UE TF10 交流區

c0232076

岩岩有一批團購到左貨
應該有唔小會員對依隻耳機有D問題或意見
希望大家黎交流下 比D意見

有會員話唔識帶    , 細聲  有D資深用家話建議換線用, 大家有冇乜意見^^"

ds.ngai

正戴唔fit 換膠又唔fit
就反戴 即係左戴右 右戴左

原裝線耳掛位好易斷
一係包膠/買膠耳掛 保護條線

Lokkk!

一拎左就換左第二條線上去
有無人用綿的?

chris6688hk

原裝條線d音好差嫁  人聲又唔得 又好濛
提議換換線吧  會正好多嫁

hey

一拎左就換左第二條線上去
有無人用綿的?
Lokkk! 發表於 2010-3-6 19:30

最衰以前sf3 個d 棉用唔返, 啱啱攞咗用膠聽咗陣, 遲d 諗住都轉棉, 舒服d同隔音好d

hey

依家d 聲好矇, 要等佢開聲

c0232076

姐係要換線換膠先GOOD
反正平左咁多^^" 線換邊款好!? 上網睇過D人介紹換"極光" 或TF11 條線
請問有咩分別??

leeyh8

請問要點煲??
幾耐???
新手一名, THX !!!

121416

原裝線耳掛位易斷／換膠→用嘢粗唔粗人人不同，我自己覺得都OK實淨唔易斷（也不排除貨的批次不同，我不是最近1次減價時買）
（而且斷咗就大條道理換線玩啦）

原裝線濛→應該係你未煲起，或者你要求都OK高下（前者的話煲下，後者的話換PLAYER／換線／換耳擴…）

換線→個人推荐極光2，不過建議還是先煲起原裝線，再攞去同其他線比較，睇下有乜分別，因為換線造成既改變未必一定係你最鐘意既，唔好人人話極光／傳世好就跟風
而且目前都有好多線可以選擇，當中極光2、傳世、奧泰羅係個人較推荐的
其他的感覺都比較極端，配上TF10似乎怪怪的…不過說到底這也是很個人的事

11線聽說會弄鬆接口位造成問題，所以我一直沒試；而且個人也對極光2很滿意，不論是音場、3頻比例、低頻下潛、人聲等個人都認為優於原裝線，至於解析力個人倒覺得差不多
至於極光PLUS和極光，本人沒試過，但據試過的朋友說極光2在音場和高音方面勝於前兩者…

順便牢騷下，傳世也不是不好，低頻的質量很出眾，不過考慮到線材又重又大，實在很難買下手…相較之下極光2明顯更利於攜帶，低頻處理對本人來說也較適合
奧泰羅個人試過，坦白說雖然很不錯，不過個人不認為值4位數的價格；當然價格／價值概念本身也是因人而異的

嘛，線可以去20F、金X等試…

煲幾耐至OK好難確實咁講，我個人每天聽但唔刻意煲，用咗大概2、3個月感覺有較明顯變化（個人係懶鬼，一向唔刻意煲耳機…）

耳膠方面外出的話不用2節有點困難…如果戴唔慣或者想隔音好啲就換耳綿，個人在用Comply T-500感覺還好，星際某間鋪賣得OK平，1盒買的話約36/對

戴法方面我初初都唔習慣，後來戴咗一排就慣，所以建議戴唔慣既人俾啲時間適應
另外說戴法上個人是前戴的，有些人把線繞在背後戴我試過覺得沒那麼舒適
如果唔識點勾耳戴請自己去官網看，多試就慣了…

dochi

等我又分享下啦.....
tf10 bass 係重左dd 既, 好似我咁用開sf3/ck9 少bass 耳筒既, 不仿係eq 度較番細少少個bass 先

線方面唔太熟, 一般用家可以玩下原裝線, 慢慢先升級上去都未遲
一開頭濛係因為未煲好, 線同單完都要warm up, 比少少時間佢啦
當年隻sf3 / ck9 都要花d 時間先開到聲, 就算最初玩既ath 幾百蚊貨仔都係, 所以唔使咁心急一黎就走去換線

至於用棉定膠就睇你自己啦...
ue 野係大頭, 大家換膠/棉都要留意番, 不過一般店員都會問你咩耳機既
我prefer 用棉多d, 因為ue 隻膠都比較硬身同大粒, 好強奸隻耳
棉就可以適應番你個耳lone size, 會舒服d
不過棉都有好多種, 樓上提到既係好野, 用棉既可以留意下
換唔同既棉 / 膠棉互換, 都會對聲有影響, 都幾明顯, 大家都可以睇下點配搭會適合自己

戴法方面, 正常方法次次都要adj 個鐵線, 都幾煩下
所以我鍾意反戴, 條線照經前面.....
不過用sf3 個陣發現反戴音場會冇咁大, 同埋d 聲焗少少, 你地可以留意番有冇lee d 問題
因為有機會係我戴得唔好, 耳筒同個耳道拉得唔夠直而影響