上星期鴨寮街買咗嘉沃一卡兩號中復！

dolphon88

上星期 喺鴨寮街廁所斜對面中年阿嬸嗰度， 買咗張 嘉沃一卡兩號$130。 諗住在香港中國銀行，用嚟申請支付寶微信支付 國內消費用！
直至昨日4月9號換領了回鄉證之後直接開卡， 根據說明步驟影相上傳實名認證 。 手機版面顯示完成！但係一直收不到訊息已通過驗證。 香港嘅電話號碼打唔通. 兩小時後我再重複做多一次說明步驟實名認證！ 同第一次一樣冇收到任何信息，電話卡亦都未能使用。只係收到3 HK 訊號.
最後無計可思就 download咗聯通個apps！ 進入apps裏面見到個人信息原來呢張卡係19年1月9號已經被人實名認證咗！ 大陸嘅號碼顯示已“開通”. 所以我根本 唔可以再次實名登記！ 到現在香港嘅號碼依然未開通！
真係唔明, 今年 一月有人開通呢張卡，中聯通咁快又將 呢個電話號碼 推出市場！！
兩個月前 朋友都係喺呢檔嘢買咗同樣 嘉沃卡之后返大陸成功開咗銀行戶口， 成功微信支付！
諗住朋友試過點知最後都中咗復！

下載 (105.85 KB)

2019-4-9 23:51

下載 (120.41 KB)

2019-4-9 23:53

下載 (124.58 KB)
顯示有50蚊值

2019-4-9 23:55

剋星

證件號碼GJ???
大陸又冇英文字係前面..
香港又唔係...點實名都呢個證件號碼?

lasally

咪仲好，唔駛實名有得當鬼卡用，啱哂用黎偷跳

edwardlee

樓主話你朋友 "成功開到國內銀行戶口同微信支付". 以樓主現在的情況的確都可以做得到 (開國內銀行戶口及微信支付). 只係你而家開的話會有風險因為個號唔係你個名實名.  樓主會唔會試下問你朋友個號碼實名資料以作對比.

我無用過呢張卡所以對呢張卡詳情不太了解.

lasally

個人名係預付費用戶，斷估用到都唔長命。嘉沃有個v7,上去問下。用你個名實名，對嘉沃呢類艇仔公司味仲乾手淨腳，所以佢實同你搞返嘅

wlai888

我覺得香港號照用, 玩完掉Q左佢, 唔好浪費精神去攪, 上開去國內, 先出過張大陸卡穩陣d......起碼係國內門市攪, 即刻試好晒.....用得先鬆人.......

即係國內人, 落到嚟, 多數都係去屈記和萬記買日常用品一樣, 有D保障

7-Eleven

唔好嚇我啊...
我上個禮拜先買咗張 ... 但 未有時間去 開卡 / 開通 ....

Botti

回覆 1# dolphon88

唔使擔心
你還便要上去開銀行戶口
咪去福田聯通客服總台當面做實名
聯通鬆手好多 - 你有細卡在手
基本上一定得 (除非上手卡主做左d野被鎖號)

aok

回覆 1# dolphon88


   見你張卡餘額係50蚊，張卡應該仲未激活，啟用或實名後每月會扣6蚊来電顯示費，Ching有冇試過先打出電話激活張卡再去微信實名，看下會唔會成功。
    另外用户姓名係寫“預付費用户”同証件号號碼”GJ”，有可能係嘉沃開卡時嘅公司資料。

dolphon88

樓主話你朋友 "成功開到國內銀行戶口同微信支付". 以樓主現在的情況的確都可以做得到 (開國內銀行戶口及微 ...
edwardlee 發表於 2019-4-10 09:31

我絕對會擔心 開戶口 之後會承擔風險問題 .始終係他人實名登記.如果不幸出現問題,大陸絕對有理說不清的.
剛才問咗朋友佢check咗 apps入面有佢個真實中文名 同回鄉證號碼！