[測試] 挑戰無極限: 巴黎鐵塔反轉再反轉

本帖最後由 Super169 於 2013-10-14 11:57 編輯

平時印一大舊野, 一層唔靚可以比下一層鋪番好, 最後可以只係個面靚仔就夠.

今次手痕, 挑戰一舊無花無假, 要每一層都印得又靚又準既....巴黎鐵塔.

原圖: http://www.thingiverse.com/thing:53279/#files

一早起身望埋去, 個 look 好似掂掂地喎.

但係, 當越行越近, 就開始發生變化, 即時產生氧化, 出現嚴重鏽蝕現象.
慘不忍睹......

其實尋晚臨訓前睇住佢印底層, 已經知衰埋. 本身 full size 已經難印, 仲比我 resize 左去 8cm 左右.
睇住佢四隻腳一點點印上去, 一開始無耐最外果條柱已經失敗左.
去到第一層平台, 凌空拉線, 更加要求之前既平台好靚至得, 結果好多次都拉唔出條線, 是旦一邊接唔到, 要拉多幾層至掂.
每一層既圍欄更加只係虛有其表.

暫時呢舊野算係最大既挑戰, 必須要部機 tune 得超正, 唔可以漏膠 (當初用漏膠既右邊頭印, 未到第一層已經亂哂).
而且平台既距離要非常好, 出到膠, 而且一出就壓穩下層之上.
因為除左四隻腳最底有個平台做地基, 之後係用幾隻好幼既腳生上去, 即係幾乎一點點膠咁印條支柱, 是旦一兩點衰左, 之後就玩完.
如果平台距離遠左少少, 新噴既一層痴唔正對下一層, 又會衰左.
我用左之前打印 0.3mm 既高度, 可能高左 0.2mm, 有幾點都係印唔到落下一層, 之後就斷左一條柱了.
打印速度亦有好大影響, 噴出黎果點, 就算對得正, 可能會因為佢即時移走個頭, 未完全斷絲而拉左個位.

遲下再試下改下 setting, 睇下有無可能印件可以接受既 8cm 巴黎鐵塔.

唔知有無 ching 有興趣挑戰一下自己部機呢?