買u 機遇上問題, 請 ching 們幫幫忙

octopigleg

如題, 有點長, 但請用少少時間睇埋佢, 話唔定對你買機有用, thank you

事原本人本月14日係 H"F"LIX SYSTEM 代理的某 u notebook program 睇中 4411s, 問左三日後有機攞, 就 full pay 落左 order, 三日後攞機後一 check, 即刻見到有好明顯死點, 本人已試過擦拭, 及息機用個 mon 既反光睇過, 一定唔係塵或者漬, 再講新機有漬都唔合理, 即刻去換,

點知個 technician 唔肯認, 跟住就即刻攞塊布開住機起勢咁"卒", 佢一隻手已經好用力咁禁住部機係抬面 , 但係另外一隻手"卒"得更用力, "卒"到部機都震埋, 之後終於俾佢"卒"走左, 我就借 d 咦問佢咁大力"卒"無問題咩, 佢話你返去都可以咁"卒", 有問題搵佢 la, 我真係睇到眼突, 但又無佢乎   ( 應該好多 ching 都聽過死點有機會被短暫"卒"走既事 la ), 見後面有人排, 就唯有拎番去再 check, 點知就俾我 check 到有光點, 再返去, 佢地今次無得唔認, 但就同我講個 technician 走左 la, 要佢確認先得, 聽日再來過 la, 咁我當時以為無咩問題, 就第二日先再去多一鍋 la,

第二日去到, 個串咀 technician 就話要換 ar, 要差唔多一個月時間 bor, 問佢有冇借機服務, 佢話無, 問佢到時再拎部舊機來換, 佢唔俾, 咁我當然即刻表示不滿 la, 未俾錢時就承諾到幾日有機攞, 但係俾左錢部機有問題就要等成個月, 兼且當時並無講我知機有問題要等一個月, 完全唔合理, 佢就好廢咁話廠個邊既事, 佢代理無辦法, 叫我去問廠la, ( 咁個代理有咩用   ) 仲話其實都唔係太明顯者, 不如接受佢之類既說話, ( 簡直痴線, 係咁你承諾 0 死點光點來做乜 ?? ), 後尾仲反問仲換唔換 ga, 一係你接受, 一係你等一個月 la, 無得俾我揀, 仲話不滿 ar, 佢不過係職員 ar, 話唔到事, 你搵負責人 law 之類既說話, ( 咁第一日就爽手 d 認左部機有問題 la, 要我跑來跑去 )

跟住佢就點左條靚來, 話負責人唔係度喎, ( 咩佢 d 人成日唔係度 ga 電話又長期無人聽 ), 搵條靚話事 la ( 卸膊?? 之前又話有咩問題問你負責, 勁 ) , 條靚都係好廢咁講埋 d 廢話 la, 自己職員仔話唔到事喎, 咁問佢依家邊個負責話事, 佢又答佢自己 law ( 真係勁 ), 後尾佢終於承諾有機一定會俾我, 同佢地代理既全部 u 同期落訂既人一齊攞機, , 咁我見佢話 ar 頭唔係度洛 , 就暫時答應下星期有機攞就算, 但如果要下個月既話就保留追究權利,

第三日, 又再去多一鍋, 終於見到個阿頭, 傾到最遲都兩星期內有得攞( 其實由 check 到問題計起就唔止兩星期 ), 咁之前又死都話無, 攞明用拖字訣希望 d 人唔換 la , 我諗如果我強硬 d, 最遲下星期都得, 不過, 你敬我一寸我敬你一丈既 , 但係要顧客走 N 輪又勞氣, 部分員工服務態度又唔好, 簡直係浪費客人時間同精神 又賴廠, 叫我去問廠la, 又話內部程序好複雜哦, 痴線, 你白紙黑字賣野, 我真金白銀同你買, 你今日便秘我係唔係要請你呷蕉 ar ?? 我 d 錢夠辛辛苦苦捱夜賺返來 ga   哦, 你個代理就凈識收錢同卸膊既 ??!!

經過打聽後, 收到風話其實來緊都會有貨入, 特登講長 d 時間就係唔想人換, 唔係佢點會問你仲想唔想換咁 kind 既問題, 你買件貨, 買之前保證冇問題, 點知真係有問題, 咁你會唔會想換 ar ?? 同埋我特登拎得來走幾鍋, 貪攞苦來受 ar ?? 仲叫接受問題貨吧 la 我真係好想問佢係食屎大定飲奶大, 當然, 我無咁同佢講, 因為我係個斯文人

各位 ching, 多謝你地用時間睇完依單真實事件, 希望眾 ching 買 notebook 真係要小心死點光點問題, 留心不誠實商人出古惑, 所以本人 誠心希望 如果 有 ching ( 無論邊間 u, 只要係H"F"LIX SYSTEM 代理) 係 9 月17日 買左 4411s既, 能夠攞機時, 請通告一聲小弟, 一來幫了小弟大忙, 同埋最重要係"防止商人破壞承諾", 小弟感激不盡

[ 本帖最後由 octopigleg 於 2009-9-21 09:53 編輯 ]

billgatesion

o shit...我都幫襯左係 CITY 買 NOTEBOOK...好似都係呢間野代理的...聽日有機拎..真係要小心D CHECK.. 不過唔係你果個型號:funk:

eric0810

佢地係中間人無計wor  
hp代理係jos , sis 果d, 中間人想小d事 係咁ga la
我係ou 入咗4310s 收機都係check 吓先la 多謝c兄

octopigleg

原帖由 eric0810 於 2009-9-20 09:37 PM 發表
佢地係中間人無計wor  
hp代理係jos , sis 果d, 中間人想小d事 係咁ga la
我係ou 入咗4310s 收機都係check 吓先la 多謝c兄

佢當然想凈收錢唔做野 la   唔想做當初就唔好話包 la 左推又推, 唔通收左錢唔想做就係奶油, 承諾左唔鬼理就係奶油?? 幾千蚊野, 對我來講唔係少   今次實在唔可以接受無計wor係咁ga la 就算
ching, 收機 check 時真係要小心留神, 不過 ou 可能唔係同一班人做, 應該易話為 d

henry9_9

ching咁唔好彩...
我舊年買左部lenovo w500都係呢個代理...
好彩我嗰部冇事啫...:funk:
死啦...依家都驚驚...

shingzhk

比我真係唔同佢客氣
又總唔會話講粗口,但會老實同佢講
"你地保得我0死0光點,唔洗諗住hea我返去,點都比部冇事既機我,唔洗講禁多野"

franklee009

真係好長下  不過講真係香港買野真係好煩

真金白銀比錢... 有問題冇得換 / 要出出入入幾次 (車錢人工都係錢)...  

話比外國平,,, 但其實買野有問題起黎仲煩仲貴...

希望政府會做下野啦...

octopigleg

since they had made the promise, they should not break their words