今日去Sony 整部Neo，先知原來Sony 都逼害緊細舖(18日1點更新)

ininin

去到放低部機，佢check 到部機係行貨，而且按出廠日期計未夠一年(跟本第一批Neo 係2011年2月尾先派到貨)
但我係細舖買機，佢distributor list 入面冇我果間舖頭
跟住...
= 索尼，=我，=細舖
：唔係指定distributor 既發票我地做唔到保養
：行貨保養期內關邊個舖頭咩事
： 因為驚有d 舖頭會賣二手機
：有二手機又點呀？二手機冇保養架？唔該你解釋下
：呢層係公司規定，冇得解釋
：點會冇得解釋呀？你咁大間公司做一個決定唔洗原因架？你解釋唔到叫你經理出黎解釋囉
： 我地呢度冇經理架
：咁呢度邊個話事？叫佢解釋囉
：先生你或者稍等一下，我幫你問問
(轉個頭之後)
：先生或者我幫你打去間細舖問下，睇下佢地有冇來貨單可以證明貨源
       細舖你好呀，我地係索尼，而家咁咁咁.....
： 先生你好，唔好意思呀，因為我地以前都未遇過呢個情況
       麻煩你講返你張單number，我入倉幫你搵返張入貨單丫，轉頭覆返你丫
(一陣間之後....)
： 先生你好呀，我搵到你張單啦，應該係由鴨屎入貨，我搵到張入貨單就fax 過黎
： 先生麻煩你等等，我轉頭再叫返你丫

趕絕細舖既方法果然層出不窮
Ps. 目前仲未搵到張來貨單囉

-----------------------------------------------------------
17日1點更新
睇埋大家回覆之後我而家已經有幾個疑問
1. 索尼自己冇分銷商列表，咁我買機果陣點樣決定可唔可以係呢間舖頭買!?
2. 索尼話盒內保養條款度有寫保養只限認可分銷商，咁我未俾錢點叫間舖頭拆俾我睇!?
3. 索尼話二手機一概唔保(佢意思係經二手店舖轉手)，佢點去確認部機係唔係二手!?
如果一手買家賣機果陣跟埋張一手單俾二手店，咁又保唔保!?保或唔保索尼又如何能夠分辦部機係轉過手!?
4. 索尼話二手機唔保係盒內說明有寫，我未俾錢又點樣睇則說明!?
5. 最大可能查轉手方法係用Google Account, 假如換過account 就冇保，索尼幕後大佬google 是否容許!?
6. 索尼唔保二手都係驚張二手發票延遲左個購買日期，從而延長埋個保養(個CS 唔識答，我幫佢答埋囉)
但我部Neo 計出廠日期都未夠一年，以上理據又是否適用於我個Case!!
7. 巿場上咁多細舖賣索尼電話，佢地唔係直接經索尼拎貨，咁索尼d 認可分銷商二次拆貨果陣又知唔知，
有冇警告細舖佢地入d 貨係唔受保!?
8. 就算係大舖正式分銷商，我都唔覺佢門面有任何告示證書證明佢係索尼認可分銷商
既然認可與否都冇任何識別，索尼你叫消費者點樣去用正確途徑買你d 電話!?
就算我去某澤，某匯，某原，某信，可能我買果一刻佢剛剛取消左佢個分銷商身份，到時我又係得唔到應得保養
索尼如何能保證我能夠享受買機之後果一年既售後服務!?

查左佢盒入面張保養條款，係有寫話要出示授權經銷商發票既
不過……
http://www.sony.com.hk/storelocator/apps/storeLocator/storeLocator.do
係冇講到電話有邊幾個授權經銷商
而……http://www.sonyericsson.com/cws/cws/home?cc=hk&lc=zh
並無寫到Where to Buy? 或者任何授權經銷商資料
更何況佢D 條款係晒個盒入面，我俾錢買佢部電話之前跟本無權去開盒睇呢D 條款

-----------------------------------------------------------
18日1點更新
成件事其實直頭係一件巿場危機，睇埋呢段就知
我都唔係幾擔心索尼唔幫我整機，出去整都係$600
假如細舖賣左行機俾我，而部機係唔會有索尼行貨保養服務，咁我都係受害者之一
而索尼銷售渠道監管不力係我成為受害者既主要原因
而且索尼用呢件事作為冇原廠保用服務既理由，咁索尼就成為成件事既得益者，因為原本要提供既保養服務而家唔洗再提供
而佢因為佢失責而得益，我呢位消費者因為佢失責而要負責，好明顯係講唔通
我黑仔並唔能夠作為原因，他日有機會上小額見下法官，法庭會接納黑仔作為我利益受損原因咩? 所以索尼監管不力先係最主要原因
而且相對地由索尼監管佢所有認可分銷商，禁止所有認可分銷商二拆D 貨係非常容易，相對於叫消費者係缺乏適當資源及支援情況下分辯認可分銷商
問題核心就係假如成個社會容許類似唔受保情況繼續，索尼跟本就唔會有個推動力及牽引力去糾正呢個巿場銷售渠道問題
反之, 索尼成為成個問題既得益者，索尼會有個推動力及牽引力去令大舖二拆細舖問題延續及惡化
索尼可能索性暗地裏叫大舖將所有機二拆去細舖，或唔知點令D 機變晒後行機，從而大條佢個道理令所有行機失去保養
咁最終係會令索尼及大舖由消費者行貨保障中GEI 條款得益, 呢件事絕對係一種變相既利益掠奪
將消費者既行貨保養利益，以及細舖既商機利益，掠奪為索尼減少售後服務支出既利益，以及大舖因大量入貨既成本效益

getronics

佢都白痴既，二手保養期內唔保呀？買機果陣洗唔洗登記機主？ 部機屋企人用完比我算唔算二手？？

getronics

check咩單？？叫佢自己check imei 拉，佢地無record係佢地溜洞

jacob_1

我都試過, 我問佢SE有乜渠道通知消費者邊度先買到正貨, 而唔係只係口講幾間大嘅連鎖店資料, 佢哋話無, 網頁無寫你問佢都唔會畀個LIST, 但係可以打電話去問"XX電話公司"係咪佢哋分銷商, 佢哋會答係或唔係.
當然各公司有各公司政策, 但係部機透過香港代理貼上了行貨貼紙, 佢哋check到機身編號同貼紙一致, 就真係唔應該再留難消費者. 不過我見過有人, eg2010年1月1日買機, 應該2010年12月31日到保用期, 响2011年上半年壞機時佢可以求其搵間賣電話嘅店畀$20開張單寫部機係2010年7月1日先買嘅, 即刻多咗半年保用, 又真係幾爽. 如果係指定分銷商, 通常唔係啲細舖責任感大啲唔會除便開太空單, SE咁做又唔可以話佢錯晒

火燒日之丸

去蘋果投訴。

7up

***保養都要跟單，無單就唔保。
但系行機入邊又有張要郵寄嘅保養卡。

taddy58

回復 8# 7up

去平機會定消委會投訴

ininin

check咩單？？叫佢自己check imei 拉，佢地無record係佢地溜洞
getronics 發表於 2012-1-16 19:22

    查清楚係行貨啦，佢話非認何分銷商冇保喎