絕對好奇

回復 39# Super169

今日睇過條管係12號，師兄應该同我一樣，
至於點解你會漏膠我無，而師兄又發現左右噴咀高低差距增大，
小弟估計有以下可能：

1.由於ptfe管要分别插入噴咀及上方管道內，師兄條管只插入噴咀個位,
   上方管道無真正插入, 令到會漏膠及噴咀凸出.左右噴咀高低差距增大,
    呢個可能性最高。
2.剪ptfe管時切口唔夠平，有隙位所以漏膠。
3.ptfe管過長或上噴咀不當。

不過師兄已有國產新管，可以試下用咗先，睇下乜環境再算！

Super169

回復 41# 絕對好奇


可能係我剪得唔好都唔定, 因為我之前兩邊都用紅管, 一邊漏, 一邊無事 ...不過後尾 unload 唔番就拆左出黎, 定陣用緊舊果條原廠管 (我塞左一條, 仲有一條 work).

由於家陣右邊頭因為高得濟, 如果唔拆走左邊頭就無得打印.  
而左邊又用得好地地, 只係達達聲, 我仲心大心細, 攪唔攪佢住.   
我send左 email 問 閃鑄 有關 達達聲既問題, 睇下佢地有無解決方法.  
加上今日出左去玩, 暫時仲未換支國產管.

絕對好奇

回復 42# Super169

咁啱啱去玩完應該好攰，今日休息下先唔洗急！

Super169

呢個星期忙左 D, 今日至得閒換條管....點知又出事.
條國產管的確係 3*2mm, 不過, 閃鑄個頭入面, 只有 2.9mm 左右, 插唔入.
連上面條鋁管都係一樣, 入唔到條國產管....
呢次真係吹漲, 舊既管塞死左出唔到膠, 紅管就可能漏膠, 國產管就粗得濟入唔到, unload 會頂死.

唯有試下再剪過條紅管, 只要唔漏膠, 最多換膠時次次拆個頭出黎再剪過條, 唔駛 unload 膠.

希望遲下可以搵到條合用既膠管賣....
閃鑄本身都有零件賣, 點解唔可以賣埋條管仔.
就算佢一條35mm 當人地 1m 既價錢賣2蚊 (賣貴 30倍), 我諗大家都會照買.

絕對好奇

回復 44# Super169

" 最多換膠時次次拆個頭出黎再剪過條"

換膠絲邊洗拆個頭出黎呀，將條送絲管向上推露出膠絲，
用較剪剪断膠絲,用load將膠絲load哂出嚟,
再入番條新膠絲入去咪得囉！

Super169

係喎，傻左，根本唔駛清哂之前既膠，剪斷佢再load 一陣自然清左，就可以 load 新膠。

Super169

ching, 真係要向你請教一下, 點樣拆個噴咀出黎.  同埋有乜野要特別注意, 我見你話上次拆完要攪好多野的, 我怕自己亂黎會出事.

家陣如果裝哂兩個頭, 只可以用左邊打印.
如果要用右邊打印, 就一定要拆走左邊個頭, 否則如果平台就比右邊打印, 左邊個頭就會因為太低左挖玻璃, 或者挖爛件野.  如果就到左邊個頭, 右邊就會因為離平台太遠, 噴出黎既膠唔可以直接噴在平台上, 一打印轉灣位就會甩出黎.

我攪左好耐, 都無法令兩個頭既差距減少, 唔知可唔可能再裝一次試下.
又或者研究下佢係點裝上去既, 睇下有乜野地方可以調節噴咀既高低.

絕對好奇

回復 47# Super169

’條國產管的確係 3*2mm, 不過, 閃鑄個頭入面, 只有 2.9mm 左右, 插唔入.
連上面條鋁管都係一樣, 入唔到條國產管....’

師兄可以學我將條管兩邊管口邊位，再手銼稍為銼下，
應該就比較容易安上。

根據Sinair師兄嘅量度結果，兩個頭嘅高度應該一樣，
亦由於我無雙頭機，以下只根據邏輯推理得出以下結果，
師兄要調較兩個頭嘅水平高度同前後平行。

1. 先確定兩個噴頭條ptfe管已經换好無漏膠及打印正常。
2.拆咗前面左邊噴頭散熱風扇(右邊噴頭全程不須調較),會見到噴咀對上長方鋁上有一口點色六角螺絲。
    下圖有红圈圈住

下載 (112.06 KB)

2013-10-6 03:59

3.鬆開螺絲,噴咀即可上下移動,為免整花鋁版或壓爆玻璃片，
   用上次剩低嘅亞加力膠片墊係鋁版上。
4.手動升起heatbed平台,頂起長咗嘅右邊噴咀直至剛剛頂到右邊噴咀為止，
   咁樣就可以對齊兩個頭嘅上下高度水平。
5.保持heatbed平台高度，再用間尺打横攝埋去兩個噴咀度，
   睇下有無一前一後，如有一前一後情況發生，向左或向右轉動右邊噴咀,
   直至兩個噴咀度成一直綫，再扭緊黑色六角螺絲，上番散熱風扇，
   大功告成。

調較完成後再試下打印效果，如打印效果不理想，就要問下閃猪，
攪清楚噴咀嘅前後同高度水平原廠設定先！

Super169

回復 48# 絕對好奇


嘩....ching 你咁夜都仲出 post 教我, 真係太感動了.
我都死死下要訓低了, 聽日至有能力研究.  真係唔該哂.

絕對好奇

回復 49# Super169

師兄你又唔記得咗小弟係隻僵屍呢加馬！
我越夜越精神，返而日頭就傻下傻下,
攪到啲ptfe管號碼亂哂籠,真係唔好意思！