3 台送壞平板做轉台贈品，能否追究？

microming

小弟最近六月攜號轉台，見3台有優惠，$108 5gb 21Mbps，免隧道費仲送個Alcatel Tablet PIXI 4 7" WiFi，所以決定同佢哋簽約，點知個tablet收番來，我就發現個平板個音量制冇反應，起初我whatsapp個sales叫佢換個部俾我，佢拒絕，叫我去維修中心整。

小弟去TSO客戶服務中心整機，同一日已經有職員打番俾我，話部機免費保養唔包，叫我可以俾四百幾蚊整番好佢，我話有冇搞錯，部機新攞番來就壞咗，一年保養期又未過，有乜理由要我無端端俾錢整機。個職員講講下又話係人為損壞，所以保養唔包，我話部機既唔係爆芒，又唔係濕水，何來人為損壞？最後佢竟然話部tablet係番修貨，番修貨佢哋係唔保養既云云，我就話當日TSO客戶服務中心啲師傅自己check過部機都係今年四月先出廠，何來番修？佢又叫我搵番3台傾。

好喇，我就呢件同3台傾，3台先後搵過我兩次，第一次話佢哋送出啲貨係原廠貨，又話只能相信TSO客戶服務中心的「專業判斷」，我當然唔滿意。第二次打嚟又要我去TSO客戶服務中心攞個report，證明部tablet係「番修貨」，咁我問佢如果我俾咗個report，3台係唔係會換機，佢又話到時再算.......

宜家小弟攞部tablet番嚟，第一日就發現係壞，3台唔肯換，TSO客戶服務中心又搵藉口唔整，我可以點做？是否只能怪自己貪小便宜，只可硬食？

=================================================================
各位，今日3台搵我，佢哋提出和解方案，話既然TSO客戶中心要收番四百幾蚊維修費，3台願意和我共同承擔維修開支，佢叫我暫時墊支維修費，3台日後會發還一半費用。
            
3台話，根據公司政策，好難單憑客戶一面之詞就換機，除非有維修中心support，但宜家維修中心認為係人為損壞，3台只能相信TSO客戶服務中心既意見。我話間嘢根本冇理據証明係人為損壞，佢亂up都得，宜家部機有個掣壞咗，一個普通人都識分，唔需要一個專業電子工程師做專業判斷，如有需要，小弟可以隨時攞部機俾佢睇。3台之後話想小弟俾TSO客戶服務中心當時搵我個直線號碼，好等佢直接了解事件。

大家認為小弟應否去馬？

sena123

那價錢不算送,是包了在月費,一定要死追

microming

那價錢不算送,是包了在月費,一定要死追
sena123 發表於 2017-6-19 22:23

但兩邊都喺度賴皮

martinnitram

但兩邊都喺度賴皮
microming 發表於 2017-6-19 22:24

消委會/報紙吧? 同意樓上 Ching 咁講, 好聽就係送, 實際係月費包埋
什麼零機價總唔係送部機比你咁好.

btw, 樓主張約有無話個 tablet 點保法?

microming

消委會/報紙吧? 同意樓上 Ching 咁講, 好聽就係送, 實際係月費包埋
什麼零機價總唔係送部機比你咁好.

btw ...
martinnitram 發表於 2017-6-19 22:53

跟機有張保養咭，話「機身享有十二個月保養」

鴨仔

3咁無恥既

wwxx01

唔系咁老實。

via HKEPC Reader for Android

貧果

好簡單, 投訴去消委會, 詳細說明整個事情的經過, 包括有份接觸過的職員名稱, 時間. 佢地點講, 你就如實填寫.

就一定要說明佢送出的機係一打開係壞, 貨不對辦, 佳因連維修保養也沒有, 存心欺騙顧客簽約上台, 記得要睇合約內的增品的保修條款, 有保修就一定有的做.

記得, 要填表的銀碼就係全數簽約的總數.

kanzone

回覆 8# 貧果

其實消委會乜都幫唔到手

w0er1

http://www.three.com.hk/website/ ... 753703&lang=chi