[開箱] Plextor M3P 256GB入手~~~~ (有同M3比較)

上個月已經知道Plextor M3P就出.. 雖然已有M2P同M3.. 就M2P就俾左我部Notebook用..M3本來換係Desktop但賣埋俾細路.. 好彩佢肯要XDDD所以就順便換隻M3P..第一批買唔到落左訂就返貨時即刻去拎.. 總算叫做第一手買左!! :P .. 唔知好彩定唔好彩..上個禮拜個M3P會唔得閒去, 但佢有$100 coupon又唔講, 算啦, 都買左!! 可能有師兄問點解我咁多次都係買Plextor..之前都有講過因為我早係CD-ROM年代已經用佢..仲有隻CDRW仲燒到碟.. 真係好長命.. 果時記得D電腦雜誌話佢既CDRW燒碟最靚.. SSD應該都可以Keep到高質素..最緊要穩陣..無事..仲要佢依家係最快果隻.. 所以無咩理由唔買佢.. 好啦! 睇左開箱先!!

01 copy.jpg

個盒比起M3細左同靚左!! 果然Plextor換湯又換藥..永遠總有D新鮮感比大家

02 copy.jpg

True Speed設計.. 真係賣點黎.. 用極都唔會點降速.. 永遠保持最快..盒上面寫明5年保同送software!! 抵返係度..

03 copy.jpg

我買256GB版.. 唔駛第時128GB唔夠用又要換..雖然有新野我都可能換..:P 之前用M3時裝左windows同一堆執相同剪片software..仲有堆game..仲有70幾GB係度.. 總算夠用

04 copy.jpg

7mm超薄裝..XD..第時Ultrabook唔知係唔係要用呢隻薄身, 但有薄身都無壞, 一定用到, 第時升級都岩用

05 copy.jpg

都係256GB版最快, 佢IOPS都快過之前M3, 有成75000同68000!.. 512MB版IOPS做咩慢左一半?? 我諗無咩人會買掛..如果各位師兄想買128GB版都抵, 都幾快下, 不過得256MB Cache.. 少左一半..但都多過其他牌子只係得128MB!!Cache多D好D..

06 copy.jpg

代理原廠保5年!! 真係信心保證!!

好啦!! 講返隻M3P.. 我今次見到佢個包裝唔同左!! 細盒左!! 仍然係有送3.5吋架同埋隻clone software! 唔知係唔係Plextor想轉下款.. 佢隻SSD換左第二隻鋁殼色.. 仲要係薄身左.. 雖然我用唔著.. 但出面其實有幾多隻SSD有呢個設計?? 都算幾貼心..

睇返個規格.. 今次佢有540MB/s Read同埋420MB/s Write..快過之前隻M3既510MB/s Read同埋360MB/s Write..應該係用左新NAND Flash定Firmware勁左?? 總之就係快左.. 而佢仍然有512MB做Cache.. 出咁多代都係512MB.. 出面唔係128MB同256GB..多成倍..仲有佢有個True Speed唔降速設計真係好欣賞.. 點解依家其他牌子都未有既?? 我之前已經試過佢行一排都係保持咁高速度..其他跌左唔知幾多啦.. 再加埋佢有5年保..真係唔駛擔心..真係貴多幾百蚊都抵返係度..仲係係快左咁多!!

07 copy.jpg

首先拉開個盒, 入面就係咁, 有個3.5吋架..CD同埋螺絲.. 隻SSD係個3.5吋架後面.. 包得好密實下.. 夠晒慳位

08 copy.jpg

放晒出黎就係咁..一式三件

09 copy.jpg

登登登登!! M3P真身!!轉左銀色..好Cyber..我覺得靚仔左XD

10 copy.jpg

上面寫住2012-02出廠.. Model係PX-256M3P..好新下!!!

11 copy.jpg

7mm超薄就係咁~ 睇落唔覺, 但有野拍埋就會見到分別, 岩晒ultrabook用

我睇網上面其他review..佢仍然係用Marvell 88SS9174 Controller.. 呢粒野真係勁..用係Plextor咁多代SSD都係佢.. 而NAND Flash就係Toshiba Toggle NAND.. 睇資料都係好似DDR咁行..快過晒其他乜Intel..Micron..Samsung..同埋佢都係行同步..所以先至有咁快.. 係出面真係好少見到..不過佢行24nm製程.. 更加先進…..但有5年保..又咁快..其他廠又係同25nm..同級揀都係佢最好啦..

睇返其他師兄post既Event相, 佢同Sandforce比較快成條街?? 我最唔鐘意SandForce好似報大數咁..話要用壓縮data先至有最快速度..就咁行就麻麻地咁.. 老實講有幾多data有壓縮.. 我都成日執相剪片..呢D data都已經壓左啦..仲快乜鬼.. word file都有一堆..但個個file得個百幾KB.. 唔同我有幾萬個file咩.. 快得幾多.. 真係有少少搵笨..

好..到左測試了
我部機config..
CPU: core i5-2500
RAM: 16GB DDR3-1333 (4GB x4)
MB: asus P8H67M Pro
OS: Windows 7 ultimate 64bit
Driver: Intel RST 10.6 (AHCI mode)

首先睇下隻SSD資料先..新鮮出爐..不過佢SMART真係少左D資料..如果多D會好好多

呢個好多人用試SSD既software..今次隻M3P有成912分!!第一次見過900分!!但隻M3都唔差有成884!! Overall見到M3P快D!

呢個試佢實際速度..原來..唔試真係唔知..隻M3P點解可以快咁多!!傻的嗎!! Game果度快成100MB/s咁滯!! 真係無換錯M3P!

再試file copy..真係..413MB/s!! 好快好快!!

好啦!另一個要試既係佢個dirty status.. 即係行左一堆野再試!!我就勁試benchmark同file copy..之後再行crystaldiskmark!見到同初初開時一樣快咁滯!!

唔爭在試埋0 fill同1 fill..呢個就係唔似Sandforce咁..要行壓縮先至有料到..人地Marvell唔駛壓都咁快!!

到最後一句講晒!! 真係.. 有買貴無買錯, 好彩我細路食左我隻M3至有得換..希望佢唔會走上黎見到我呢個post啦XDDD..

另外有小弟之前既M3測試可以睇睇:p..大家可以比較下
http://www.hkepc.com/forum/viewt ... &extra=page%3D3