Rank: 3 Rank: 3 Rank: 3

1^# 跳轉到 » 倒序看帖

字體大小: tT

發表於 2014-1-17 04:47 | 只看該作者

[開箱] CM Storm Quickfire Ultimate Mechanical Keyboard(青軸)冷艷湖水藍LED

本帖最後由大和雅也於 2017-6-21 02:26 編輯

今日放工後（獨自去偷歡我謝絕去東莞

）一如既往咁行腦場，係苦等Maxwell期間，只好行下週邊產品區，行下行下又諗下諗下，諗番以前（回到深秋）說來話長，因為以前隻Ducky Shine2青軸送左比朋友.....（在沒有青軸的日子）

雖然青軸打起字上泥噪音比較大，但係一直都有打算買番隻青軸比自己爽快一下，仲記得隻Shine2係粉紫色燈（迷人Pink lady，又泥料

），見到Quickfire出左隻冷艷湖水藍燈（因為依稀記得呢隻系列係堅紅個隻紅燈做寫照）見隻色幾新鮮，一洗印象就忍唔住手買左了。

彩盒包裝

Cherry mx青軸版本，低電阻（CLICK，CLICK

）

盒身側邊，Microworks 1年保用貼紙

盒身側邊（又係側邊

），系統要求Windows 7／Vista／Vista x64/XP／XP x64／兼容Windows 8。

轉到盒背部份，多國語言說明。

盒背右邊介紹，全LED背光（上）NKRO技術（Windows only）USB接口下全按鍵無衝突（中）多媒體按鍵，背光模式，鎖定Windows鍵（下）

又係時侯開箱了

包裝得都算穩陣，面頭透明的為防塵蓋（點解包裝袋上面有兩個洞既大和師兄?你咁都唔明？要抖氣架嘛怕佢焗親

）面頭透明的為防塵蓋

配件都比較簡單（無送鍵帽

）拔鍵器，多國語言說明書，一張提醒用家要插實鍵盤接線的紙（大和師兄你叫人插實條線，條線呢

）。

產品詳細介紹，盒上標貼一年保養，不過說明書話有兩年保養，因為係有限地區。

因為想分開影清楚條接線，所以就幫佢影左張大頭照了

，鍵盤接線採用左防纏繞編織線材（都好粗下

），線上附帶磁環，兩邊接頭為鍍金物料，接頭種類MiniUSB。

主角現出真身，個人都係比較鍾意108鍵，全英文鍵帽，鍵盤外殼採用類膚質製作，眼利的師兄應該發現係唔見左Cm storm的字眼印係鍵盤上，同埋空白鍵鍵帽上的Quick fire（變左一條唔太明顯的透光線）Windows鍵就由一團火轉左為Windows 8的圖案，鋼板用左淺藍色點綴。

Miniusb接口。

鍵盤背面，可以上左右走線，方便自己自由靈活組合，背面設有四個普通厚度防滑墊。

架高墊腳為一段式（因為想影清楚墊腳，所以圖中墊腳未推盡）。

側拍鍵帽的角度。

單點亮模式（最暗）

單點亮模式（最光）

全點亮模式（最暗）

全點亮模式（最光）

功能鍵方面，頭先講到的無衝突按Quickfire Ultimat支援USB下N Key功能，係功能鍵上Ins同Del印有6及N的圖案，呢兩個字代表可以透過按鍵切換6鍵或者全鍵無衝突。

因為要處於Fn鍵鎖定情況下方可切換（Ｎ+INS為6鍵無衝突）（Ｎ+功能鍵上的Del為全鍵無衝突），成功時候鍵盤上背光會熄幾秒，再發光時侯就係代表切換完成。

Quickfire Ultima亦都支援反應時間切換，同無衝突一樣，要處於Fn鍵鎖定情況下方可切換，透過Num數字鍵上面共有8ms，4ms，2ms，1ms四種。
P+8ms(125hz)P+4ms(250hz)P+2ms(500hz)P+1ms(1000hz)。

仲有一個呼吸燈模式，不過影相好難捕捉就唔影了，拆卸鍵帽驗明正身為Cherry mx青軸，長身鍵方面都採用左平衡桿固定（總共8個鍵位）。

所以鍵帽下方另外加入鈎形扣配合平衡桿固定。

大名頂頂的fn鍵，功能分別有兩個模式為，fn燈亮時表示鎖定（按實fn 3秒為開），反之fn燈不亮表示要手動配合（同樣按實fn 3秒為關）睇個人喜好了。

f1為led開關／f2為減低亮度／f3為增強亮度／f4為轉不同亮燈模式。

f5為播放或者暫停／f6為停止播放／f7為上一首／f8為下一首。

f9為靜音／f10為降低音量／f11為增加音量／f12為鎖定Windows鍵。

新舊對比，Ducky zero 2108。

買後感想：湖水藍色LED燈的確係鮮艷柔和得多（兩者結合，稱之為太極

），總共3個預設轉換模式／五種亮度，Fn鍵鎖定後就可以隨便使用F1-F12的功能的確好方便（不過如果有F5刷新症的師兄，唔鎖定Fn鍵手動則比較方便），USB介面就可以達到N-Key Rollover／6key（雖然我用唔著），一整排實用的多媒體按鍵，淺藍色加厚鋼板提昇反射視覺美觀感之餘亦增加打字手感，鍵帽材質為可塑性強的ABS（觸感獨特，但相比PBT／POM鍵帽當中，ABS係最快磨蝕的一種（俗稱打油）不過鍵帽上採用左UV覆膜工藝技術然後再激光雕刻製作（有效降低鍵帽磨蝕，減慢鍵帽打油情況）帶有少少磨砂手感。鍵盤傾斜度符合打字舒適度比例，總括外觀上雖然唔稱得上算有太大突破性，價錢定位亦都唔算太進取，不過一般實用的元素都應有盡有，湖水藍色LED既舒適不刺眼，仲帶比我喚然一新感覺，如果可以增加腕托就更加完美，雖然CM係電競之路目前可能只屬冰山一角，何必以卵擊石，隔山打牛。

缺點方面：手感方面有待加強，感覺比Shine 2青軸輕，ABS鍵帽對於手汗大同怕印手指紋的人不太適合，長身鍵帽採用平衡桿固定，加強左穩定性，增強打字手感（但對於新手拆卸比較困難，裝番上去太過用力又會令平衡桿移位，要搵工具頂住先比較容易裝上）無可記憶LED亮燈的模式等等...（不過CM畢竟唔係專門去做鍵盤的廠商）而且鍵盤上只有右上角一團藍火圖案，除此以外無印任何關於品牌上的字眼或者圖案，過於單調之餘同埋少左應有的歸屬美感，對比Quickfire pro之下略顯失色，有種遺忘左Quickfire一貫的風格。