66369

我都係要問你,
1) 究境個倉頡輸入法work唔work?
2) 到底你要邊種(個名)? 或要邊幾種(每種個名)? ...
waifile 發表於 2019-2-5 16:38

唔識點回答你.嗰個PE裡面只有一個倉頡輸入法.可以用.但唔好用.

waifile

我貪快寫，或叫"唔啦更"：
我覺得個金礦礦主係百樂，見師兄一方面有收藏開礦石珠寶，寫code又勁，又有 ...
pockchop 發表於 2019-2-5 15:46

佢既非收藏用既金我已經做埋啦.
我參加過佢地既金礦主私人洒吧俱樂部, 認識到其他既金礦主, 佢地個個都想我代理, 但係我冇興趣再代理多D, 我唔想變成公司化制度化同請工人去做, 我淨係要我一個人係屋企做, 我每日最多做一個鐘. 其它時間幾多錢我都冇興趣.

個金礦礦主唔係睇中我寫code(佢唔知), 唔係睇中我有銷售網路(我亦無金既銷售網路), 而係佢根本唔信我sale到, 佢地從亞爺關始都做左三代人啦, 都只不過係sale成咁, 唔信我會快速sale到重超過佢, 佢只睇中我對錢冇乜興趣.

我係俱樂部, 認識到所有既金礦主佢地個個全家人都奇怪, 人人都好低調, 對錢全無興趣, 奇怪既地方在於個個都唔中意都市既生活, 佢地係有座金山都懶得開採既人, 有幾個金礦主, 佢係每年只挖7-15日就唔做啦, 亦從不請任何工人做, 真正係有金都懶得執, 佢地係好多個洲都有屋有物業, 但係從來都唔去住, 亦唔出租或出售, 有D連請人打理都冇, 物業就當垃圾咁封晒塵都完全冇人埋, 然後自己全家住汽車屋, 長期拖間屋全美國走去叢林打臘.

我果個金礦主, 佢成個家眾族共12人, 全部住係汽車屋, 一共五架大型汽車屋, 成家人都掘金, 絕不請工人, 但每年只在7-8月份或8-9月份只掘最多兩個月就唔做, 然後其它十個月, 五架大型汽車屋會遊走於各個洲停係叢林內打臘同生活, 佢地人人熱衷於打臘, 臘食和住野外, 但又一定要住係外貌平凡但係內部好靚既汽車屋, 幾代人都係咁, 連下一代讀完大學既都會好中意回歸終生呢種生活, 呢點係好奇怪既! 又唔係宗教信仰, 點解可以會咁同化或洗腦既呢?

我去過係俱樂部所有既金礦主既金礦度玩, 佢地只要肯招侍朋友入金礦場, 都共同有一個招侍既方式, 就係教你開架大型掘土機, 之後比你試開架大型掘土機係任何地方掘一剷, 一剷下去必定有金既, 少則一兩萬多則一百萬, 只剷一野, 剷到幾多金都免費送比你, 剷左一野就倒係下圖山頭果部大型機, (成唔記得果部機叫乜名), 然後部機一路處埋一路向小山玻下面流動, 到左下面就巳經自動揀出晒D金. 我去過六個金礦, 每次我都係隨手執番一粒最大既做記念就算啦, 但係其中有一個金礦主, 見我只執一粒, 居然郵寄晒94粒比我, 一剷有94粒七万幾蚊, 送金又希望我代理, 我都係唔代理, 金就收左代理就死都唔做, 搞到我幾唔好意思.

chue

去download啦.
W10PEX64_input.iso 已經加入左倉頡輸入法, 但係我根本唔識用倉頡輸輸入法, 唔知點試, (係 ...
waifile 發表於 2019-2-5 07:41

呢個有用,可 PM?

chue

你將我公司既網址後邊既file名改成W10PEX64_input.iso咪得囉.
xxxxxxxxxx.com/Win10PEx64.iso
改成
xxxxx ...
waifile 發表於 2019-2-5 12:50

    收到,已DL,謝,祝新年賺多D

bongbong3481

回覆 522# waifile

Waifile 兄，我睇你對行業的介紹，比WINPE 的制作過引好多(可能我比較八卦)

pockchop

佢既非收藏用既金我已經做埋啦.
我參加過佢地既金礦主私人洒吧俱樂部, 認識到其他既金礦主, 佢地個個都 ...
waifile 發表於 2019-2-5 06:39 PM

真係估唔到呢個世界係有呢d隱形富豪，相信師兄你都係
相信呢班礦主會信任一個中國人實在非常難得，亦突顯師兄過人之處...
我見到師兄好肯幫人，亦不怕將自己嘅故事同人講，實在係非一般師兄⋯
乜呢d金礦可以私人擁有？如果喺祖國一早已被收歸國有
喺個金礦採金，然後可以帶返屋企，真係諗下都好玩⋯⋯

pockchop

回覆  waifile

Waifile 兄，我睇你對行業的介紹，比WINPE 的制作過引好多(可能我比較八卦): ...
bongbong3481 發表於 2019-2-5 08:01 PM

其實我對PE都係玩票性質，但聽到waifile師兄嘅傳奇實在比佢吸引左，原來喺世界某個角落係會有咁樣嘅生意同生活

chue

而家遇到今個豬年一到就遇到年度第一個難題,就係 PE 要用咩工具黎修復因 WIN10 更新出珼既操作系統損壞問題?

waifile

真係估唔到呢個世界係有呢d隱形富豪，相信師兄你都係
相信呢班礦主會信任一個中國人實在非常難得 ...
pockchop 發表於 2019-2-5 21:13

係美國, 無論幾大型既金礦都可以私人擁有同可賣買金礦, 金礦又分流沙礦, 海礦, 同山礦, 只有海礦係深水區要潛水撈金我未去過見過, 流沙礦就係D淺水溪流度, 用個碟型既撈金盤, 撈下西下就會有一堆0.5-5mm既金, 同老婆去呢D地方露營bbq度假係好有情調, 金礦有帶槍既專業私人護衛團隊好安全, 金礦內鬼都冇隻連動物都冇, (我仲以為會有大型動物仲帶埋槍去), 所以帶埋我隻柴犬, 帶小型發電機, (唔洗驚冇汽油, #522圖中最後面果架係私人既大型汽油運輸車, 成個金礦各地區總共有四架大型汽油運輸車, 汽油係免費任我欏), 駕車入去整好個帳篷, 架好個bbq爐, 咁就日頭同狗奔跑, 同撈下西下金, 夜晚冇光污染成個銀河滿天星, 數下星星, 好爽架. 唯一唔好既就係果D山區係冇Internet上唔到網! 唔知可唔可以租條衛星line用個小型移動式衛星接收器上網?

其實我都算係有個小型金礦區掛? 我一直都唔做果D非收藏家用既金, 佢成日都叫我做埋, 見佢咁有需要, 我就開玩笑話除非我有個金礦啦, 如果唔係就冇興趣做, 佢就話此我一座細金礦地區, 我就話我要連埋有淺水溪流既, 佢話ok, 咁我就做左啦. 我以為係大家開下玩笑, 點知半年之後係去年9月份佢真係叫我去辦埋D過尸手續, 話如果我唔去, 佢就去打臘, 要2019年7-9月至可以去辦手續, 所以我就同老婆同埋隻柴犬去左10日度假, 過尸手續我就冇興趣做冇興趣要, 口頭上話係我就夠啦, 我有時來度假玩下就足夠.

另外, 網上有好多正式既公司或私人公司賣Gold Rush Pay Dirt, 係以磅計來賣既, 佢地會話係因為冇時間揀D細金出黎, 所以原袋連沙石咁賣比你自己慢慢揀D細金出黎.
大家千祈唔好賣Pay Dirt, 因為果D 100%係假既, 就算係大型公司賣連埋有証書既都係假既, 唔係話D金假, 而係同我地買D細小金碎, 然後又買D建築用既小沙石, 放小小金碎混合沙石包成以磅計來賣, 再假冒說成係某某金礦區既原沙石金礦, 佢地咁做既成本好低, 賺20-40倍.



其實金礦主唔會有冇時間揀D細金出黎呢回事, 因為揀金係用我個圖果D自動機器, 個機器係有電子金屬探測器, 連一粒金粉末咁細都會自動揀出, 15-30分鍾就自動揀完, 係唔會靠人眼人手揀而冇時間揀既.

不過如果你屋企有細路仔, 咁都值得買包Pay Dirt比佢地玩下, 買個大膠桶, 一個撈金盤, 一包Pay Dirt倒落膠桶內加水, D細路可以玩撈金, 偶然揀到一粒金就鬼咁開心玩足成日.

waifile

唔識點回答你.嗰個PE裡面只有一個倉頡輸入法.可以用.但唔好用.
66369 發表於 2019-2-5 17:06

可以用即係我估到倉頡輸入法果部份既源碼. 但係倉頡又唔岩你用.
咁你究境要用果種係叫做倉頡輸入法或係乜野名?