andyngo

機架改良咗穩陣之後,先可以慢慢改其他嘢.改咗結構或者換咗其他組件係要測試,錢同時間我唔想浪費.等人哋搞掂就可以玩現成

via HKEPC IR Extreme 4.2.3 - iOS(4.0.2)

ustkl

雖然冇親手砌過Voron, 不過都刨過佢個Cad file同埋組裝說明. 原裝設計鋁型材係需要響頭尾攻牙. 有部分係要側面鑽孔上螺絲. 而整個框架上四條下四條中間四條係冇橫樑加強支撐. 因為加咗橫樑就會阻住個XY gantry上下移動.  不過XY gantry 其實又可以充當橫梁嘅責任防止框架前後左右有skew嘅空間.

個人認為噉樣做個架250嘅機還可以, 350就應該有啲單薄. 如果想硬淨一點角位可以加返d連接件補強一下.

至於極限測試五分鐘船仔都行到其實都夠硬淨嘅, 不過你又唔會知道究竟做測試嗰位仁兄有冇加強嗰個框架, 同埋隻船仔只係用最底嗰幾cm, 嗰個位係成部機最硬淨嘅地方, 如果上到頂仲係用噉嘅速度部機會唔會響度跳扭腰舞呢?

其實砌得呢啲機同玩淘寶平價機一樣, 應該要有改機嘅覺悟, 就算個原設計點樣完美都好, 有時source 零件嘅時候都需要妥協一下作出相應嘅改動. 淘寶嗰啲套件都可能跟原設計有啲出入, 例如角位會用一件3方向連接鍵代替響喺型材上邊鑽窿.

Voron 係一個開源嘅project, 作者只係俾個框架你哋跟住做其實自己仲可以有好多改動嘅空間.