evantkh

政府花大錢，利益輸送搞個智方便根本無人用，有人搵到個方法要人用，實名認證，起步根本係無用，用左智唔方 ...
藍牙 發表於 2026-9-14 07:38

用身份讀卡機做U-shield，或者用郵局證書，我覺得實際好多。郵局證書用完即拔，條key係offline，不過唔多地方支援。

ProtonMe

用身份讀卡機做U-shield，或者用郵局證書，我覺得實際好多。郵局證書用完即拔，條key係offline，不過唔多 ...
evantkh 發表於 2026-9-14 07:45

「智方便」帳戶與手機綁定，每個帳戶只能同時綁定和登入一部手機. 你保護好部手機同保護好你身份證有什麼分別. 當然你會話手機會比人黑入. 如果你要安全, 甚至可以連電話卡和電郵都唔安裝. 以前喜歡新事物. 申請郵局證書. 但用過兩三年都發覺冇乜大用途. 浪費金錢. 之後就唔用

evantkh

「智方便」帳戶與手機綁定，每個帳戶只能同時綁定和登入一部手機. 你保護好部手機同保護好你身份證有什麼 ...
ProtonMe 發表於 2026-9-14 11:12

其實最大問題係，你比完錢買左部手機（名義上部機是你的但被廠商lock down），跟住唔同地方又要你用app，入面又可以大量收集數據，咁多野有事部機的安全性又容易成為爭議點，你又唔知啲軟件係你部機做緊乜，對潛在問題要證無係非常困難。
身份證IC同實體信用卡係對方比的，實體保安編碼器係對方比的，U-shield係獨立離線的認證密碼設備，在你沒有遺失的情況下，總不能輕易話你條key被hack，因為咁講的話就會自認自己提供的物品有安全問題，而非你沒有做好保安措施。

問題本質：你是客人還是產品？資安專家的所謂“安全”也不能盡信，要分清係對方的due diligence、係對方系統性安全左（即統計數字上的少左整體攻擊數字或損失金額）、還是真係服務緊你的安全，有事的時候個demarcation point清唔清晰。

如果你買部名義上係你自己的機，但因為別人的商業利益或保安要求搞到你綁手綁腳，就是我所謂的科技稅。

實體身份證同信用卡唔同，因為張卡係佢的，唔係我比錢買的，係服務的一部份，張卡係佢的機制，因為政策或交易機制而生。

Roy128A

唔用聯x咪得囉，其他主流既台我用身分證實名冇問題呀

ProtonMe

我覺得e通道其實是攞來煩，手機要解鎖，但其實今時今日直接scan身份證第二道閘都可以照認樣。舊時疫苗通 ...
evantkh 發表於 2026-9-14 06:45

每個人價值觀和生活習慣不同. 沒有絕對邊個好定唔好. 好似女士咁. 多數放身份證係錢包. 再放錢包係大包. 你話攞部手機出來方便定去找身份證方便. 見仁見智.

evantkh

每個人價值觀和生活習慣不同. 沒有絕對邊個好定唔好. 好似女士咁. 多數放身份證係錢包. 再放錢包係大包.  ...
ProtonMe 發表於 2026-9-14 14:52

非觸式個好處係唔需要碰部機，但就要犠牲一些安全性，例如跌爛嘅風險。除非你本身都邊行邊用機，攞身份證還是解鎖開app都係要幾個step。其實最簡單係機場咁直接刷臉唔需要攞證件或手機出來。
不過，如果問我嘅話，一般來說token設備100%係佢嘅或無token一般都還好，否則就係“科技稅”。

Kin_2012

x通真係好麻煩，實名張卡還要搞智方便
小弟咁多年都冇用過智方便
samsamhk 發表於 2026-9-8 09:37

    唔方便的真正目的大家都知，就好似電話實名咁。

當然會越來越多野令你安。

dulik

我就最不接受, 提取MPF, 點解要我登記智方便?  我夠年齡就應該可取回, 無理由夾硬要我用智方便

ProtonMe

唔方便的真正目的大家都知，就好似電話實名咁。

當然會越來越多野令你安。 ...
Kin_2012 發表於 2026-9-15 16:00

如果政府限制電訊商只能用智方便做實名登記. 我想不到仲可以點逃過追查. 做咗實名登記. 當然不可以阻你犯法.

evantkh

我就最不接受, 提取MPF, 點解要我登記智方便?  我夠年齡就應該可取回, 無理由夾硬要我用智方便 ...
dulik 發表於 2026-9-18 07:15

我覺得市場係有哩個趨勢，消費者用戶係會越來越失去自身數字主權，你部機只係管緊你嘅社會准入裝置，某程度上係政府、銀行、科技公司加埋嘅結果：
1. 科技公司消費者產品嘅智能（幫你做決定）和封閉生態的利潤和“安全”
2. 銀行用你手機做數碼key，停發實體保安編碼器。
3. 政府推你向app生態（例如信用卡驗證要用app、智方便）

結果，想自己有權限控制嘅技術用戶慢慢被系統邊緣化。一係你係不懂技術的人的標準用法同flow時不時種種問題，買機實際只買了使用權，軟件成日更新，做乜又唔到你控制；一係就非常昂貴嘅企業產品但可以比你手動落指令就exactly嗰個樣或者人手服務。

想部手機好似server OS咁任你set乜裝乜佢就行乜，冇話法律唔比你咁嘅，但係科技生態會當你係“唔安全”嘅高風險用戶。以前用實體token年代部野係佢嘅，你部機係乜唔太重要，現在手機token連你裝左乜app都要管。結果，你想用server級系統，佢又冇你日常嘅支付能力。結果，全部責任外包，最後你比緊科技稅，仲要未計手機生命週期非常短同埋出事時嘅責任認定。如果當年微軟出手機OS可以直接行desktop Windows軟件+完整Administrator權限，應該會吸引到一定user base去約束數碼key責任外包問題。

我覺得科技極權係遲早嘅事。