中國電信4G上網分享

本帖最後由 mdws2002 於 2019-4-23 11:54 編輯

因為一次活動,得知到中國電信有一張抖音卡,月租5元,1元1GB,2元封頂, 而且,可以根據今個月登錄抖音的日數,下個月同樣享受相同日數1元封頂的優惠(即今個月登錄抖音10日,下個月便有10日是1元封頂)。開卡送10元及三個月100分鐘通話時間,透過抖音爽卡微信公眾號首次充值,享受充50元送50元(分五期,每期十元返還,有冇使用限制及期限,暫時唔清楚。)。

亦都因為上大陸小米商場購買無線充電器,送咗一張中國電信米粉卡,同樣都係月租5元,不過1元就只有800MB,自動疊加,40GB後限速,開卡送一個月20GB流量及56元(6元即時到帳,50元未知幾時會送到,流量按自然月計算。)

電3.jpg

電2.jpg
電1.jpg
漫遊預設係關閉,不過可以自己登錄營業廳打開。而且,佢係通話同上網分開計算。理論上,只開通話,唔開上網,係應該唔會出現中國移動或中國聯通嗰類無故有幾個Byte流量而收你一日漫遊數據嘅事情發生。但實際上係點,就要用落去先至知。

米1.jpg
米2.jpg
抖1.jpg
頭兩個係電信米粉卡嘅Speed Test,測試機型為小米8(國行版);最後一個係電信抖音卡嘅Speed Test,測試機型為小米9(國行版)。
理論上,佢哋嘅分別只係個Plan唔同,速度上應該無乜大分別嘅。

抖音卡街鋪會唔會有得賣,我就唔清楚,但營業廳就一定無;可以透過微信搜尋「爽卡助手」免費索取,但必須要持有中國大陸第二代身份證透過App即時登記,卡會直接寄送到你所填之國內地址,收到卡後請根據指示激活;因此,想要得到呢張卡,必須得到國內親朋好友幫忙,待開卡成功後,可以一同前往電信營業廳轉名。

復活節期間,同一時間亦測試咗中國移動(8元日租卡)及中國聯通(0月租如意通卡)嘅上網速度,速度上電信卡較為亮間。
而係廣深港高鐵國內段,移動及聯通都有唔少死位,咁啱返上去嗰程,移動死就聯通正常,聯通死就移動正常;電信卡係全程,雖然都有跌落3G嘅時候,但係好快就上返4G,並未有出現移動或聯通般完全失去訊號。(移動及聯通失去訊號關唔關嗰日落大雨就唔係太清楚啦。)

由於中國電信嘅3G係使用CDMA網絡,所以,如果要係國內通話或收發短訊,就要留意一下你部機係咪全網通機型,否則有機會不能正常收發;至於上網,中國電信主要的FDD頻段為B1,B3及B5,同樣需要留意一下手機是否支援。

係香港漫遊嘅時候,網絡使用3HK,手機則無需支持CDMA,皆可收到短訊。(發出未有測試,不過理論上應該可以。)

本帖最後由 kururu82 於 2019-4-23 19:19 編輯

請問揸住回鄉卡,能否在深圳營業廳購買電信日租卡?

TOP

請問揸住回鄉卡,能否在深圳營業廳購買電信日租卡?
kururu82 發表於 2019-4-23 19:15


中電信營業廳係冇日租卡買,要上網(淘寶,京東等)買
仲有香港唔係太多機支援CDMA,選擇少好多

TOP

請問揸住回鄉卡,能否在深圳營業廳購買電信日租卡?
kururu82 發表於 2019-4-23 19:15

上面已經講咗,營業廳唔會有得賣。

via HKEPC IR Pro 3.5.2 - Android(3.2.0)

TOP

上面已經講咗,營業廳唔會有得賣。

via HKEPC IR Pro 3.5.2 - Android(3.2.0)
mdws2002 發表於 2019-4-23 20:45


請問版主, 如果係買小米無線充電器送個的電訊米粉卡,
係咪可以去某 d 電訊營業廳實名?

TOP

請問版主, 如果係買小米無線充電器送個的電訊米粉卡,
係咪可以去某 d 電訊營業廳實名? ...
PN420 發表於 2019-4-23 21:28


應該唔得。
佢出卡俾你之前,要入姓名同身份證資料。
入完之後就會生成訂單,寄卡俾你。
收到之後根據包裝指示激活張卡。

所以,理論上你點都要搵位國內朋友幫手。

TOP

應該唔得。
佢出卡俾你之前,要入姓名同身份證資料。
入完之後就會生成訂單,寄卡俾你。
收到之後根據包 ...
mdws2002 發表於 2019-4-24 03:36


Thanks! ... but sosad.

TOP

本帖最後由 Botti 於 2019-4-24 14:07 編輯
請問版主, 如果係買小米無線充電器送個的電訊米粉卡,
係咪可以去某 d 電訊營業廳實名? ...
PN420 發表於 2019-4-23 21:28


我問小米客服先發卡後落店補實名 duck 5 duck
佢 9秒9 速度掟我去米粉卡客服
Negative,
重問邊個教我搵佢
兩日後 call back, 同我講咩 公司規舉/國家法例
最後叫我搵個國內親密朋友 - 用佢二代 ID 申請
再問佢 - 收到卡一齊落去實體店轉唔轉到名
答 : 唔肯定  

TOP

我問小米客服先發卡後落店補實名 duck 5 duck
佢 9秒9 速度掟我去米粉卡客服
Negative,
重問邊個教我搵佢 ...
Botti 發表於 2019-4-24 14:05


電信嘅米粉卡得唔得,我都答你唔到,因為呢張卡我無轉到名;
但係電信嘅抖音卡,就應該無問題,因為我已經轉咗名。

TOP

回覆 9# mdws2002

張抖音係隨機派區
定指定歸屬地 ?
申個時有無得揀號

TOP