3HK簽左約, 唔交住址證明會點?

VOF

求先朋友去3HK上台, 佢本來係想加多一條線係佢老公名下. 佢老公不在場.
但係3個STAFF話無問題, 但係上台必須要用自動轉帳先有DISCOUNT. 而我朋友無卡係手, 甘我就借左我張信用卡來用左先. 本來講話剩係第一個月, 之後會轉翻去佢老公名, 甘OKAY. 我就比左身分證同信用卡3HK.
之後佢比左份野叫我填地址同電話, 我果下都未發現有問題.
但後尾, 佢比部IPAD我, 叫我再簽, 我一直都以為係自動轉帳的簽名. 但佢叫我簽左2-3次, 我已經問佢點解要簽甘多個名, 佢話公司程序問題.
到簽第5個, 即最後一個, 簽完, 我睇左下條款先發現有問題. 個PK STAFF, 為左COMMISSION, 將個PLAN開左落我個名到. 我已經即刻話唔得, 但佢話已經簽曬名, 所有野COMPLETE. 無得改........

簽左係我蠢, 無問清楚.
我個問題係, 因為上台係要有住址證明. 而永先上台果下, 佢無問我拿過, 而佢話會寄信比我, 到時我收到信, 拿翻去3HK就得. 甘問題係, 如果我唔拿, 即係無住址證明, 甘會點? 份CONTRACT開唔到?

SSII

問題1 ：
佢老公唔在場，正常係開唔到no.佢佢名下
除非寫張授權書比佢老婆去搞

問題2：
我估個sales應該係想開個no.用老婆名，之後叫佢到時搵埋佢老公落舖轉名，但自動轉賬呢part可能要跟返登記人名，sales就轉左用樓主名去開no.

問題3：
爭住址證明無補既話，一路唔補，就會暫停你服務，但月費，合約照行。


結論：
電訊服務睇清楚，最後解決方法就係你搵日約佢老公出黎一齊去轉名，比返個no.佢

kens4

經一事,蔡一智!!

其實有咩必要急住簽約/續約?! 優惠日日都有, 忍一時,明天叫佢老公陪佢再來就可以了!

sony_vaio

輸經驗
即場已經知道有問題
仲唔即場爆佢？

你而家簽曬名走左
我係你就拎住份單
搵番個staff即場傾番+投訴
佢要拎comission
張單一定有佢員工編號
道理係你個邊就唔使驚
你唔係無理取鬧

但你簽完走左係好蝕章

VOF

我已經打左電話比CS, 一個鐘內........ 我知係我問題, 因為由頭到尾都係我朋友同個STAFF傾, 而佢同我講就係借信用卡比佢, 個STAFF話我朋友唔交錢我可以隨時CUT........... 我完全無諗到個PK開個PLAN落我個名到

Coffeelake

電訊服務睇清楚，最後解決方法就係你搵日約佢老公出黎一齊去轉名，比返個no.佢
SSII 發表於 4/3/2018 21:57

男女男
結果會點?
個Sales 亂up話當咗樓主係女士丈夫又會點?

rexchan64

唔知幫唔幫到
你可以用自己一個手機No.轉落去這份約自用
轉No.第一次免費
傾唔掂唯有硬食

Helevte

3hk sales的態度是快刀斬亂麻
目的只有一個要你快快簽約做水魚
我之前去簽個優惠plan
要求一個月後先開台
佢話唔得 今日簽約3日後就可開
焗住簽左先
後味打上cs先知個sales誤導我
導致本人損失約120元儲值咭儲值額
為報復 本人在開台後第一個月瘋狂下載大量數據以洩心頭之恨

CHK

唔交佢咪CUT左你
睇下係公司冇錢收定係SALES冇糧出

HPHP719

問題1 ：
佢老公唔在場，正常係開唔到no.佢佢名下
除非寫張授權書比佢老婆去搞

問題2：
我估個sales應該係 ...
SSII 發表於 2018-3-4 21:57

  1  授權書其實唔係大家想像中咁大晒 一般台都唔會接受授權書去登記新服務 授權書一般只會接受做售後服務，仲要唔係樣樣得。PS,老老實實，簽個名了隻龜 只要係屋企人的話 要假冒真係好容易，所以商家唔會同客人冒險
  2 一般來講 合約生效左都唔會比轉名 一般要完左約先比轉 因為合約係跟人名。通常話簽左先再轉名都係昆人落搭居多（多數要強烈投訴先得）
  3 一般係如果無補地址證明 會停你服務 但月費合約都會暫停唔會繼續行，但多數都會因為停左服務而當你毀約 收你毀約金，當然 通常只要唔係停得太耐（一般3個月內）你交返月費繼續用就會取消返毀約罰款

結論 唔係自己就無謂上身無謂幫人  因為易請難送 （脷申：係電訊業打滾左好一段時間）