本帖最後由 hk133 於 2019-3-5 01:52 編輯
測試開始update，轆落去1#後半部分睇啦。
買咗咁多電池同埋新充電器，又係時候回下血……大家得閒去交易區睇下，有心就支持下啦……
—————
BPI AAA充電池：
16.5人仔四粒，幾抵玩
（圖床有啲問題，都係upload壓縮圖片啦......）
————
BYD（比亞迪） AAA充電池：
48人仔有10粒，對比BPI都算抵玩。
買佢主要係因為見到大陸嗰邊都幾多好評，而且話曬係大公司，應該足料。
紙皮盒包裝，睇落比較環保？
QC PASS嘅印章睇落應該係人手蓋印。
2018年7月生產，唔算新鮮。
打開之後，裡面嘅電池仲有塑封包裝。
電池外皮設計有啲似panasonic evolta充電池......
但panansonic係佢地嘅合作夥伴，冇理由照抄？
而且咁啱佢同evolta一樣，都係800mAh......開始懷疑evolta會唔會係BYD貼牌......
電池正負極特寫。
對比BPI，BYD嘅電池外皮印刷冇咁清晰......
————
容量測試就當然唔係只測試佢一個啦，
今次測試嘅電池包括：
BPI AAA充電池，標示容量900mAh
IKEA LADDA AAA充電池（MIC），標示容量500mAh
LITELONG力特朗 AAA充電池，標示容量900mAh
Doublepow倍量 AAA充電池，標示容量900mAh
測試工具：一把小USB風扇以及一個用AA電嘅emergency charger（加啲嘢令佢放得入AAA電）將電量耗盡。佢地冇咩特別，只係風扇低於0.5V電壓都識得轉，charger低於0.5V電壓都繼續output咁囉…… 充電嗰時用soshine嘅充電器測量充入電量。
測試工具全家福：
（由於測試結果似乎唔準確，為免誤導他人，決定刪除，遲啲用專門測電池電量嘅工具再測過）
update：買咗nitecore um2，諗住有得測內阻，點知一直都見佢冇show內阻資料出嚟，搵咗好耐網上資料先發現um2係冇測量內阻功能 遲啲放二手……
****************************************
買咗XTAR ET1同埋NITECORE UM4，終於可以開始測試。
ET1用嚟測試電池實際容量，
（ET1測量方式：先充滿電，再用低電流放電，再充滿電，最後顯示結果）
UM4用嚟測試電池內阻。
（UM4係放入電池後即刻顯示測試結果，電池擺放方式會影響測量數值，因此內阻數值並不準確，僅供比較各電池內阻差異）
今次測試嘅電池：
組別A（最平）：
LITELONG力特朗 AAA充電池，標示容量900mAh
Doublepow倍量 AAA充電池，標示容量900mAh
組別B（香港買到）：
IKEA LADDA AAA充電池（MIC），標示容量500mAh
GP recyko+ AAA充電池，標示容量650mAh【新增】
組別C（大陸名牌，出名足料）：
BPI AAA充電池，標示容量900mAh
BYD AAA充電池，標示容量800mAh【新增】
測試之前講明先，Ni-MH電池同鋰電池（即係手機電池）唔同，
Ni-MH充電池有“最佳狀態”，呢個係鋰電池冇嘅。
具體係點？即係當充電循環次數達到100-200次嗰時，
電池嘅容量可能會由1000mAh提升到1100mAh。
所以見到電池實際容量小於標示容量都唔使驚，
咁可能只係廠商選擇咗標示電池嘅理論最大容量，並非報大數。
（不過其實通常都係報標準容量，好似eneloop咁 但報最大容量都唔算係虛報，話曬都係事實）
不過“最佳狀態”唔會令300mAh嘅電池變成有900mAh容量。（特指某兩個品牌）
-------------------------------
首先睇下組別A，
第一個比賽項目係實際容量測試，
doublepow同埋LITELONG都係出咗名容量報大數，到底實際係點？
最早泄......最早完成測試嘅係doublepow（CH1嗰粒），容量得242mAh。
LITELONG（CH2嗰粒）好過doublepow少少，不過都係垃圾，容量只有268mAh。
內阻測試，數值我諗應該係唔準確，實際應該冇咁大內阻，大家用嚟比較下不同電池嘅表現就算啦。
兩粒doublepow電池（slot 1&3）嘅內阻數值分別係222同埋209。
兩粒LITELONG電池（slot 2&4）嘅內阻數值分別係151同埋199。
組別A兩個測試嘅結果都係LITELONG更佳，
LITELONG成為組別A冠軍！ （雖然只係相對冇咁廢......）
-------------------------------------
組別B：
第一個比賽項目係實際容量測試，
IKEA LADDA（MIC）最先完成測試，實際容量係571mAh，表現幾好。
GP Recyko+實際容量係705mAh，一樣係大於標示容量。
然後又係電池內阻測試，都係嗰句，內阻測試嘅結果唔準確，只係for compare to others。
GP Recyko+（slot 1&2）嘅內阻數值分別係190及146。
IKEA LADDA（MIC）（slot 3&4）嘅內阻數值分別係184同167。
兩個都勢均力敵！
-------------------------------------
組別C：
國內兩大口碑最好嘅Ni-MH電池品牌，到底結果會係點？
BPI實際容量係835mAh，睇嚟係標示理論最大容量，所以實際容量略小於標示容量。
BYD實際容量係760mAh，應該都係標示理論最大容量，不過測試結果比較接近標示容量。
又再係電池內阻測試，又係嗰句，內阻測試嘅結果唔準確，只係for compare to others。
BPI（slot 1&3）嘅內阻數值分別係102以及120。
BYD（slot 2&4）嘅內阻數值分別係153同埋123。
為咗確認多次，BPI同BYD會再進行一次容量測試。
目前睇嚟BPI表現更好，內阻表現比BYD好啲。
-------------------------------------
統計：
（電池 / 標示容量 / 實際容量 / 容量百分比 / 內阻數值）
LITELONG力特朗 / 900mAh / 268mAh / 29.8% / 151,199
Doublepow倍量 / 900mAh / 242mAh / 26.9% / 209,222
IKEA LADDA / 500mAh / 571mAh / 114.2% / 167,184
GP recyko+ / 650mAh / 705mAh / 108.5% / 146,190
BPI倍特力 / 900mAh / 835mAh / 92.8% / 102,120
BYD比亞迪 / 800mAh / 760mAh / 95% / 123,153
容量最大：BPI倍特力（835mAh）
實際容量大於標示容量最多：IKEA LADDA（+71mAh，+14.2%）
實際容量表現最差&虛報容量最嚴重：Doublepow倍量（242mAh，26.9%）
內阻最低：BPI倍特力（最低102，最高120）
——————————
俾BPI、BYD、doublepow同埋LITELONG多一個機會，測多一次容量，佢地會唔會成功翻身？
BYD另一粒電池測到容量係788mAh，更加貼近標示容量，成功翻身。
BPI另一粒電池測到容量係821mAh，容量仲細咗，翻身失敗。
LITELONG另一粒電池測到容量係298mAh，比之前測試嗰粒多30mAh，不過依然係嚴重報大數，翻身失敗。
doublepow另一粒電池測到容量係256mAh，比之前嗰粒凈係多14mAh，繼續做倒數第一，翻身失敗。
反正都係試，咁就順便試埋以前買落嘅MINISO充電池啦。
一次過測試佢地嘅AA（5號）同埋AAA（7號）電池，睇下容量有冇報大數。
首先係標示容量為600mAh嘅MINISO AAA充電池，
測試容量結果係670mAh，冇報大數，仲報細咗添。
跟住係標示容量為1600mAh嘅MINISO AA充電池，
測試容量結果係1311mAh 一粒足料一粒唔足料，似乎有啲古怪？
去到呢度，測試就結束啦，多謝大家觀看。
日後有機會嘅話，我可能會測一下我手頭上嘅18650鋰電池。
**聲明：以上測試結果僅供參考，測試儀器或有誤差。** |
簡體版
訂閱頻道
訂閱電子報
發表於 2019-2-26 23:29
| 
充電嗰時用soshine嘅充電器測量充入電量。
但報最大容量都唔算係虛報，話曬都係事實）
（雖然只係相對冇咁廢......）
發表於 2019-2-27 00:33
| 
