user123400

回覆 460# peter_chan

M公司懶。
M公司其實想4大台逐個站課金俾錢安裝

via HKEPC IR 5.1.14 - iOS(5.1.1F)

peter_chan

回覆  peter_chan

M公司懶。
M公司其實想4大台逐個站課金俾錢安裝

via HKEPC IR 5.1.14 - iOS(5.1.1F) ...
user123400 發表於 2026-2-8 16:58

    應該係一半半。

前KCR 的地方﹐MTR 就真係唔知背後有什麼複雜野﹐令到MTR 及KCR 都好似唔想攪。
所以﹐KCR的屬地﹐一直都無做upgrade。

至於MTR的屬地﹐真係唔知佢想點。
真係可以做到連續幾個車站﹐一個站有做/將會做upgrade﹐一個站就唔做upgrade。

唯二解釋﹐就只有 :
1. 車站大堂月台改由電訊商自己重鋪天線及發射站﹐站前站後的隧道由前後車站cover埋。
2. 天線及機站有機會短期內有新技術﹐想分散投資﹐在第2期工程或會用新野﹐斷開未做的車站就會用新野去做upgrade。



講真﹐電訊商一定要租MTR套系統﹐才可以提供服務。
MTR 攪upgrade﹐其實都係幾間電訊站齊齊夾錢。

寄望佢而家做完5G Upgrade的第一期﹐之後會出第2期..... 直到把所有車站及隧道都做晒upgrade。

licson

回覆 462# peter_chan

而家個覆蓋邏輯我觀察到係如果 A 站有升級 5G 黃金頻譜嘅話，咁由 A 站 去下一站 B 站嘅隧道段都係由 A 站設備負責，直到車廂埋定 B 站月台手機先會跳去 B 站嘅室內天線訊號。

via HKEPC IR 5.1.14 - Android(5.1.2F)

Linksys999

應該係一半半。

前KCR 的地方﹐MTR 就真係唔知背後有什麼複雜野﹐令到MTR 及KCR 都好似唔想攪。
所 ...
peter_chan 發表於 2026-2-8 17:53

MTR「invite tender」嗰啲係MTR比錢起，網絡商想用就要比入線費+每月租金/使用費。
CMHK自家用嗰啲就真係網絡商比埋錢起，再加入線費+每月租金/使用費。

peter_chan

回覆  peter_chan

而家個覆蓋邏輯我觀察到係如果 A 站有升級 5G 黃金頻譜嘅話，咁由 A 站 去下一站 B 站 ...
licson 發表於 2026-2-8 20:26

    我就無真係慢慢去做測試﹐只係平時使用的感覺去講。

我每天上班都會用荃灣線﹐由荔景去太子這一段。
最初太子做完升級﹐深水埗開車無耐就已經上網突然順暢。

之後再開多個站﹐這個體會又引證到。

變相深水埗就可能真係唔大攪﹐暫時用這個方法﹐提升網絡表現﹐加快擴張已升級的範圍。
去到最後﹐才做番這些 "二等" 車站的升級。

Thomascyk

我係悲觀形﹐斷估都係同金鐘一樣﹐只係前地鐵區域才有得升級﹐即係連2邊車站中間條通道都無份。


...
peter_chan 發表於 2026-2-8 16:52

其實之前鰂魚涌站和油塘站打通後，東隧果段都未打通。
唔知而家係咪都係咁

PN420

我係悲觀形﹐斷估都係同金鐘一樣﹐只係前地鐵區域才有得升級﹐即係連2邊車站中間條通道都無份。 ...
peter_chan 發表於 2026-2-8 16:52

我反而少少無咁悲觀，因為西鐵南昌至八鄉車廠隧道出口呢段早喺2004年通車既路段，都仲可以升級至2300/2600，其餘前KCR地區斷估都仲有得傾。

當然，你都可以話，如果有得傾一早就傾左啦，所以我都唔知呢兩間公司喺度搞緊咩野。

user123400

回覆 460# peter_chan

+1 我都同意
我100%悲觀
M記只是地產公司

via HKEPC IR 5.1.14 - iOS(5.1.1F)

PN420

回覆 462# peter_chan

> 1. 車站大堂月台改由電訊商自己重鋪天線及發射站﹐站前站後的隧道由前後車站cover埋。

如果改由4家電訊商各自鋪設，天線數目就可能會變左4倍，連埋coaxial走線+splitter，成個天花就會密密麻麻咁，恐怕呢個未必係MTR想見到既現象。

> 2. 天線及機站有機會短期內有新技術﹐想分散投資﹐在第2期工程或會用新野﹐斷開未做的車站就會用新野去做upgrade。

我諗緊將來會唔會係以MORAN這技術起一套基站連天線系統出黎，然後share比4家用...

>  寄望佢而家做完5G Upgrade的第一期﹐之後會出第2期..... 直到把所有車站及隧道都做晒upgrade。

一定要有第2期或以上，因為未有黃金頻譜既站如炮台山、佐敦、旺角、深水埗等，其實容量已經出現飽和，再過一兩年當數據用量持續增長，呢D站將更不勝負荷.

peter_chan

我反而少少無咁悲觀，因為西鐵南昌至八鄉車廠隧道出口呢段早喺2004年通車既路段，都仲可以升級至2300/260 ...
PN420 發表於 2026-2-9 18:02

    按前文的討論推測﹐兩鐵合併之前的KCR 路段﹐由KCR 管理﹐有可能成套野都唔係KCR資產(屬電訊商資產)。

4G年代﹐估計係電訊商合作做主導﹐為西鐵線做天線升級(2300/2600Mhz)。
KCR 不用付責升級費用﹐只係提供工程協助。

東鐵線隧道短(除上水<>落馬洲)﹐所以當年電訊商在成本效益考慮下﹐唔去處理升級。
我估直到現在﹐電訊商們都係成本效益問題﹐而唔去處理東鐵隧道的upgrade。



但西鐵廷線(南昌<>紅磡)﹐係兩鐵合併之後的路段﹐連同近年的屯馬線(紅磡<>顯徑)﹑東鐵過海段的情況相同﹐天線系統收歸MTR管理﹐套野屬KCR的資產﹐成件事的即刻「卡死」。

就係KCR 唔多理(因為兩鐵合併合約關係﹐交晒給MTR處理)﹐MTR又唔想煩(唔想處理大量文書等工作﹐叫KCR批錢做野)。
結果就係大家都唔去面對問題﹐只要套野仲用得﹐仲有做維修配套去維持運作﹐就唔會去處理upgrade。



按照以上推論﹐原西鐵線(南昌<>錦上路)及東鐵線(紅磡以北)仲有機會做upgrade的﹐只係電訊商肯唔肯齊齊夾錢﹐搵KCR/MTR夾工程時間去處理。
我從網上資訊得知﹐3台好似話已經處理荃灣西<>錦上路的一段隧道upgrade﹐已經有5G 黃金頻譜。
唔知會唔會進一步擴展去其他路段﹐同埋其他台有無因此同樣受惠。
ref: link



**********************************

補充前面的問題﹐美孚站的upgrade問題。

我都係會用悲觀去形容﹐upgrade會像金鐘的情況一樣﹐就係 "西鐵" 的區域係唔會做upgrade。

我新增的補充﹐就係可幸的就係轉線通道及西鐵車站大堂﹐都係地面的﹐係有機會靠外面射訊號入站內。
但月台就相信幾難收到外間訊號﹐所以唔會有改變。