，
佢可能特登要一高一低，同時嗰噴咀唔係舊鋁方中間，
拆咗就好似我咁，有好多手尾跟。

絕對好奇

回復 25# Super169

另外你條新管嘅長度，一定要同條舊管一樣，
短咗會頂唔到頂，一樣會漏膠，長咗會令個噴咀低咗，
令兩個噴咀高度恢復唔到原廠設定，
另外噴咀上唔貼鋁方，一樣會漏膠，

至於click絲問題，我發覺如果唔係好似我咁，
係個座到加支臂管住條膠絲係中間就有機會咁卡法,
另放上頂有個好處，會睇到重有幾多膠絲剩低,
由於個座係易裝拆設計，必要時換上新膠絲,
可以繼續印，唔洗停咗佢，嘥咗件成品同時間。

Super169

我剛拆番條紅管出黎, 就即刻明白點解會卡住 unload 唔番了.
當我拆左佢出黎, 仲有條膠在入面, 我拉條膠出黎, 係插唔番入去之前條原廠管既.
因為條紅管既內徑比較大, 打印時應該係成條管填滿哂液化左既膠.
由於下面既管徑比上面既出口大, unload 果下就卡住左了.

至於漏膠問題, 由於另一條未拆, 暫時唔知係內定外徑問題.
我再三度過, 原本果條係接近 2.9mm 左右 (睇佢管上既傷痕, 佢原本應該係 3mm 既).  而我條紅管, 外徑只得 2.8mm, 未有損傷已經比原本果條幼左 0.2mm.

我諗得條管可能真係唔多掂....就算唔漏腸, 打印無事.  內徑粗左, 下下 unload 唔番要拆出黎, 都已經夠煩了.

有朋友話幫我搵到少少 3*2mm 管, 希望今次得喇.

絕對好奇

回復 28# Super169

1.個噴咀出口得0.4mm,原廠個條ptfe管內徑都2mm,
    所以你講嘅道理唔成立。
2.我發覺unload呢個設定係非常白痴，掹條膠絲出嚟要好用力，
    分分鍾會整彎咗x嗰兩條光軸，如果太用力掹断膠絲,
    又要拆噴頭攪一餐，而且係我新手上路嗰post都講過,
    就係用unload而攪到我整爛咗katon膠纸同刮花咗塊鋁板！
    我瀨咗兩次嘢之後，以後都唔用，直接用較剪剪斷膠絲，
    用load功能，load哂啲舊膠絲，再插入新膠絲算數，
    浪費咗嗰一小段嘅舊膠絲當豪比佢！
3.你一定要買返我買嗰條外3內2嘅11號红色ptfe管至得，
    亦希望你朋友幫你搵到，但你既然已經清理咗原廠ptfe管，
    點解唔試下用番佢呢！

Super169

回復 29# 絕對好奇


我唔係講卡左膠, 係講 unload 唔番條膠既問題.
我試過將留左紅管內既膠條, 插入原本既膠管, 個頭係插唔入既.  
果度足足有 2.2mm, 比我地條膠粗左 0.5mm.
你睇下我拆出黎既膠就會明了, 我家陣插番一半入去, 留番少少突出黎.
由膠管拉番出黎既膠, 係明顯粗左既, 肉眼都可以睇得出.

下載 (132.33 KB)

2013-9-29 12:25

我試過放番入機頭, 由下面向上拉, 粗左既頭係過唔到連接機頭既金屬管頂的.  
如果一條正常既膠, 係可以好輕鬆咁通過的(當然, 過唔到就 load 唔到膠).

換句話講, 條膠條入左去,轉左去一條更粗既管, 液化後會變成同佢既容器一樣粗.
當我想 unload 時, 就會卡死在條金屬管既頂位, 唔可以向上拉了.