本帖最後由 motang 於 2011-5-9 12:29 編輯
買左一個月, 係時候寫下使用感想. 今次改下的筆風. 題目叫做~~
與w500有「關」の私人部落格
呢個月部W500 食得, 訓得, 我重日日帶佢出街行, 見下其他人.
佢本身都肥左好多(用左好多G, SSD一半, SD CARD, 2/3), 而且可能係肥左, 所以起身起得慢左(開機而家要
1'42''), 重多左的歲月既痕跡
有時坐地鐵, 想叫佢出黎望下人. 諗起要用一個站時間叫佢起身, 同埋用一個站既時間氹佢訓番, 就會打消呢個念頭,
如果唔係搭得多過5個站, 而且又有位坐的話, 應該唔會叫佢出黎.
不過攞佢出黎, 就會好覺得佢既重量, 抱住佢會攰. 而且冇乜保護之下(未有套), 的確幾危險, 所以未有套前都係少見光好的.
雖然佢冇3G, 但係如果插住3G手指, 上網CHECK EMAIL都好幫得手. 又唔覺得隻手指好阻我, 只不過怕整斷手指, 所以加多條USB延長線再插咁解.
有次坐長途巴士, 個客要做SUPPORT, 用佢黎行TEAMVIEWER (類似VPN, 可控制人地部機.)連上個客部PC都好順暢, 個客完全唔知我係架巴士度. 強呀. (不過, TEAMVIEWER已經有安卓同蘋果版, 大家都可以試試.)
帶佢出街, 有一點要留意下, 就係佢都幾反光, 如果冇貼保護貼. 就要小心保護自己隻眼.
帶佢去見客, 佢好受歡迎 (有的覺得佢搶左我風頭). 大家一齊指指點點, 將佢轉黎轉去, 互動強左好多.
而且同一時間係個客面前睇相, 開PROGRAM黎討論, 再開埋個EXCEL及PDF既報價單都唔係問題, 呢方面應記一功
不過遇到大場面, 要佢出projector, 大電視, 佢就會怕羞, 話只有HDMI先夾佢. 的客同我係個個時候都會好失望.
呢個月黎大部分時間都只係同佢係一齊, 至於佢架專用BB車, 則擺左係屋企.
之前成日話架BB車冇用, 主要係因為連埋架BB車出街, 會好重, 而且又要買貴的. 所以心理上有的唔鍾意.
而家佢架BB車會係張枱度, 靜靜地守候住佢番黎. 當然, BB車身邊亦會有隻老鼠長期跟住, 間中亦插下手寫板或手指之類.
佢一返黎, 就自自然然返去佢架BB車度. 變番NETBOOK (或NOTEBOOK, 隨你點叫). 順便叉電.
講起佢大唔大食, 都心裡有數. 5個鐘頭元氣, 都只係每日番屋企食一餐. 所以大部分時間我都冇帶佢個專用奶樽出街. 至於所謂既尿袋, 更加未有需要.
的人成日講TOUCH SCREEN既KEYBOARD唔好用. 相信係習慣問題, 諗下用緊個KEYBOARD本來有30CM*10CM, 而家得番25CM*5CM. 點都要重新習慣下話.
而且一般KEYBOARD, F同J制有凸起, 方便定位, 如果平板又係咁凸起, 你換都換唔切啦. 所以唔係「唔好用」係「唔慣用」OK?
話時話佢有得開OR唔開WIFI. 但係用電開唔開都好似冇乜分別?
未用得著既一堆野...
1. HEADPHONE. 佢個HEADPHONE係同IPHONE一樣一個插做哂聽同講, 不過冇IPHONE又冇呢類HEADPHONE. 所以冇用.
2. 鏡頭. 只係影過一二張DEMO相. 平時都冇乜點用.
3. 藍芽. 本來想駁藍芽耳機用. 舊個個死左. 又未買新, 所以冇用. (有冇人話俾我聽BT3.0勁左的乜? )
你問我對佢滿唔滿意? 滿意! 80分. 扣10分大食, 同10分太肥太重.
套用CHING講既兩句話:
機係死既, 人係生既.
識得用其實好好用. |
簡體版
訂閱頻道
訂閱電子報
發表於 2011-5-7 16:17
| 
