第一次寫開箱文,早幾日買左終於有時間寫下,可能比較多字,希望大家唔好見怪....
之前其實已經用開隻WD 300GB萬轉HHD,但其實主要都係裝windows..photoshop執下相, 仲有office入面既powerpoint做下公司野,再加埋一堆game大概用左150GB左右,所以買夠256GB應該好夠用,其他相就放係隻NAS入面..
咁睇左幾隻牌子,發覺個價都差幾遠...不過想買隻叫做穩定d唔易死既,走左轉高登見到隻plextor,然後就返屋企再搵資料睇睇..我記得我以前都用過成2K買隻plextor cdrw機,果時叫做機王,都真係燒出黎既碟易讀d,依家部機仲未壞仲燒到碟,不過早兩年已經俾我打左落冷宮,真係好日都唔燒碟..最後睇中左隻256GB既M2P,仲要有成512MB cache,真係睇晒咁多隻牌子都無,我知道cache多點都會快d,係就係貴左少少,但想要隻靚牌子就無法....
話晒都大拿拿成3K幾,想做個記念第時睇返,所以今次就試下好似mobile01咁整下開箱文...佢個包裝算係咁,真係第一次買SSD,仲以為個sales俾左個吉盒我點解咁輕既?咁叫個sales拆盒睇睇先知道真係有隻SSD係入面,原來SSD可以咁輕...咁返到再慢慢睇,已經見到包埋一塊5.5"既鐵片,俾你可以放係機箱入面個大位度,不過我又用唔著,可能第時會用得著....
個盒上面就寫左true speed實境效能,佢話佢乜野真實環境下會成日用唔減速,又可以有最高速度...官網就寫話咩instant restore技術,話有特別演算法可以將個資料記錄最佳化,會自己清空區塊自己加速,用左一排好似同新買既一樣咁...咁我又上網睇過有關資料同d測試數據同官方網講,好多其他牌子SDD用一排會慢左,雖然佢試晒話點快點好,但應該咁大間廠唔會呃我掛?其實之後我都半信半疑咁去試試,結果就同大家賣過關子先,一陣下面會有測試話俾大家知...
好喇~!試之前我又講講隻SSD有乜野咁勁...佢有成500MB/s read同440MB/s write,仲要話IOPS有成70000,都幾誇張...由於我要保養,所以緊係唔會拆隻SSD黎睇下用乜controller,所以影唔到入面既相....要睇其實網上面都好多....知道佢係用marvell 88S9174,睇返有唔少牌子都用佢,又有好多底板controller都係marvel,咁應該信得過既...之前其實有留意隻ocz vertex3,但睇返都知好似話要成日update fimeware,又有唔知咩事咁,佢用sandforce好似真係快d,但再睇埋佢地spec咪又係差唔多,最緊要揀隻無咩鑊,大家話係唔係??
controller係marvel 88S9174,ram chip我見人地話係用toshiba 32nm,其實官方都有寫,話晒都係日本大廠,都幾信得過...咁睇埋佢寫話係用toggle NAND,比起普通NAND快好多,可以由40Mpbs去到133Mbps,雖然唔係太熟,但睇過資料都知比較快既SSD會係用呢隻模式....佢用32nm我知道比起依家新果d 25nm ram chip壽命都長d同快d...我買時sales話plextor有隻M3S就係行25nm?定22nm?唔記得,所以買M2P真係無死錯人..
除左ram chip外...M2P仲有樣勁既係佢有成512MB cache,好似佢隻128GB版都得256MB,多左成倍...本來有諗過M4但睇過出原來得128MB cache...仲要唔見有256GB版...雖然對SSD唔熟,但我記得ccahe理論上愈多愈好,雖然停電會有機會令到d資料消失,不過我又唔太擔心,香港地有幾可會停電,我部機用左幾年都未試過火牛會有事...咁我係官網抄左張相俾大家睇埋
咁我屋企其實用開比較快既得隻WD 300GB萬轉,只可以用佢黎做比較...測試就用大家成日見既crystaldiskmark去試,再見到有人用隻咩As SSD benchmark同埋atto benchmark,今次就用呢三隻去簡單試下啦~~如果大家有咩想小弟試即管開聲,最緊要話埋俾我知要點試同唔好咁複雜就得,遲下我都會問朋友借其他SSD比較下先...
我部機config就係咁
CPU: core i5-2500
RAM: 16GB DDR3-1333 (4GB x4)
MB: asus P8H67M Pro
HDD: WD raptor 300GB轉, WD caviar black 2TB
OS: Windows 7 ultimate 64bit
Driver: Intel RST 10.6 (AHCI mode)
filecopy
竟然有333MB/s,我抄幾廿GB野真係話咁快就抄完,勁爽呀!!!
crystaldiskmark
咁我拎返我隻WD 300GB萬轉去比較一下先,左邊係隻M2P...睇返測試,去唔到官方既500MB/s,但我睇過係正常,因為d廠係用atto benchmark去計read write..就咁睇真係幾快下,read都有成466MB/s,比起隻WD只係得128MB/s真係快差唔多4倍..睇埋512KB仲快得多d,原來SSD可以咁功,而4K QD32真係好誇張,快成百幾倍有多...不過我知道多工先至發揮到呢個速度,但就咁睇我已經好滿足...
atto benchmark
之後試atto benchmark,呢個真係去到官方500MB/s同440MB/s read write接近速度,仲要快多少少....比埋隻WD 300GB,又係快幾倍,真係win晒,無得比較....本身已經覺得隻萬轉好爽,雖然隻M2P仲未正式clone過去,但睇到數字都覺得爽..!!
as ssd benchmark
又係睇數字真係無得比較,唔講咁多大家睇圖啦...不過下次真係唔好用佢黎試HDD,愈慢試得愈耐,隻WD我試左成粒鐘先有分,真係火滾,SSD幾分鐘咋..
as ssd benchmark (copy mode)
原來as ssd benchmark入面仲有copy benchmark可以試...佢有分ISO..progarm同game,所以順便試埋...大家又係睇數字都見到..M2P快到傻...!!
dirty stats試一試
另外睇官網話隻SSD有樣instant restore技術,會有分dirty state同clean state...咁正常買返黎會係clean state,用耐左就變dirty,速度就會跌..隻M2P個instant restore我睇過個原理係佢有特別既算法記住每個區塊記錄方式,然後自己做最佳化,即係自己搬好d data?就算用耐左都唔會有跌速問題..係真唔係呀??我知道本身win7已經有trim做緊同樣既野,有埋instant restore兩樣夾埋應該都會令隻SSD保持得到速度..我玩左隻M2P一日係咁write下del下d rmvb同歌...都有成100GB左右,然後重覆做左兩三次,再用crystaldiskmark試一試,降速問題ok..叫做正常,真係有效喎!!!
壓縮試試?
我之前有睇過sandforce SSD話有壓縮功能,咁都有做下功課睇下咩黎...原來佢勁到可以將d data壓縮咁入隻SSD,話會快d...再睇返原來用cystaldiskmark先至可以試到...佢入面有個option話揀咩1 fill 0 fill..雖然唔知係咩,但見人地都係咁試,咁我又試下先!!但試落隻M2P三個option速度原來差唔多,咁即係壓同唔壓都一樣速度啦~~!我估如果用sandforce SSD的話,要壓縮data先至有最快速度?唔壓就慢d?而隻M2P壓唔壓都一樣咁快?咁我又諗一諗,有幾多data真係可以壓縮住咁行?有無人可以話我知?
寫左我成三個鐘, 真係俾面睇睇啦!!多謝收看!! |
簡體版
訂閱頻道
訂閱電子報
發表於 2011-12-11 04:06
| 
