[教學] 2014年香港睇日本電視/台灣電視/中國電視既 IPTV box 掃盲貼

postmastur

---------------- 唔該如果你係sales 或經銷商, 我唔介意你參與討論, 不過唔該唔好係本貼叫人PM 你賣貨.  我會立即舉報. ----------

係你開始睇呢個post 之前, 呢個post 係講關於  IPTV box 要黎睇直播國外電視.  如果你想睇電影或者煲劇, 你要既係Android TVBox, 唔係呢個post 講既IPTV Box.  好多高階IPTV box 只得1個功能, 就係睇外國直播電視台. 係做唔到其他任何功能.  


你如果想知邊部機係睇電視節目唔窒, 睇體育台唔窒既話, 請你睇晒成篇野.  懶得睇既話, 最快既答案係無年費個d 盒係完全唔會有機會係直播個陣唔窒.  你唔睇佢個d 時間就會順.   呢個問題同部盒既硬件無關, 而係個電視源免費, 13億人都用, 唔窒就有鬼.    唔好諗住有投機心態, 或者你買會無事.  呢度10個買完無年費個d 人, 11個人全部都上番黎問點樣唔窒.  你唔信既feel free 去做第12個人.   睇波既話我建議你睇左呢個post 先.  係免費睇黎講叫相對穩定, 不過要自己搵source 囉.  唔係一開就有.

我見呢度好多個post 都係分開唔同post 講唔同既IPTV box 黎講, 但係無一個綜合既post 講下d IPTV box 究竟有咩分別俾d 未買又想買IPTV 既人.  所以我開個post 講下香港人常用既幾款電視IPTV box.  不過講明先, 我唔係Sales , 唔好PM我問邊度有得買, 你上淘寶搵間好評多既買, 係香港買係無數.  因為好多部都會價錢歧視香港賣出既機. 亦唔好問邊部好d, 因為現實既世界係你要好既就一定貴, 你要平既就一定差d.  要最好既就當然Subscribe NowTV同CableTV 所有台.  你自己衡量你覺得俾幾多叫合理.  所以我一開波就我利申左我用麥格先.  不過唔代表你要買呢部.

首先, 外邊係有好多款聲稱叫做IPTV box 既電視盒, 由幾舊水一部無年費, 到2千幾銀一部要幾百蚊年費都有.  呢個世界當然無免費午餐.  唔洗年費又幾舊水既Android tv box, 好多台都係用一d 坊間Internet 搵既直播源, 呢d 電視直播源好多都係興趣者自己share 出黎, 當然睇呢d 台唔會穩定, 時有時無, 晚上peak time 7pm - 11pm 就例牌lag 到睇唔到.  d 源玩得1個月無左就自己上網再搵啦.  不過大路既大陸台同台灣台都實會有既.  睇得幾耐, lag 唔 lag 就自己跟.  咁免費野, 係咁上下.  而最大既好處, 就係免費.

中間價錢既, 最近有d Android 既app, 好似百幾銀人仔到3舊幾人仔一年.  你有普通既Android TV Box(好似小米) 又或者Android 手機, 裝到個app , 俾左年費就睇到.  仲好似有d係有月費黎計, 一個月一個月俾錢.  一個月都係10靚蚊到幾十蚊人仔不等.  百幾個台有大陸有台灣有香港, 因為有人專門維護, 唔係免費野, 當然穩定過免費既好多.   老實講, 呢d中價貨好似Cloud TV, 全球看IPTV, 清新視界IPTV, X直播 呢d android app (自己google 個名搵d website ), 你要求唔高既話, 係可以用既.    當然, peak time 7pm - 11pm 睇下停下, HD台會窒, 就在所難免.  咁一分錢一分貨.  你頂得住佢耐不耐窒油既話, 平平地係ok 玩得過. 好多都有1 day pass 俾你試下得唔得.  好處係平平地都叫用得到, 亦唔洗用好多錢專登買部機番黎, 你有android 盒就裝得, 入門門檻低.  壞處當然係畫面唔會好清, 久不久會窒, peak time  7pm - 11pm 睇個陣係會有lag 既情況.  並唔係十分嚴重, 但係你要預左係peak time 睇會耐唔耐會窒.   某d ISP 可能會lag 得比較嚴重.
Update Jan 21, 2014 - 跟據下面用家所講, X直播係普通低清畫面不過就好順.  而全球看IPTV, 就好高清, 不過每10秒就會lag 一 lag.   
Update May 20,2014 - 亦可以睇下Worldcat 大大既IPTV app 講解

高檔既當然係過千既IPTV 電視盒, 仲要俾年費.  呢d 無論邊個牌子, 都差唔多係99% 穩定收視.  無論peak time 7pm - 11pm 睇又好, 睇HD 台又好, 全部係唔會窒.  Experience 係差唔多等同你睇緊Now TV 同 Cable TV 一樣.  呢d 機一部最少都1200人仔 (除左1部特別平之外), 最貴既去到差唔多2000人仔, 年費由4舊人仔到5舊人仔不等.    如果你覺得幾舊水人仔一年都嫌貴既話, 相信你亦唔需要睇呢個post, 因為外邊無又平又靚既野. 你可以死左條心.  呢d 高檔野好處當然係真係高清, 好多都有接近720P水平 , peak time 睇唔會lag, 大部份ISP 用係無問題, 一年裡面99%以上穩定收視.  壞處當然係錢.  入門門檻係講緊成1600蚊人仔, 即係成2k 港紙.

好多人都會問, 喂, 大陸野會唔會執架? 執左我俾左成年既錢咪蝕晒?  咁當然係有個風險.  不過下面我所講既IPTV box , 都運行左多過2年以上, 而最重要係下面幾隻, 係好多人用緊, 亦唔會包含色情台, 係叫做穩陣唔會俾人"抄家"既選擇.
而大部份呢d 高檔野, 都係會過濾IP, 有d台 同當地電視台有利益沖突既話, 你係香港係睇唔到.  好似NowTV 你係香港用呢d IPTV box 係睇唔到.  你係大陸就睇到. 你係台灣用呢d IPTV box, 亦唔會睇到台灣既台. 點解要咁做哩?  就係為左長做長有, 你唔同當地d 電視台有利益沖突既話, 人地亦唔會告呢d IPTV 公司, 咁自然就長命.  亦因為呢d 高檔IPTV box 有咁樣既營運方式, 所以接埋既機會係好低.

亦會有人問, 喂, 成2K 野買個盒, 仲要成500-700港紙年費,  我睇NowTV 都係咁上下咋喎, 唔計睇波既話.  你0岩. 頭一年係貴, 不過呢d IPTV box , 除左大路既Discovery channel, 國家地理台, disney, 電影台有之外, 係俾你睇到大陸台灣日本韓國好多當地local直播電視台, 呢d NowTV 係做唔到.  係你keep 住用既話, 條數就抵囉, given 你係鍾意睇其他國家既local 直播電視台.  如果你只係想睇下Discovery, National Geographics, Disney 個d, 老實講你join CableTV 好過.

最後, 睇波既話, 如果你諗住用呢d IPTV 盒做代替品既話, 其實係無數.  你2k 野買個盒番黎, 都係睇外國波台為主, 肯定唔會係廣東話架啦.  咁當然, 係平過你睇NowTV, 不過就無廣東話囉.  如果你對睇直播其他國家既電視係零興趣, 只係想搵個代替品睇波既話, 咁你自己要衡量下啦.  我個人覺得唔抵.  你如果除左睇波, 仲會睇埋其他電視台既話, 咁就make sense 好多.
Update Jan 18.2014.  跟據下面d post 既用家矯正, 廣東體育台同澳視體育都有得睇廣東話既.  唔係NowTV 咁解者.

咁就開始續個講下每個唔同品牌.  有用家既都可以係個post 講下實制用後感受.

Dnet HD3 - 香港都好多人用, 因為係高檔IPTV box 黎講, 價錢叫低中價.  大概1200蚊人仔, 年費300人仔.  中國台灣香港台大包圍, 睇波有外國台亦有廣東體育台.   低價得黎又高質.  屬於Android 專用機, 唔可以用其他品牌既Android 機.  係台數唔夠多者.  有個同佢好似樣叫TVBox HD3既IPTV, 唔係原裝野黎.  官方野係呢度.   無寫住Dnet 呢幾個字既話, 99%係山寨.  呢個係節目表.  
Update Feb 9, 2014 - 有用家report 過 和記, HKBN都無問題.
Update Mar 7, 2014 - 真正用家係另一個post 既意見係"穩定, 台少, 大陸台差不多無(台灣台為主), 畫質屬於普清, 大部份台都係 720p 非高清台, 24小時穩定收視)


泛亞 9300HD IPTV - 應該係9200HD 既後繼版.  睇下面d post 講, 呢個品牌運行左8年.  即係屬於超低風險既品牌.  係高檔IPTV box 黎講, 價錢叫中價.    大概1700蚊人仔, 年費400人仔.  台係多過Dnet 既.  中港台美乜都有.  真實用家有講過穩定性高.  屬於Android 專用機, 唔可以用其他品牌既Android 機. 呢個係節目表.   


iHome IP900 - 呢部野係專睇日本電視直播台.  關東關西地上波, CS, BS 台都有.  不過靜係得日本台, 係無其他國家既台.  部機就1700人仔, 年費過千人仔一年.  部野穩定到爆, 雖然唔係高清720p, 不過都好清好清.  台灣好多人用.  日本人出差既都好多有用呢部野.  呢個品牌運行左4年以上, 睇日本電視係零風險.  唔係行Android.   呢個post 有個好詳盡既用家開箱文.  呢個係節目表.   


麥格 HD2 IPTV - 史上最貴IPTV.  2000人仔一部, 5舊人仔一年年費.  咁賣得咁貴自然有個原因, 係因為佢有300幾個台, 中國台灣日本韓國外國全包圍.  亦係唯一一部有咁多個國家直播台既IPTV.  穩定性高, 24小時 HKBN或PCCW 都係零lag. 韓國台全部720P, 日本BS, CS 台接近720P, 地上波得關東地區.  睇波既話得外國台同廣東體育台.  唔係行Android.  缺點係入門門檻高.  另外係, 香港買機既話要俾香港版續費, 一定要係香港續, $800 港幣.  淘寶買就499人仔續費, 可以官網續.  香港買既好處係機價好似平過淘寶買, 不過續費貴.. 淘寶買機就機價貴d, 但係續費就平d.   2014年4月中到會出新版本HD2S.  新版本同價錢, 轉台快左, 介面user friendly d.
Update May 22,2014節目表, 含所有日本韓國台


Sunray新蕾 IPTV - 後起新秀, 一部600到1000人仔, 因為可以用係任何android 機, 所以有得俾你揀唔同硬件既電視盒, 亦所以點解個價錢由600到1000不等.  最新消息係話香港地區續費要480蚊人仔.  我見d 台既數量同Dnet 差唔多.  好處係入門門檻最低, 畫質亦唔錯.  係續費貴d.  
Update Feb 22, 2014, 節目表update
Update Mar 7, 2014, 香港版d 台係香港代理加上去, 未來仲有無係未知之數.  詳見呢度
Update Mar 8 ,2014 - 有用家講話最近好lag 下.  我估計因為價錢吸引, 個個貪佢低買就買黎玩, 太多人server頂唔住咁多用戶 .........



粵海IPTV - 越記已經有得獨立買apk，淘寶就揾到. 另外已經冇ip限制，不過個apk有兼容問題，唔係部部可以正常播放
節目表 .  

光世代日本IPTV
只有日本台.  有麥格冇既東映同關西台,加埋有五十幾個台, 畫質較麥格差，有回播,不過唔係全部台有回播，三十幾個有
淘寶有得買，打"光世代"就揾到,一般都係1700人仔，包專機+首年年費. 續年費1000人仔.  原用家係呢度


每部都有佢既好與壞, 咁你就睇送食飯, 揀你想要個部.  無話邊部最好.  因為最好一定係裝隻穫睇衛星......


Note: 關於睇非香港本地台有否犯法既問題, 詳細睇報紙點講.  懶得去睇就話你聽, 係合法既.  http://hk.apple.nextmedia.com/entertainment/art/20060615/6026943

只要轉播並非有線或NowTV 既野俾香港地區既人, 無論轉播者,或者係睇個個, 本地電視台都無權追究.

http://hk.apple.nextmedia.com/en ... st/20060615/6026939

kenho999

分析非常詳細…謝謝分享!!

xibeilou

介紹得好好，宜家開始玩下IPTV就發覺，低中價機受ISP影響太大，HKBN用家好傷心

worldcat

泛亞出左apk 版、
屋企人用開雲、原本諗住到期轉新雷、點知cut左廣體。等左個幾月宜家話人仔460, 所以可能轉泛亞算數。

dnet真係經濟之選、如果本身無an box, 其實唔係貴好多。

記住麥格 dnet係tb買好多間都有優惠價。
見到什麼大利是、優惠價、返現等等就大防問下實價。7~9折週時有。

ronahalo

我睇做幾個月38度，抵玩到喊啦2舊水睇1年，不過台雖多，但部分睇唔到的。
sunray 試過，接收好過38度，畫面流暢度都接受速度都好D。

QoQ

出自玩家嘅報告，果然夠哂份量！

村上麗奈

分析非常詳細

謝謝分享!!

Hidekii

有樣唔同意既係睇波都可以聽廣東話
廣東體育台同澳視體育

SEED

麥格係唔係一定要用佢啲機

dicklui

轉貼一篇大陸論壇的文章, 部分觀點相近, 也很值得參考:



2013年，百花齊放的各種直播網路收費的也混雜在這個市場。有人搗亂盜鏈許多節目源開始在市場胡說八道的開始收費。對於許多初燒上當的不少。對於玩 IPTV盒子，安卓的對市場都比較敏銳。我是快20年的玩衛星電視的老鬼一個。大大小小的鍋蓋也曾經沉迷在其中。只從網路IPTV的出現。我就慢慢的瞭解 著這個市場，嘗試著慢慢的改變，衛星電視的確讓人寒心。天空中慢慢的都轉變著專業的機器邁向高清時代。對於我這種只顧轉臺不看節目的人來說。愛好也是一種 樂趣。加上許多有牌的服務直播商，編織著美麗的謊言一次一次騙的我寒心。食之無味了！
。現在談談我所瞭解的市場安卓盒子運營的第三方直播軟體APK

  1.泛亞寬頻：擁有自己的伺服器，在這個行業中比較老的服務商。你別問我有牌嗎？這些可是地下組織，試問除了電信強大的伺服器後臺，誰與爭鋒？泛亞到 現在也有8個年頭了，我從他78OOHD開始測試到現在正式推出APK。一直是燒友們吐槽的對象。一個被5W個盜鏈客戶綁架的服務商，掙扎到現在。呵呵， 我不得不說，泛亞就如女人一樣。一個月總有那麼幾天月經期。呵呵！不過，畫質和節目還整體不錯。加上目前也加入了EPG，反正一直在折騰著和盜鏈作鬥爭！ 希望泛亞會好起來。是一個不錯老牌直播。

2.不得不說的是麥格：準確說創視是他們推出市場第一步。麥格的前身是飆風網路電視，後臺算在這個行業比較強大的。整體不錯，畫質，節目也過得去。不過他的野心比較大。歐美，香港，日本，韓國，他都染指節目源。呵呵。對於客戶來說，多元化的選擇不錯。
麥格的確會運作市場，不得不說他是市場的贏家！雖然燒友吐槽和發鬧騷也於事無補。一個華為的破機器市場在1XXX的價格站住了腳。所以說這就是品牌。這就是許多人意想不到結果。後來雖然有幾個服務商也想像麥格一樣的運作，可惜命不如人！

3。DNETHD，一個採用英文命名的服務商。中文名字叫數碼線上，估計許多人還是不怎麼瞭解這個中文名字。從第一代出現在市場，就定位在中端客戶群體。 希望DNET的老闆不會混這個BBS，哈哈！要不，肯定會罵我總是多事之秋！首先我不對他產品怎麼評論，不錯的是一直採用了一個鋁合金外殼的硬體，讓市場 認可了差不多3年。一代，二代，3代，到現在基本成熟了自己 的市場和定位。不過，DNET想進入高端市場，就比較難。經銷商不會給面子！目前銷售最大的市場，初步估計在上海長三角和珠三角兩廣市場。不過，DNET 自己有許多繁多的套餐。我也糊塗。尊貴版，全開版，各種版本出現在澳大利亞那個華人籠具的地方。曾經以朋友從悉尼帶回來自認為是寶貝的DNET ，我才知道。原來DNET也在國際市場有了一杯羹！佩服，佩服！美元和人民幣是差距有點大！

DNETHD節目採集於：深港地面DTMB和港臺直播衛星，臺灣數位信號混合成就了一個自己的系統傳輸。不過，節目和麥格大同小異，當然你我還是關心的是 價格的懸殊。所以選擇DNET還是不錯的。當然，沒有那麼多棒子和鬼子的台。畫質整體不錯。硬體可以給一個8分。軟體第二代是採用的海思方案，第三代採用 的安卓海思系統。偶爾有司死機像象，不能說是直播商的問題，問題是山寨的盒子本來就沒有一個標準。運氣背而已！

4.IP9000HD，又名冠擎  
這個直播系統剛開始我都以為是盜鏈產品，一個破盒子做的那麼差勁。可是經過測試和後來不停的加節目和加入EPG，我才真正的相信了他們有這個實力。可是， 我不得不說的是，IP9000整體的畫質只能定位在臥室電視直播。我經過測試發現，這個直播系統碼流偏低，流暢，穩定。也許流暢穩定壓倒一切。對於超過 32寸以上的燒友肯定不幹了。這畫質，只能定位在臥室電視。呵呵，臥室很少看見有60寸以上的大螢幕。除非你是土豪！！不過，現在IP9000也在試著提 高碼流。目前看還行。

IP9000銷售在南方和北方都有一定的市場定位，東南亞還有另外一個版本出現在市場，裏面加入CR，你懂的。國內IP遮罩了的。呵呵，節目大同小異。只是少了許多歐美的比如HBOHD目前就只有兩個版本線上直播。值得推薦的是穩定，不鬧心！
目前也推出了APK再市場銷售，這樣方便了許多擁有各自盒子的燒友。而且市場定位也比較便宜，260-320之間.值得看看。

5.愛播HD
愛播從出來一直就比較低調，一直盯著國外市場。你隨便打開國外的淘寶一樣的交易平臺，都可以看見愛播熟悉的LOGO，這個銷售策越不錯。而且愛播還推出一 個免費的港澳臺70套節目的套餐。不過是捆綁機器的，在國內市場很少見宣傳。這個大家都不熟悉。愛播套餐N個，我也不是很清楚，只能點到為止！不過，愛播 是做老闆的料。自己的源給了幾個經銷商在運作APK。點到為止！
節目評論：愛播節目大同小異。歐美，港澳臺直播。畫質只能說是中等！有想瞭解的，可以瞭解看看！

6.新蕾APK
新蕾是一個品牌，在這個行業久了。多多少少都會和新蕾有一定的瓜葛。呵呵，新蕾從衛星電視到網路直播系統。敏銳的市場眼光，值得做生意的借鑒。
新蕾主導是以APK為主，目前火爆的銷售中。市場定位在360元人民幣誘惑著擁有安卓盒子的燒友。節目起跳臺高，家庭沒有8兆，最少6兆的朋友。你最好不 用碰這個APK，高碼率的畫質的確不錯，錯在我們家裏沒有那麼大的帶寬！曾經有過經銷商豪言說，新蕾砸下重金入駐APK市場，總要鬧一點動靜。雙十二促銷 好像沒有鬧出多大動靜！呵呵
新蕾節目和DMET的節目差不多，我曾經也懷疑是購入的轉發源。不過，經過這段時間他急劇的加節目來看，我也糊塗了！整體說，畫質比較漂亮。
缺點：起跳太高，是帶寬問題。不過，以後網路的急劇升級，新蕾就在搶佔這個市場。
  
  7.好視佳
  對於好視佳，我真不知道怎麼說，猶如曇花一現。其實我曾經蠻看好好視佳的標清畫質。可惜市場一直很背，甚至慢慢的被人遺忘。我只說兩廣市場沒有看見 了。其他地方我不敢說。硬體做的和衛星接收機一樣。節目主要是臺灣節目為主。加上後來節目斷鏈，沒有加入新的誘惑，所以市場就慢慢的淡出了。

  8.金雞母
   都不知道為什麼改這個名字，很不順口。呵呵
   節目和泛亞大同小異，只是多了幾個花花CR，你懂的節目。初步估計伺服器來自天朝之外。呵呵。現在也在推出APK誘惑市場。不過，被盜鏈服務商糾纏不清。投訴的有點多。不過，市場還有一定的份額。

  9.紐威寬頻HD
  這個是一個嬰兒產品，目前知道他的估計還沒有幾個。就百度都收錄甚少。紐威寬頻，一直是做比較冷門的直播系統，比如：馬來西亞IPTV,印度 IPTV、現在才轉戰做華人直播。目前也在收集市場測試資料。從出來到我寫帖子，還沒有20天的產品。我測試了差不多一個禮拜。整體不錯。經銷商和直播商 把這個APK定位在低端市場。目前測試後按280元一年的費用開始收費。目前節目數量有140個節目為測試期。後續會慢慢的加入到200個節目為主力。
  缺點：不帶EPG，碼流目前比較低。
  優點：流暢，低價位入駐

總結：IPTV也許終結了專機，APK也在各種安卓盒子和手機，電視領域中尋找生存。不錯的期待！



注：以上評論，只是自己愛好，不針對任何一個產品進行攻擊，盜鏈的不談。