220 有真無限數據？網絡商搶客新招：幫你買斷合約轉台

今次的「買斷合約優惠」，同樣係針對香港寬頻用家，不過心水清的網友都知，香港寬頻推出 4G 服務其實得一年左右，就算係開台 Day 1 已經簽約的話，現時都有排未到轉台時間。

因此 csl. 就出動到「變相」幫你買斷合約呢一招！

不過既然叫得做「變相」，當然就唔會直接俾錢你 Cut 約。如果你由香港寬頻帶號碼轉用 csl.，並選用 6GB 或以上月費計劃，csl. 就會係 24 個月合約期內回贈每月 $96，換言之就算計埋行政費，都係月費 $220 就有 6GB + 無限數據！

至於點解係回贈每月 $96 呢？其實呢個就係香港寬頻開台時推出的限速 4G 計劃月費。各位用緊香港寬頻的用家，又會唔會俾「買斷合約」呢一招吸引到？

今次玩到咁好絕