luxhk

另外我想補充。。。希望廣大maker或打印機製造商，不要把什麼自家研發自己設計的什麼什麼，corexy，corexz，coreyz早在N年前就有，不要把別人開源的設計改改就大聲喊口號，我認同改良也是redesign的一種，但前提必須是改良了而不只是改平易了。
外國人形容中國地區的項目是很傷心的。。。他們說中國地區的項目是盜用了別人開源的東西後添加大量有bug的功能，騙到一班人投入之後就閉源

marcowing

其實大陸攪開發平成本係唯一出路，做貴野外國本身有，做得好過佢或一樣，投資成本或者係平野既十倍，做得好又俾人抄，啲開發費一定返唔到本，個生態係咁，開發者都係適者生存，行行都係咁。唔只係3d printer.靚野好多人做到。但係賣唔賣到又另一回事。

luxhk

回覆 62# marcowing


    100%同意，雖然明白個生態是這樣我依然覺得要表態，因為唔希望扭曲合理化，我在大陸工作二十年其實已經習以為常，但唔認同要生存就可以無底線。雖然這個問題在這個社會是死症，我覺得出聲喊唔好然後依然被強暴總好過什麼也沒做。

alancck

回覆  marcowing


    100%同意，雖然明白個生態是這樣我依然覺得要表態，因為唔希望扭曲合理化，我在大 ...
luxhk 發表於 2017/4/30 18:59

係大陸攪研發嘅最大問題，我覺得係資訊唔流通，言論自由嘅管制，你想要新知識，新睇法，
全部都要通過老一輩嘅思想過濾，
一係等到外國成功，先至畀你去開始，
就好似中國出名航拍機，如果佢唔係係香港有創業基金同技術支援，
我諗都冇今日...

marcowing

回覆 63# luxhk
同叫我要真普選差唔多，叫多幾多年都係咁

alancck

回覆  luxhk
同叫我要真普選差唔多，叫多幾多年都係咁
marcowing 發表於 2017/4/30 22:36

以前小平同志講改革開放，
唔係佢咁突出嘅睇法，
中國可能變咗蘇聯咁...
但係依家有幾多同志夠膽去攪新思想，
又唔怕畀人批鬥...
以前啲人係窮得有骨氣，依家係富得冇底氣...

samshum2

回覆樓主。
改良的想法不錯。
加油。
我也是一個有很抱負的理科生。
在香港理科近乎已沒有出路。
工資一出來便低別人一倍。
晉升機會少。
即使理以科畢業，也不少人跳去做保險弓。金融。地產。

但我也不向甘於放棄。
有想過最壞打算是放棄現有工作，做太陽能板安裝。為地球盡一點綿力。

但現在還年輕。想在職時學更多的東西。能夠在將來應用出來。
在這也希望你的打印機會有更多新的突破。找的是良心錢。而不是像保險什麼騙人手法騙來的黑心錢。

luxhk

回覆 66# alancck


    哈哈，講講下變了政治話題。

講回正題，我說說為什麼我覺得這貼我不認同，大部分都是設計的思維問題

第一，這貼廣告成分為主，真人Show方式的廣告
第二，樓主從CoreXY改到CoreXZ不是改良而是Cut Cost順應大陸淘X的價值觀
第三，其實他的店我在這貼前已經有看過，他從CoreXY到CoreXZ的出發點都是因為低成本而出發
第四，連CoreXY都沒發揮好... CoreXZ至會突顯更多缺點，例如，Z軸layer是丝杆的好處都放棄了，Z軸根本不需要快相反精度要求比XY要更高，所以Z軸變皮帶後出世了也注定只會是一般貨式。
第五，滑輪... CoreXY弱點本來就來自於皮帶的張力變化，然後再加上滑輪，我不如用Delta了..
第六，垂直結構只有原本Y軸皮帶結構來做單點支撐，可以形容為未出世就注定體質弱。
第七，本來就是山寨卻標榜了別人山寨意識很強...N年前就有的別人設計的結構而他標榜了他取了專利，典型的國產風格的所謂高新科技手段，門面大於實際
第八，2020和2040本來就是標準型材但卻要開模？我個人感覺是國產色彩底子下的技術及投資標榜手法

bam1a

回覆  alancck


    哈哈，講講下變了政治話題。

講回正題，我說說為什麼我覺得這貼我不認同，大部分都 ...
luxhk 發表於 1/5/2017 03:18

我唔係乜expert,但都想回應下你Dpoint

第一點方面,都算係講開發歷程,唔使藍色窗簾嘅,至少有頭有尾,好過CR8個D廣告似改圖多過實作呀

第三點方面,大陸D料證明咗絲杆,光軸個誤差真係唔掂,不論用乜聯軸接頭定係其他補救措施, 用滑輪至少唔會話因爲絲桿問題搞搞震,而Z軸呢個一直係core XY同傳統XYZ軸嘅天生缺陷,但隨之而來嘅係要好好控制鋁材

第四點方面,佢改用XZ軸Hbot,應該都有稍爲淡化到部分Hbot出現嘅問題,請注意佢唔係core XZ,係 H-bot,兩者個驅動原理同算式唔同架


第七點方面, core XZ/HZ型H bot係以前一早就有係真,但唔同於其他,佢真係無咩人諗住做一個製作項目,有嘅話至少可以證明佢係咪真係唔適合存在,而架構一直唔係代表設計,佢放專利原因都係爲咗防止自己設計嘅所有dimension俾其他廠商直接copy and paste作商業用途,正常個人用途佢肯定顧唔掂,假如顧埋個人嘅話,首先背後有金庫同有班6c肯幫佢郵寄6c信先啦
開唔開源,算啦,大陸宜家要做嘅係保護知識產權爲先,之後先有得做開源,一係就做UM咁過一段時間公開,咁都話叫良心

第八點方面,可以估計係佢想用v-slot,但v-slot似乎係佢附近無咩人有模,唯有開模俾佢合作夥伴做咁
本身2020 2040呢D鋁材標準只係所謂一個外圍標準,好籠統,更多detail可以唔同,就好似Tslot(一般指嘅歐標) 同V slot 咁,兩者都可以叫2020但坑道設計就有唔同,佢用滾輪,呢層應該可以稍爲理解

總結一下,呢部機與其話係山寨,不如話係一個對未完全開發嘅領域嘅新嘗試,家陣佢哋缺乏就係嘗試,gimmick唔係咩唔好,而係gimmick得來識得點有效突出佢先稱爲一個feature

大陸廠家,佢算係小小良心,識搞埋軟件,真正嘅智將係一直做MB機型嘅,同一直係貼吧打QQ號個D

我覺得呢D問題真係好多猜測,不如話點解無正式review存在

btw,我講到連自己都覺得一舊一舊,唔知你get唔get到我point呢...

luxhk

回覆 69# bam1a


    經過你分析，我承認我有一桿打死一船人之嫌，因為實在太多無良垃圾製造者，請恕我已經無法理性判斷這些廣告貼。

你所講的我完全get到，也很高興你可以逐點擊破哈哈。

但有一個情況是肯定的，就是盲目cut cost，你所講用滑輪解決大陸絲桿和光軸誤差問題，這方面我就不太認同，起碼如果基準面ok的話，用原裝線型導軌就已經可以解決，強調是原裝並非十幾元的模塊兼容hiwin那些。起碼樓主第一個xy版本就是線軌，那改來改去都是走低端路線，我個人就不覺得有什麼值得期待。

我並非萬事開源主義的人，我也不認為用了別人開源的設計就是錯，相反用得其所全人類得益，我的說話裡面其實是想噴一下那些口口聲聲說自主研發，但一問三不知，改頭換面打自己logo就將自己捧上天的人。

當然，批評別人是容易的，我也不多廢話，有一點我是對樓主認同的，就是他的第一台機在淘x裡我能找到同類機種最像樣的，因為當時我有考慮過它，最後沒買的原因是當時見到的全部是rend出來的效果圖，沒有實物。

到我講到一舊舊。。。算了，我不再牢騷，把時間放在自己造的機上更實際，繼續出圖哈哈